جود :
مسك عمر خط ل البر وكان فيني نوم كانت عيوني تغمض وانا احاول اقاوم النوم بصعوبه ، ما قدرت اقاوم النوم و غفيت .
مصلح :
كنت اشوف جود وهي تقاوم النوم كل شوي تغمض عيونها وترجع تفتحها بالاخير استسلمت للنوم ونامت ، طاح راسها على كتفي وهي نايمه لفيت اطالع لها كانت قريبه مره مني وهي حاطه راسها على كتفي ونايمه قعدت اطالع لها كيف هي بهالجمال و لوهله لفيت اشوف قحص يطالع لي ويبتسم كأنه قافط اني خاق عليها لفيت اطالع الطريق واحاول ما اتحرك كثير عشان ما ازعجها وتصحى .
دانا :
صحيت لقيت نفسي في مكان ظلام و مكتوم وكان راسي يعورني واحس في وجع برقبتي قعدت اضرب السياره لأني انخنقت وانكتمت وجلست اصارخ ابيهم يساعدوني لا اموت من الخنقه .
قحص :
سمعت صوت صراخ دانا و صوت طقها ل السياره قلت " يا عيال وقفوا " قال عمر " شفيك شسالفه " قلت " فيه صوت صراخ وفيه احد يطق السياره ورا " وقف عمر السياره وقال " نسيت دانا ورا لا يكون انخنقت البنت " عصب مصلح وقال " تستهبل انت انزل بسرعه لا تكون ماتت من الخنقه " نزل عمر يركض و راح يفتح ل دانا .
جود :
صحيت من ازعاجهم واستوعبت ان راسي على كتف مصلح رفعت راسي وطالعت في مصلح وقلت " ما كان قصدي انام على كتفك " قال " ادري " قلت " طيب كان قومتني " قال " شدعوه ترى راسك خفيف ما حسيت فيه " طالعت له وفشلته وقلت " النومه على كتفك مو مريحه " فشلني لما قال " لدرجة انك ما قمتي الا من ازعاجنا " طالعت له بنظره وكان ماسك ضحكته لفيت اطالع الجهه الثانيه من الفشله .
دانا :
فتح لي عمر وقعدت اتنفس وهو يطالع لي خايف حطيت يدي على رقبتي مكان الالم و طالعت يدي كان فيها دم من رقبتي قرب عمر يبي يساعدني دفيته وقلت " شتبي انت ! " قال " ابي اساعدك " قلت " محد طلب مساعدتك ! " نزلت من السياره وانا معصبه لقيتنا في طريق طويل وما حولنا لا بيوت ولا شي حولنا من كل جهه تراب و الوقت ليل قلت " حنا وين ! " قال عمر " حنا ماسكين خط ل البر " قلت " وعلى اي اساس ماسكين خط ل البر ! " قال " شكلك نسيتي شصار قبل شوي من اثر الضربه " قلت " ما نسيت شي " نزل رشاش من السياره وقال " اخلصوا علينا مو وقت نقاش " قال عمر " طيب الحين جايين " قلت " انا ماني رايحه مكان وبقعد هنا " قال عمر " بتقعدين هنا لحالك بهالليل و هالمكان ؟! " قلت " ايه عندك اعتراض ؟ " قال رشاش " امشي بس منتي رايحه مكان وانتي عارفه اننا بنستقر بالبر " قلت " البر ماله اخر وانا ما اعرف انتوا وين بالضبط بتستقرون خلوني في حالي وكملوا طريقكم " قال قحص " رشاش خلها هنا نفتك من ازعاجها وهي صادقه ما تدري وين حنا بالضبط بنستقر " قال رشاش " اجل يلا مشينا يا عمر خلها هنا بتموت على ما يلقاها احد بهالمكان " ...
____________________________________
شرايكم ؟ 🤔
تتوقعون يتركون دانا و يروحون ؟
