عمر :
شفت علي عند دانا ويمسك شعرها يوخره عن وجهها تنرفزت وما قدرت امسك نفسي و جيت مسرع عندهم ومسكت علي بيدي الثنتين من ثوبه و سحبته عنها وقلت " والله لا اربيك " وضربته على وجهه ورد لي الضربه و تضاربنا وسدحته بالارض وجيت فوقه و كملت عليه ضرب .
مصلح :
كنت انا والعيال واقفين الا سمعنا صوت صراخ علي و عمر وهم يتهاوشون لفينا وشفنا علي على الارض وعمر فوقه يصفقه ركضنا لعندهم وجيت ابعد عمر عن علي قال رشاش " عمر اتركه " وعمر مو معطي احد وجه ومكمل ضرب قعدت اسحب عمر عن علي وقلت " عمر اتركه لا يموت الرجال بين يدك " جاء قحص وساعدني نسحب عمر عن علي قال عمر " يخسى يكون ذا رجال ! " قوم رشاش علي و كان وجه علي مليان دم من كثر الضرب سحبوا العيال علي و بعدوه عن عمر خذيت انا عمر و دخلته الخيمه و جلسنا وعمر منفس قلت " شبلاك يا خوي عليه ؟ " قال عمر " هالخسيس كان يزعج دانا " قلت له " طيب كان مسكت اعصابك تراه كان بيموت على يدك لو ما فرقناكم " قال لي " تتوقع اني يوم كنت اضربه ما كنت ابيه يموت ؟ " خفت من كلام عمر وقلت " عمر اهدى انت ما كنت كذا انت كنت اعقل واحد فينا وتخاف تأذي نمله " قال لي " انت قلتها بنفسك ( كنت ) الحين الوضع تغير " قلت له " بصراحه ما توقعت انك تغار على دانا لهالدرجه " عطاني عمر كوع في بطني وقال بهمس " اهجد لا تسمع جود " ضحكت وقلت " عمر ترى الكل عارف انك تحب دانا الا انت ما تدري ان الكل يدري " سمعت صوت جود تضحك لفيت عليها لقيتها تحاول تمسك ضحكتها وتطالع الارض .
جود :
ضحكت لما سمعت كلام مصلح ل عمر بس توترت لما شفت مصلح لف علي وقعدت اطالع بالارض عشان الهي نفسي الا قال مصلح " جود قربي مني شوي " طالعت له واستغربت من كلامه وقال " اقصد قربي عشان تساعدين عمر بعد الاصابات اللي جته من الهوشه " استوعبت انه قصده اساعد عمر وانا مالت علي كنت مستانسه احسبه يبيني اجي جنبه لأني جالسه بعيد عنهم المهم جيت جنبهم وجلست قال مصلح " بطلع اشوف وضع العيال واجي " طالعت فيه وقلت " طيب " طلع مصلح وجلست انظف الجروح اللي بوجه عمر .
مصلح :
طلعت من الخيمه عشان اروح اشوف وضع علي بعد الجلد اللي جاه رحت عند العيال وقال رشاش " وينه اللي مسوي فيها انه يغار على بنت عزام " قلت " بالخيمه " قال " ناده ترى بناكل " قلت " ابشر " رجعت ل الخيمه اناديه ، دخلت الخيمه شفت جود ماسكه وجه عمر و مقربه منه وهي تمسح الجروح اللي بوجهه تنحنحت عشان تنتبه لوجودي لكن استفزتني يوم طالعت فيني ورجعت تكمل تنظف الجروح اللي بوجهه جيت جنبها وجلست طلعت قطن من شنطة الاسعافات الاوليه و حطيت فيها معقم الجروح وجيت عند وجهه عمر و وخرت يد جود عنه لفت تطالع لي لما وخرت يدها لفيت عليها وتقابلت وجيهنا كانت قريبه مني بشكل طالعت في عيونها وحطت عينها بعيني ولا وخرت عيونها حسيت بنفسها من كثر القرب اللي كان بيننا ضعت بين عيونها وانا اطالع لها بس خرب عمر اللحظه لما توجع وقال " مصلح اوجعتني " استوعبت اني ضاغط على الجرح بقوه الا بعدت جود عني وقعدت تجمع الاغراض .
جود :
لما كانت عيونه في عيوني كنت متوتره لكن غلبت توتري كنت ابيه هو اللي يبعد عيونه بس كان صامل وحاط عينه في عيني ولا رمش وكانت نظرته لي كأنه بيدخل في عيني من كثر ماهو يطالع لي ومقرب مني بس قاطع نظراته عمر لما توجع منه واستغليت الفرصه في اني الهي نفسي وانا اجمع الاغراض ، ما احكي لكم كيف كان قلبي يدق بسرعه وقتها وكيف كنت متوتره من نظراته جلست بعيد اطالع لهم ومصلح يكمل ينظف جروح عمر بدالي ، قمت وطلعت من الخيمه عشان اشوف دانا شفتها لسه مربوطه عورني قلبي عليها لفيت اتأكد في احد حولي شفت العيال لاهين ياكلون رحت عند دانا و قلت " دانا انتي بخير ؟ " قالت لي " ابي مويه " قمت ورحت اجيب لها مويه وجيت عندها وجلست افك المويه لكن ...
____________________________________
شرايكم ؟ 👣
الظاهر ان جود بتنجلد
