جود :
سكرت باب الغرفه و وقفت عند الباب سندت راسي على الباب تنهدت و رجعت فتحت الباب طلعت شفت مصلح يمشي بالممر قلت " مصلح " وقف والتفت علي ركضت له بدون ما افكر ورميت نفسي في حضنه بادلني الحضن وشديت عليه الحضن اكثر .
فهد :
كنت جايب اكل و رايح ل الغرفه بس شفت بالممر جود و مصلح حاضين بعض تخبيت طلعت جوالي و صورتهم قعدت انتظرهم طولوا وهم حاضنين بعض بعدها مسكوا يد بعض ودخلوا غرفة جود ودانا ، رحت ل غرفتي و دخلت لقيت محمد متمدد على الكنبه و يقول " طولت الجوع ذبحني " قلت " والله شي ثاني بيذبحك " طالع لي محمد مستغرب قلت " تبي الصدمه قبل الاكل ولا بعد الاكل ؟ " قال " اخلص علي شفيك " قلت " وخر رجولك بجلس " جلست جنب محمد وريته الفيديو وقلت " راحت عليك يا محمد " قال محمد " متى صورت ذا الفيديو ؟ " قلت " توني قبل خمس دقايق تقريبًا " شبك محمد يدينه ببعض وجلس يطقطق اصابعه قلت " ارضى بالواقع يا محمد البنت ما بتصير لك " عطاني نظره تخوف وقال " انا اذا بغيت شي اخذه لو كل العوائق قدامي ما استسلم زيك يا هطف " قلت " انا ما استسلمت بس مخليها ل الوقت المناسب " قال " انا لو بغيت اقدر اجيب جود هالغرفه بكل سهوله " قلت " اشوفك تتكلم وانت واثق ! " قال " انا ما اقول شي الا وانا عارف اني اقدر عليه " قلت " اجل يلا تقدر تجيب لي دانا هالغرفه ؟ " طالع فيني وهو ساكت قلت " ما تقدر " قال " اقدر بس وش تبي فيها ؟ " قلت " اتسلى واحرق قلب عمر الهطف " قال " الموضوع صار منافسه بينك وبين عمر ؟ " قلت " مو منافسه بس ابي احرق قلبه " ضحك محمد وقال " احرق قلبه مثل ما حرقتك دانا ذيك المره " طالعت فيه وانا معصب قال " ما قصرت دانا حرقت جسمك وقلبك " قلت " محمد لو ما تسكت بحرقك كلك " ضحك واخذ الاكل وقال " اكل لا يبرد بس " .
مصلح :
كنت طالع وسمعتها تناديني التفت لها وركضت حضنتني بادلتها الحضن وشدت الحضن ابتسمت وكانت اسعد لحظه بحياتي مسكت يدي و سحبتني ل الغرفه ، دخلنا الغرفه و جلسنا على الكنبه جنب بعض طالعت لها وهي منزله راسها رفعت راسها بيدي وقلت " خليني اشبع من شوفتك " ابتسمت وقالت " بروح استشور " وقفت تبي تروح مسكت يدها وقلت " اعتبر على اللي صار انك اخترتي تسمحين لي امسح غلطتي ؟ " قالت " اعتبر اللي صار اني اخترتك انت " قلت " لسه قلبك ما سامحني ؟ " قالت " قلبي من تلاقينا سامحك " راحت تستشور وانا جالس فتحت جوالي و ارسلت ل عمر " ولد " رد علي وقال " هلا " قلت " اسمع لا تخلي دانا تجي الغرفه " قال " تستهبل ؟ طولتوا و ترى دانا راحت ل الغرفه قبل شوي " قلت " الحق خذها اطلعوا سوي اي شي تكفى لا تخرب علي واضطر اطلع اذا جت " قال " عساني الحق عليها " توني برد عليه الا سمعت الجرس قمت وفتحت الباب لقيت دانا واقفه قلت " هلا شبغيتي " قالت " وش اللي وش بغيت مصلح ترى ذي غرفتي على فكره يعني " قلت " ادري بس رجعتي بدري " طالعت في الوقت وقالت " تستهبل انت ما تشوف الساعه كم ؟ وخر ابي انام " قلت " دانا خليني شوي مع جود وانتي روحي سوي اي شي " قالت " فيني النوم يا مصلح بعدين اقعد مع جود " جاء عمر وراها قلت " تأخرت يا عمر " حك عمر راسه وقال " شالوضع " قلت " امسك حبيبتك بتخرب علي جوي تقول تبي تنام " ابتسم عمر وقال ل دانا " تبين تنامين تعالي غرفتي " عززت ل عمر وقلت " ايه روحي له يلا " جيت اسكر الباب دفت دانا الباب وقالت " مابي انام بغرفه عمر !!! " سمعت صوت الاستشوار طفى سكرت الباب بسرعه في وجههم وقفلته .
