جود :
سمعت صوت احد يفتح الباب لفيت شفت فارس عند الباب ، دخل فارس المطبخ وانا قاعده عند قطوتي خذا مويه وجلس يشرب وانا اداعب قطوتي قال " قومي خلي عنك هالقطوه وقابلي الناس اللي جايين يعزون " سويت نفسي ما اسمعه وشلت صحن اكل القطوه يوم خلصت ومشيت ابي اغسله جا جنبي وقال " اكلمك انا ردي ! " سفهته وجلست اغسل صحن الاكل مسكني مع كتفي دفيته بقوه وقلت " اطلع برا المطبخ بسرعه لا ارتكب فيك جريمه " قرب وقال " تهدديني يعني ؟ " حذفت الصحن في المغسله بقوه من كثر ما اني متنرفزه ومتضايقه وقلت له بصراخ " اطلع برا ما تفهم انت ؟ " ، جاء عمي من صراخي ودخل المطبخ معصب وقال " وجع شهالصراخ ! فضحتينا قدام الرياجيل بصراخك " طالعت فيه ولفيت فتحت المويه غسلت يدي وطلعت من المطبخ قال عمي " تعالي دخلي قطوتك القفص لا ارميها بالشارع " سفهته ورحت .
عمر :
صحينا الصبح طلعت من الخيمه خذيت كاسين وصبيت لي و لـ مصلح شاهي ، جاء مصلح وعطيته الشاهي جلسنا نشرب جانا رشاش وقال " جاهزين يا شباب ؟ " قال مصلح " جاهزين ل ايش ؟ " قال رشاش " عندنا اسبوع نضبط فيه وضعنا ونهج ل اليمن " قلت " ليه نهج ل اليمن ؟! " قال رشاش " تبينا نقعد هنا ننتظرهم يمسكونا ويقصوننا ؟ " قال سلطان " الحين حتى رهاين ما عندنا يعني ما نقدر نسيطر عليهم بسهوله زي قبل " قمت وجيت اروح ل الخيمه قال رشاش " عمر تعال عبي الاسلحه طلق مع علي " طالعت فيه قال " عشان نمشي يلا استعجل "رجعت وجلست اعبي الاسلحه طلق مع علي وانا منفس .
مصلح :
تجهزنا وضبطنا وضعنا و ركبنا السياره ، رحنا ل سوق الذهب قال رشاش " مصلح وقحص تعالوا معي والباقي مع بعض " رحت انا و رشاش و قحص نسرق محلات الذهب اللي على اليمين و الباقي راحوا يسرقون اللي على اليسار ، كسرنا قزاز المحلات و سرقنا ذهبهم و عثينا في الارض فساد حطينا الذهب اللي سرقناه بالسياره وهربنا من سوق الذهب .
دانا :
جلست بالصاله مع امي هي تقرا قران وانا اطالع التلفزيون قعدت افرفر بالقنوات لقيت قناة الاخبار عارضين صور العصابه ومن ضمن الصور صورة عمر قعدت اطالع الخبر شفت انهم سارقين سوق الذهب ومكسرين المحلات كانوا عارضين شكل المحلات بعد ما انسرقت كانت المحلات مكسره و فاضيه ما كأنها المحلات اللي كان فيها قبل ذهب ما خلوا شي ما سرقوه شافتني امي اطالع ل الخبر سحبت الريموت وغيرت القناه طالعت فيها بصدمه قالت " وش هالاخبار الشينه لا تطالعين ل اخبارهم يا دانا " قلت " كنت افر في القنوات وطلعت لي القناه صدفه وعادي يعني بس بشوف وش صاير يعني " قالت امي " دانا بسألك سؤال " قلت " اسألي " قالت " كيف رجعتي البيت ؟ " قلت " لو اقول ما بتصدقيني " قالت " قولي بصدقك " قلت " عمر " قالت " مين عمر ؟ " طالعت لها وانا ساكته قالت " لا يكون عمر اللي مع العصابه ؟! " سكتت وما رديت عليها قالت " دانا ردي علي عمر اللي مع العصابه هو اللي جابك ل البيت ؟ " قلت " ايه هو " قالت " وتركتيه يهرب ! ما بلغتي عليه وساكته ما قلتي ل ابوك " قعدت اطالع في الارض قالت " دانا انتي تركتي المجرم حر بينما كنتي تقدرين تساعدين ابوك في انه يمسكه ! " قلت " انا ما كنت ابي اغدر فيه وابلغ عليه " قالت " ابوك لو يدري بينجن " قلت " لا تعلمينه مو لازم يعرف " قالت وهي معصبه " بتجلطيني انتي يا دانا ! " قامت وراحت غرفتها .
