جود :
جلست افك المويه لكن وانا افك المويه جاني سلطان وسحب المويه مني وقال بهمس " مجنونه انتي ما سمعتي رشاش وش قال ؟ " قلت " الا سمعت " قال " ولسه ناويه تساعدينها بعد ! " قلت " ايه عندك اعتراض ؟ " قال " توكلي على خيمتك " وكب المويه على التراب و راح قهرني بشكل لما سوا كذا ، لفيت على دانا وقلت " معليك منه بساعدك " لفيت اشوف العيال شفت رشاش يقوم من عند الاكل رجعت ل الخيمه ركض لا يشوفني و اروح فيها .
دانا :
كنت عطشانه و بردانه و محد قادر يساعدني كلهم كانوا خايفين من رشاش اللي يحوم حولي كأنه ذبانه ويتوعد فيهم اذا ساعدوني ، شفت مصلح و عمر و جود طالعين من الخيمه و رايحين ل العيال .
مصلح :
طلعت انا و عمر و جود من الخيمه و رحنا نبي ناكل بس قدهم كلوا وخلصوا العيال جاني قحص وقال " مصلح ترى خشيت لكم على جنب شوي من الاكل " شكرت قحص و رحت خذيت الاكل و جلست مع جود و عمر و وزعته بيننا ، قعدنا انا وجود ناكل و عمر ما لمس اكله و سرحان يطالع في دانا قلت " هشش " انتبه لي عمر وطالع لي قلت " اكل ترى بيبرد الاكل " سفهني و رجع يطالع في دانا .
جود :
جاء الليل و حنا جالسين عند النار و دانا لسه مربطه وبعيده عن النار قلت " الجو بارد " طالع فيني رشاش قلت " دانا بتتجمد من كثر البرد " خزني رشاش وقال " كانك تبين تتجمدين معها ترى الحبل موجود " قلت " ياخي انت ما عندك احساس ؟؟؟ اقول لك بتتجمد البنت وانت جالس تهدد " عصب رشاش وقال " ان ما انطميتي بلعن شكلك " وقفت وقلت " يلا العن شكلي ؟ " قام رشاش وهو معصب وفزوا العيال معه قال " لا انتي شكلك تبين تندفنين هنا اليوم ! " قلت " كانك رجال سوها " جاء رشاش يبي يضربني والعيال يسحبونه مسكني مصلح مع يدي بقوه وقال " رشاش عدها عشاني " سحبني مصلح وداني ل الخيمه ، دخلنا الخيمه قال مصلح " ما تعقلين انتي ! " قلت " وش اللي ما اعقل ؟ البنت بتموت من البرد و رشاش جالس يهددنا وكلكم ساكتين له ! مافيكم رجال ينطق و يلعن شكله " قال مصلح " جود انتي ما عرفتي رشاش عدل " كتفت يديني وانا معصبه قال مصلح " محد يعرف رشاش كثرنا تتوقعين اننا بنسكت ولا بنتناقش معه عبث ؟ انتي ما شفتي رشاش ذبح كم شخص ناقشه في امر من اوامره بدون ما يفكر " طالعت له و رفعت حواجبي قال مصلح بعصبيه " انتي بحركاتك ذي ما بتساعدين دانا انتي بتخلينه يأذي دانا اكثر اذا استمريتي بهالحركات " تضايقت من عصبيته وكلامه وبعدت عيوني عنه قال " احمدي ربك انها عدت على خير ولا دفنك بوسط هالبر " قال هالكلام وطلع من الخيمه جلست على الارض ومن داخلي متضايقه من اسلوبه وكلامه وماسكه دموعي بصعوبه جلست احاول اتمالك نفسي بس دموعي كانت اقوى مني وجلست اصيح في مكاني .
مصلح :
طلعت من الخيمه وانا معصب و رجعت عند العيال شفت رشاش صار اهدى جلست قال رشاش " والله عشانك يا مصلح مشيت لها هالمره لكن ان عادتها ما بمشي لها مره ثانيه " قلت له " تسلم " طالعت في علي وقلت " الا ما قلت لي يا رشاش كيف عرفت ان دانا بنت عزام ؟ " حط رشاش يده على كتف علي وقال " ذيبنا عطاني الاخبار " قلت " علي شدراه ان دانا بنت عزام ؟ " قال علي " انا ما دريت ان دانا بنت عزام انا دريت ان فيه احد مكلم زوجة عزام ومن رقم الجوال عرفوا الشرطه مكانكم يوم كنتوا في بيت سعيد يعني عرفت ان بنت عزام بينكم بس ما كنت عارف اي وحده فيهم " قال عمر " وكيف عرفتوا ان دانا هي بحد ذاتها بنت عزام ؟؟؟ " تكلم قحص وقال " يوم علمنا علي ان بنت عزام بيننا جلسنا نفكر جود ولا دانا بنت عزام بس اختصر علينا سلطان الموضوع و قال لنا ان دانا بنت عزام " طالع عمر في سلطان وهو متنرفز قال رشاش " قوموا خلونا ننام ورانا شغل بكرا " قاموا العيال و توزعوا على خيامهم .
عمر :
قمت لحقت سلطان قبل لا يدخل خيمته و...
____________________________________
شرايكم ؟ 😔
