جود :
نزلت اركض دخلت البيت وانا اوخر الناس عن الباب شفت المسعفين مغطين جدي وشايلينه قربت ابي ارفع الغطاء عنه وسحبوني الناس شفت عمي واقف قلت له " عمي ايش فيه ! شصاير " ما رد علي وجلس يساعد المسعفين جلست ادف الناس عني واحاول امسك جدي وهم يسحبوني وانا اصيح واصارخ جلست على الارض منهاره من الصياح ، خذوا الاسعاف جثة جدي وانا جالسه عند باب البيت على الرصيف اصيح واللي وصلوني واقفين عندي و الام وبنتها يهدوني ويضموني جاني عمي بعد ما بعد الناس عن البيت طالع لي وانا اصيح وقال ل الناس اللي وصلوني " يعطيكم العافيه تقدرون تروحون " قالت الام " البنت مو بخير تحتاج مسانده " قال عمي " انا موجود انا عمها و بساندها " قاموا الام وبنتها و راحوا ل سيارتهم ومشوا .
دانا :
جاء ابوي ودخل البيت اول ما دخل قمت من مكاني اركض وحضنته وانا اصيح مسح على راسي وباس راسي وقال " رجعت لي روحي لما رجعتي يا دانا " ، جلسنا بالصاله بعد ما عوضنا نفسنا بالاحضان عن الايام اللي ما كنت فيها معهم قال ابوي " كيف حالك يا دانا ؟ " قلت " بعد ما شفتكم صرت بخير " قال ابوي " اهخ يا دانا ما تدرين شكثر كنا خايفين عليك انا وامك " طالعت فيهم ودموعي تجمعت بعيوني قالت امي " ليل نهار ابوك يدور عليك وانا ملازمه سجادتي وادعي ترجعين ل البيت بخير " قلت " الحمدلله هذاني رجعت لكم بخير " قال ابوي " الا صحيح دانا كيف رجعتي ل البيت ؟ " سكتت وطالعت له حرك راسه ينتظرني اجاوب تدخلت امي وقالت " عزام البنت تعبانه مو وقت تحقيق خلها تنام وبكرا تعلمنا شصار لها " حاولت اغير الموضوع وقلت " اشتقت ل غرفتي و سريري " قالت امي " غرفتك و سريرك جاهزين كان عندي احساس انك بترجعين قريب وكنت كل يومين انظف غرفتك " حضنت امي وقلت " احبك ماما " قالت " وانا احبك " طالعت في ابوي قال " وانا مالي حضن ؟ " ضحكت وحضنته وقمت رايحه ل غرفتي .
عمر :
كنت لسه تعبان ومصلح مو قادر ينام من ازعاجي كل دقيقتين اعطس او اكح جلس مصلح وطالع لي قلت " ادري مو قادر تنام بسبب ازعاجي " قال " اصلًا النوم مو راضي يجيني ، افكر في جود " قلت " بس تصدق يا مصلح هم في مكان احسن من ذا المكان " طالع فيني مصلح قلت " والله يعني يوم كانوا هنا كانوا متعذبين من رشاش ومن البر ومن كل شي " قال مصلح " في ذي صدقت حتى انا تعذبت من هالبر والتراب اللي كل يوم ابلعه والنومه اللي تكسر الظهر في الخيام " قلت " اشوفك صرت تت.. " وعطست رجعت اكمل كلامي " صرت تتشكى بعد ما راح.. " رجعت عطست قال مصلح " صرت تتشكى بعد ما راحت جود هذا اللي كنت بتقوله صح ؟ " ضحكت وقلت " ايه " قال " جود لما كانت هنا كان تركيزي عليها وعلى جنونها ما كنت حاس باللي حولي وبالوضع اللي حنا فيه " قلت " صادق يوم كنت نايم مع دانا بالبرد ما كنت حاس بالبرد كان كل تركيزي معها وهي نايمه بحضني " قال مصلح " وذي اخرة التركيز في دانا انت تعبان وكل دقيقه تعاطس جرثمت الخيمه وانا توني استوعب ان النومه على الارض تكسر الظهر " ضحكنا وانسدحنا نحاول ننام .
