دانا :
طالعت فيه وانا مو عارفه ارد الا قاطعنا طلق نار صارخ رشاش ينادي عمر و طلع عمر من الغرفه وطلعت وراه شفت سعيد يطلع الاسلحه ويوزعها عليهم فتحوا الباب وتبادلوا الطلق مع الشرطه جيت عند الباب دفني سلطان وصارخ علي وقال " مجنونه انتي تبين تموتين ؟ انثبري بالغرفه " شفت جود متخبيه ورا الكنبه رحت عندها وتخبيت معها وقلت " جود ذول الشرطه يعني ذي فرصتنا نفتك منهم " قالت لي " كيف بنطلع والطلق في كل مكان بننصاب لو طلعنا " قلت " مصيرهم بيستسلمون اساسًا اكيد الشرطه محاوطه البيت يعني مالهم مهرب " قالت لي " خلينا نجلس هنا لين يستسلمون ونطلع " جلست معها وكانوا العصابه مستمرين يتبادلون الطلق مع الشرطه .
مصلح :
قررنا نطلع من البيت ونهرب واتفقنا نطلع من الباب الخلفي اللي بالحوش ونخلي حراس سعيد يلهون الشرطه من قدام رحت انا و مهل و قحص نجمع الاغراض المهمه عشان نهرب دخلت الغرفه وخذيت شنطه وقعدت اعبيها بالاغراض سمعت رشاش يصارخ ويقول " عجلوا يا عيال ما عندنا وقت نخسره " قفلت الشنطه بسرعه ولفيت شفت سلطان يقول " يلا يا مصلح بنطلع الحين " طلعت من الغرفه شفت جود ورا الكنب متخبيه جيت عندها ومسكتها من معصمها وسحبتها معي و طلعت اركض وانا ماسكها بيد و بيدي الثانيه السلاح والف وراي واطلق كان سعيد ورانا وهو طالع انصاب بطلقات متتاليه من الشرطه وطاح على الارض ما قدرت اوقف وكملت ركض لين وصلنا ل الباب الخلفي وطلعت مع جود ، كانوا العيال بالسياره ينتظروننا وخليتها تركب السياره و ركبت جنبها وقفلت الباب .
عمر :
قبل ما اطلع شفت دانا متخبيه ورا الكنبه جيت قلت لها " دانا شتنتظرين امشي بسرعه " قالت " انا ما بروح مكان بقعد هنا " قلت " اخلصي الوقت يروح ! " قالت " ما تفهم انت ! قلت لك ماني رايحه وبقعد هنا " لاحظت ان الوقت يروح وقلت " انتي جبرتيني اسوي كذا يا بنت عزام " و ضربتها على رقبتها بطرف السلاح واغمى عليها ، شلتها و رحت ل السياره و فتحت السياره من ورا وحطيتها و قفلت عليها و رحت ركبت السياره ومشينا .
جود :
كنت متوتره من كثر الطلق ولما مشينا كان فيه طلق يجي على السياره بس ما وقفنا وكملنا مشي قال عمر " وين نروح ؟ " قال رشاش " عدي من الشرطه بالاول وبعدين نتفاهم وين نروح " بعدنا عن الشرطه بمسافه كبيره وقفنا عند ارض فاضيه قال مصلح " ما عاد عندنا مكان نستقر فيه " قال رشاش " مالنا الا البر " قال سلطان " منجدك ياخوي ؟ " قال رشاش " شايف انه وقت مزح يا سلطان ! " قال سلطان " ياخوي البر مو مكان عدل " قال رشاش " البر مكان عدل و البر انا اعرفه بيعطينا كل اللي نحتاجه " مسك عمر خط ل البر ..
______________________________________________
شرايكم ؟ 😶🌫️
