دانا :
سمعت مصلح وهو يقول ل عمر " عمر انت تحب دانا ؟ " وعمر يرد عليه ويقول " ايه احبها " ، رحت وانسدحت في مكان نومي و جلست افكر في اللي سمعته كيف هالشخص يحبني وانا اعامله كذا كيف يحبني وهو يأذيني بحركاته خذاني التفكير الا سمعت صوتهم جايين عند الخيمه سمعت مصلح ينادي و يقول " يا بنات " ردت عليه جود وقالت " هلا " قال مصلح " بندخل انا وعمر " سمعته قال كذا و غمضت عيوني و سويت نفسي نايمه .
مصلح :
دخلنا خيمة البنات وقلت " انا و عمر بننام عندكم الليله " قالت جود " وليه ان شاء الله ما اخترتوا من الخيام الا خيمتنا تنامون فيها ؟ " قلت لها " والله خيام العيال ما تكفينا " قالت " ترى خيام العيال نفس حجم خيمتنا وش اللي ما تكفيكم " قلت " بس حجم العيال مو نفس حجمكم ، انتوا الثنتين عن شخص واحد منهم " قالت " طيب اجل اخمد عند طرف الخيمه وانت ساكت " ضحكت عليها و قلت ل عمر " تعال ننام انا وانت بجهه والبنات بجهه " .
جود :
جيت ابعد فراشي عشان اخلي لهم مكان جيت عند دانا عشان اقول لها توخر لقيتها نايمه قلت " دانا نايمه مابي اصحيها " قال مصلح " صحيها طيب " قلت " لا حرام توها نايمه ، خلاص واحد منكم يجي جنبي و واحد جنب دانا من الجهه الثانيه " جاء مصلح جنبي وجلس وقال " عمر انت روح من الجهه الثانيه جنب دانا " طالع فيه عمر بنظره و شفت مصلح يغمز له وراح عمر جنب دانا وانسدح .
دانا :
طول هالوقت وانا صاحيه واسمع كلامهم واسوي نفسي نايمه يوم سمعتهم يتكلمون عن مكان النوم كنت بقوم و بروح جنب جود بس ما بغيتهم يعرفون اني صاحيه واني اسمع كلامهم اضطريت اكمل تمثيلي واسوي نفسي نايمه حسيت في عمر وهو ينسدح مبعد عني شوي انتظرت فتره وفتحت عيوني واول ما فتحت عيوني شفت وجهه مقابل وجهي لكن بيننا مسافه بسيطه قعدت اطالع فيه وافكر في الكلام اللي سمعته فجأه وانا جالسه اطالع له فتح عيونه .
عمر :
ما كنت نايم كنت احاول انام وحسيت في احد يطالعني فتحت عيوني وشفت دانا فاتحه عيونها و اول ما شافتني فتحت عيوني غمضت عيونها تحسب اني ما شفتها استغليت الفرصه وجلست اتأمل تفاصيل وجهها ، قعدت اتأملها بمكاني لين نمت .
جود :
صحيت من النوم شفت مصلح حاط يده على خصري ونايم و وجهه مقابل وجهي صرخت وقلت " مصلح !! " فز من نومه من صرختي وقال " بسم الله الرحمن الرحيم ! " فزوا دانا و عمر بعد من صرختي مصدومين قلت " مصلح شيل يدك عني " شال يده و جلس يطالع لي بنظره وقال " الناس يقومون بهدوء و يقولون صباح الخير وانتي مقومتني بصراخ ! " قلت " طبعًا بقومك بصراخ شتبيني اسوي لما اصحى واشوف رجال غريب حاط يده على جسمي ؟؟؟ " قال " شدعوه ترى اولًا ما كنت ادري وحطيتها وانا نايم بدون ما احس وثانيًا ترى حطيت يدي ما سويت شي ثاني ! " قلت " وش تقصد شي ثاني ؟ " ما استوعبت قصده الا يوم شفته يضحك و دانا و عمر يضحكون علي قاطع ضحكنا رشاش لما دخل وهو معصب و...
____________________________________
شرايكم ؟ 👀
تتوقعون ليه رشاش معصب ؟
