مصلح :
لقيته يحترق من الحراره و وجهه واضح عليه التعب طلعت من الخيمه انادي العيال جاء رشاش وشافه تعبان قال " شفيه ليه حرارته كذا ؟ " قلت " شدراني بس وضعه مو بخير يا رشاش " مسك رشاش عمر وقال " صادق عمر مو بخير " لف على علي وقال " علي فك الدكتوره وجيبها بسرعه " .
دانا :
شفت علي طالع من الخيمه وجاي ل عندي جلس يفكني وانا مصدومه قلت " شتبي ! " مسكني مع كتفي وسحبني وقال " امشي وانتي ساكته " وداني الخيمه ودخلنا شفت عمر منسدح وحوله العيال دفيت يد علي عني و ركضت ل عمر وجلست عند راسه وقلت " ابعدوا خلوا الولد يتنفس ! " بعدوا عنه وحطيت يدي على راسه اقيس حرارته لقيته حار مره قلت " جيبوا مويه و فوطه " جلسوا يطالعون لي قلت " شتنتظرون ! بسرعه " راح مصلح يجيب ماي و فوطه خذيت الماي و الفوطه وسويت له كمادات وحطيتها على راسه وهم يطالعون لي قلت " اطلعوا ليش متحاشرين بالخيمه ؟! " قال رشاش " سوي شغلك وانتي ساكته " قلت " يا صبر " قال قحص " يا عيال امشوا صادقه كلنا متحاشرين هنا بنمرضه زياده " طلعوا العيال من الخيمه وبقوا جود و مصلح طالعت فيهم قال مصلح " ما يحتاج تقولين بنطلع " قلت " لا انتوا اقعدوا عادي " قالت جود " خلينا نطلع احسن عشان يرتاح شوي " قلت " براحتكم " طلعوا جود ومصلح من الخيمه .
عمر :
من شفت دانا نسيت التعب وجلست اطالع لها كيف هي خايفه علي و كل شوي تقيس حرارتي بيدها وتحط لي كمادات قاطعت تفكيري لما قالت " لو تقط ثوبك و فنيلتك يكون احسن " طالعت لها قالت " عشان تنخفض حرارتك " قعدت تلهي نفسها في الماي والفوطه وانا احاول اقط لبسي بس جسمي مكسر شافتني وانا تعبان واحاول قالت " اساعدك ؟ " قلت " يا ليت " جت تساعدني وترفع الثوب وتطلع يدي منه وقطت الثوب بعدين جت تقط الفنيله وانا اطالع لها وهي قريبه مني وترفع الفنيله الا قاطع تأملي لها مصلح لما دخل و وقف مكانه اول ما دخل وقال وهو ماسك ضحكته " شكلي جيت بوقت غلط " طالعت فيه ورفعت حواجبي وقلت " مصلح ! " ضحك مصلح وقال " جيت اخذ فروتي وبطلع " خذا فروته وقعد يطالع لي ويغمز وانا اضحك عليه ودانا مدنقه راسها وتبتسم وتحط الفوطه بالماي وقالت " عمر انسدح " انسدحت وحطت الفوطه على راسي وطلع مصلح من الخيمه .
جود :
كنت جالسه طفشانه والعب بالرمل بيدي جاني علي وجلس جنبي طالعت فيه وكملت لعب في الرمل قال " تقدرين تفضفضين لي " قلت " لا تضحكني مالي خلق اضحك " قال " وش اللي يضحك ؟ " قلت " انت " قال " شفيك ابي اعدل علاقتي معك " قلت " اي علاقه ؟ من متى بيننا علاقه عشان تقول اعدلها ؟ " قال " اقصد يعني ابي تكون بيننا علاقه وديّه " قلت " روح دام النفس عليك طيبه " قال " شفيك انتي كله منفسه وعلى اي شي تعصبين ؟ " قلت " توك ما شفت عصبيتي ونصيحتي روح قبل لا تشوفها احسن لك " حط يده يمسح على خدي ودفيت يده بقوه قال " احب العصبيين " مسكت الرمل ورميته عليه وقفت وقلت وانا معصبه بصوت عالي " اذلف عن وجهي لا ادفنك هنا " وقف علي وقال " اهدى من كذا ! " قلت بصوت عالي " بتذلف ولا ابلعك تراب البر كله ؟ " راح علي و جلست انفض التراب اللي على لبسي .
مصلح :
كنت طالع من خيمة دانا وعمر وشفت جود تصارخ على علي وتقول " بتذلف ولا ابلعك تراب البر كله " وشفت علي رايح وتاركها لما صارخت عليه جيتها وانا اضحك وهي تنفض التراب عن لبسها وقفت جنبها وقلت " تعجبيني " لفت علي وقالت " في وش ؟ " غمزت لها وقلت " في كل شي " ومشيت رايح ل العيال .
جود :
غمز لي وقال " في كل شي " وراح وقفت مكاني مصدومه وافكر شقصده لما غمز لي وقال كذا بس اني انبسطت لما قال كذا استوعبت اني مبسوطه وقلت في داخلي ( جود شفيك مبسوطه ! انتي مو كذا انتي اي احد يقول لك كذا تندمينه على يوم ولادته ) خذاني التفكير في مصلح وحسيت اني اعامله غير حسيت انه مختلف عنهم جلست افكر ليه انا لما هو يقول لي كذا ويسوي لي هالحركات انبسط بس لو غيره اقلب الدنيا استوعبت اني ...
____________________________________
شرايكم ؟🧠
جود وقعت في الكمين🚶🏼♀️
