دخل مصلح الشقه مع جود
شاف الوضع في حالة دمار
مصلح (يحاول يخفف التوتر):
احد يشرح لي وش اللي صاير؟ قبل الموضوع ينفجر اكثر من كذا
دانا (ترفع نظرها لعمر بصوت بارد):
مافيه شيء يستاهل ينشرح. كل شيء واضح
جود (بتوتر واضح، تضغط على يد مصلح):
شوف القهوة اللي مكبوبه على عمر الوضع أكثر تعقيد من اللي نتوقعه
عمر (ردًا على كلام دانا) :
واضح؟ يعني بس عشان لقيتيني أتكلم معها وطلعت تغديت معها ، خلاص صرت مفضلها عليك ؟
دانا ( وهي تحاول تكتم غضبها ) :
تغديت معها ؟ يعني كل الكلام اللي قلته لي انك مشغول كان كذب !
مصلح ( يهمس ل جود ) :
بس الصراحة كان يستاهل تكب عليه القهوه واكثر بعد شوفيه ما كان صريح معاها
جود ( تهمس ل مصلح ) :
يعني اذا انت كذبت علي اكب عليك قهوه حاره ؟ هذا المنطق عندك ؟
مصلح ( يهمس ل جود ) :
انا مستحيل اكذب عليك عشان كذا ضامن ما بتنكب علي اي قهوه حاره
وسط نقاش جود ومصلح كان النقاش بين دانا وعمر يروح لمرحله سيئه
عمر ( يبرر موقفه ) :
كان غداء اعتذار ما كان موعد غرامي
