جود :
خفت يوم شفته و قبل ما يمسكني من التوتر ما عرفت وش اسوي وطعنته طلعت السكين وانا خايفه وطاح مصلح على الارض وهو ينزف جلست على الارض وانا مو عارفه وش اسوي و مسكت مكان الطعنه احاول اساعده بس مو عارفه كيف صارخت انادي دانا .
دانا :
كانت جود تصارخ تناديني رحت الغرفه ركض لقيت مصلح طايح على الارض و جود جالسه عنده ويدها كلها دم ومنهاره تبكي جلست اهديها وقلت لها " معليك بسيطه بساعده وبخيط له الجرح لا تشيلين هم " لفيت على مصلح و حطيت يدي على الجرح وقلت ل جود تجيب شنطه الاسعافات راحت جود تجيب شنطة الاسعافات وجاء عمر الغرفه .
عمر :
دخلت الغرفه وانصدمت وسألت دانا " وش صار !!! " قالت لي " اقول لك بعدين " جت جود وجابت الاغراض و قامت دانا تساعد مصلح ، جلست معها اساعدها خلصت دانا من خياطة جرحه لفيت ما لقيت جود .
جود :
كنت متوتره وخايفه يموت او يصير له شي بسببي وانتظرت دانا تساعده ولما شفتها قربت تخلص فكرت ان ذي فرصتي اهرب واجيب الشرطه و نساعد دانا طلعت من الغرفه و رحت ل غرفه من الغرف و قدرت افك الدريشه ونطيت شفت بالحوش قطوتي و خذتها معي جيت اطلع الا انفتح الباب وتخبيت بالحوش ، شفت العصابه داخلين ومعهم شنط وسكروا الباب و دخلوا البيت اول ما دخلوا رحت ركض وفتحت الباب وطلعت .
عمر :
طلعت من الغرفه ادور جود وما لقيتها جوا العيال و قلت لهم ان جود مو موجوده في البيت طلعوا العيال يلحقونها بس ما لقوها بالحوش و لقوا الباب مفتوح و فهموا انها هربت عصب رشاش و قال لي " يا رخمه كيف هربت وين كنت لما هربت و بعدين وين مصلح ؟؟ " قلت له " هدي بعلمك كل شي بس الحقوا على البنت لا تبعد اكثر من كذا " طلعوا العيال يدورونها و جلست انا بالبيت عند دانا و مصلح .
سلطان :
طلعنا ندورها و توزعنا وما لقيناها صار الليل والبنت مختفيه رجعنا البيت وقال رشاش بعصبيه " ابي افهم رحنا كم ساعه ولا قدرتوا عليهم ! " قال عمر " البنت طعنت مصلح جيت لقيته على الارض و ما كنت حولها كنت خايف على مصلح " رد عليه رشاش وقال " اكيد بلغت علينا الشرطه زين ان الثانيه ما هربت معها " قال عمر " دانا مسكينه كانت تساعد مصلح " لف رشاش علينا وقال " قوموا تجهزوا بنمشي الحين من هنا " قمنا نضبط وضعنا ونلم اغراضنا وكنا مو مستعدين ابدًا و مستعجلين طلعنا انا و مهل نحط الاغراض بالسياره الا شفنا ..
______________________________________________
شرايكم ؟ 👀
تتوقعون وش شافوا ؟
