سلطان :
طلعنا انا و مهل نحط الاغراض بالسياره الا شفنا الشرطه ركضت دخلت البيت وقلت " رشاش حكومه " طلع رشاش الاسلحه و طلعنا وصار بيننا وبين الشرطه اشتباك طلق نار .
دانا :
طلعت من الغرفه لما سمعت صوت الطلق كنت خايفه ومتوتره جاء عمر وقال لي " ادخلي الغرفه و لا تطلعين لين اقول لك " قلت له " شصاير ! " قال لي " مو وقت اسأله " دخلني الغرفه وراح قام مصلح وقال " ساعديني يا دكتوره " جيت عنده وساعدته يقوم استند علي وطلعنا من الغرفه دخل رشاش علينا وقال " عجلوا اطلعوا على طول على الموتر " طلعنا و ركبنا السياره و هربنا من الشرطه .
عمر :
هربنا من الشرطه و رحنا بيت سعيد نزلنا من السياره واستند مصلح علي ودخلنا البيت وجابوا قحص و سلطان دانا داخل البيت جلسنا نسولف مع سعيد ونعلمه باللي صار لفيت شفت دانا جالسه على الارض تبكي وعيونها حمراء من كثر البكي شافتني اطالع لها مسحت دموعها و سوت نفسها مشغوله قمت جيت عندها قلت لها " شفيك تبكين " قعدت تطالع لي وعيونها مليانه دموع وقالت " ليه خربتوا حياتي ؟ كنت عايشه بخير قبل ما تجون بذاك اليوم وتقلبون لي حياتي " كانت وهي تتكلم دموعها تطيح ما اخفي لكم قلبي عورني عليها وتمنيت لو اني اقدر اساعدها بس ما بيدي حيله قلت لها " بنرجعك ل اهلك بس خلي الاوضاع تهدا " قاطع كلامنا رشاش لما قال " عمر تعال يلا بناكل " قمت ورحت اكل مع العيال وهي جالسه في مكانها خذيت صحن وحطيت لها من الاكل و رحت حطيته قدامها و رجعت اكمل اكلي وكنت اشوفها تقرب الاكل منها وتاكل واضح انها كانت جوعانه عورت لي قلبي انبني ضميري عليها .
* سعيد تاجر المخدرات *
دانا :
بعد ما خلصت اكل انسدحت على الارض من التعب ونمت حسيت في احد يغطيني بس ما كنت بوعيي كان النوم يسرقني لمحت عمر وهو رايح بعد ما غطاني و نمت ، صحاني قحص من النوم وقال لي " روحي الغرفه بسرعه " قمت ورحت الغرفه و طلعوا العيال الصاله وكانوا يسولفون وقفت عند الباب وسمعتهم يتكلمون عن ...
____________________________________
شرايكم ؟ 🕸
تتوقعون سمعتهم يتكلمون عن وش او مين ؟
