جود :
قاطع ضحكنا رشاش لما دخل وهو معصب وقرب من دانا ومسك لبسها وقومها بسحبته وشدها لنفسه وقال " ادورك في السماء ولقيتك في الارض يا بنت عزام " كانت دانا خايفه من عصبيه رشاش كان معصب بشكل يخوف قاموا عمر و مصلح وقال عمر " رشاش اهدى " قال رشاش " انت اسكت ولا كلمه تدري من قبل وخاش عني هالموضوع ! " انصدم مصلح وقال " شسالفه يا عيال عمر شدراه يا رشاش ؟! " قال رشاش " مصلح انت خلك نايم بالعسل " سحب رشاش دانا من يدها بقوه و طلع من الخيمه .
عمر :
سحب رشاش دانا وطلع و لحقناه قلت له " رشاش استهدي بالله " و رشاش ماشي ولا معطيني وجه وداها رشاش بعيد عن الخيام بشوي ودفها وطاحت على الارض وقال " علي عطني سلاح " لفيت شفت علي جاي ومعه سلاح انصدمت وقلت " علي شجابه هنا ؟ " سفهني رشاش وجهز السلاح وصوب على دانا ، جيت ومسكت السلاح اللي بيد رشاش وقلت " رشاش تكفى لا تسويها " عصب رشاش وقال لي " عمر اذلف عن وجهي " قلت له " رشاش ان كان لي خاطر عندك لا تسويها " قال رشاش " بعد ما خشيت عني هالموضوع مالك خاطر عندي " جلست على رجولي قدامه وقلت " كانك بتثور في احد ثور فيني انا " قال لي رشاش " عمر خلي عنك هالحركات وقم " قلت " مو تقول مالي خاطر عندك ؟ خلاص ثور فيني " قال مصلح " يا عيال هدوا شوي ! " قلت ل رشاش " ثور فيني يا رشاش انا ما عاد عندي شي اخسره " قال رشاش " عمر قم من قدامي " .
مصلح :
شفت الوضع كذا و قلت " رشاش عندي لك حل بيرضيك " قال لي رشاش " وش حلك ؟ " قلت له " ان ذبحت دانا ما بتستفيد شي لكن وجودها معك وهي حيه ترى يساعدك كثير " طالع رشاش فيني بنظره وقال " موت دانا بيحرق قلب عزام " قلت " لكن وجود دانا معك بيحرق عزام بكبره " طالع رشاش في علي و عطاه السلاح و سحب دانا و راح عند جهة الخيام .
دانا :
سحبني رشاش و خذاني عند جهة الخيام وحطني عند عامود طويل و ربطني فيه وقال " اي احد يفكها او يساعدها والله لا اثور فيه لو مين ما كان " راح رشاش عند علي والعيال وانا مربوطه بالعامود و احاول اتحرك ابي افك نفسي لكن مو قادره كان رابطني بقوه لدرجة يدي توجعني من كثر ما شد عليها وهو يربطني .
جود :
كنت اشوف دانا بهالحاله و ودي اساعدها لكن مو قادره كنت كل ما قربت من دانا خطوه عطاني رشاش نظره كفيله في انها تسبب لي رعب اسبوع قدام جلست بالخيمه و دخلوا علي مصلح و عمر وجلسوا يطالعون لي و واضح انهم يبون يتكلمون بس مو قادرين لأني موجوده قلت لهم " اذا عندكم موضوع خاص و تبوني اطلع ترى عادي بطلع " وجيت اقوم الا مسك مصلح يدي وقال " لا عادي اقعدي منتي غريبه بالنسبه لي زي ما انا غريب بالنسبه لك " جلست وسكتت من جملته خفت انه تضايق لأني قلت عنه غريب بس سمعته يسولف مع عمر و يقول له " عمر ليه ما علمتني من قبل ؟ " قال عمر " مصلح انا ما كنت ابي احد يدري عن هالموضوع لأن كل ما درى احد كل ما زاد خوفي " قال مصلح " خوفك من وش ؟ " قال عمر " خوفي ان رشاش يسوي اللي كان بيسويه اليوم في دانا " قال مصلح " بس عدت على خير " قال عمر " اي خير يا مصلح والبنت مربطه ورشاش متوعد في اي احد يساعدها " قال مصلح " بس ما قلت لي كيف عرفت انها بنت عزام ؟ " قال عمر " تذكر هذاك اليوم اللي رحنا فيه بيت عزام وكنا ناوين على زوجة عزام ؟ " قال مصلح " ايه اذكر " قال عمر " يوم كان موقعك ورا الحوش تراقب ودخلنا انا و رشاش وسلطان البيت " قال مصلح " ايييه " قال عمر " هذاك اليوم عرفت فيه ان دانا بنت عزام ، هذاك اليوم دخلت غرفة بنت عزام ولقيت بين كتبها صورتها هي وامها " قال مصلح " طيب شسويت يوم عرفت ؟ كلمت دانا وقتها ؟ " قال عمر " اكيد رحت و كلمتها عن ذا الموضوع لكن قاطع كلامنا مداهمة الشرطه يوم كنا في بيت سعيد " قال مصلح " يا الله من ذاك الوقت وانت تدري وساكت ! " قال عمر " ترى حتى سلطان يدري " قال مصلح " عمر ! سلطان يدري وانا اخر من يعلم ؟ " قال عمر " يا رجال سلطان من لقافته عرف وانا قلت له وقتها ينسى الموضوع " قال مصلح " انا بطلع اشوف العيال و اخذ اخر الاخبار واجيكم " قام مصلح وطلع من الخيمه .
دانا :
شفت مصلح طالع من الخيمه ورايح عند العيال جلست شوي الا اشوف علي قام وجاي عندي قرب علي عندي و دنق لي وقال " والله منتي هينه يا بنت عزام " طالعت فيه قال " بس لا تسوين نفسك ذكيه عند رشاش ، اعرفي مع مين تتعاملين يا حلوه " ومسك شعري يوخره عن وجهي .
عمر :
طلعت من الخيمه وشفت علي عند دانا ويمسك شعرها يوخره عن وجهها تنرفزت وما قدرت امسك نفسي و ...
____________________________________
شرايكم ؟ 🧟♀️
واضح عمر وش بيسوي في علي🚶🏼♀️
