دانا :
قاطع كلامه دخول عمر علينا قال مصلح " يا مرحبا " راح مصلح يحضن عمر وانا جالسه اطالع لهم قال مصلح " ليه ما طقيت الباب قبل لا تدخل ؟ " ضحك عمر وطالع لي قمت من مكاني وسحب عمر على مصلح وجاني وضمني بقوه شديت عليه الحضن وحطيت يدي على راسه وبكيت من كثر ما اني مشتاقه له قال مصلح " اوكي يا عمر على طول شفت دانا وسحبت علي " ضحكت على مصلح ودموعي بعيوني قال مصلح " انا احسن لي اطلع اخليكم على راحتكم تعوضون بالاحضان عن ٥ سنين " طلع مصلح وهو يضحك علينا وتركنا في مكتبه .
عمر :
بعد ما حضنتها وفكينا الحضن عن بعض شفت دانا تبكي مسكت وجهها مسحت دموعها وقلت " لا تبكين يا نظر عيني " قالت " كيف ما تبيني ابكي وانا لي خمس سنين ما شفتك " قلت " انسي الخمس سنين شوفيني الحين قدامك " قالت " كنت خايفه يكون صار لك شي او انمسكت " قلت " شوفيني قدامك بصحه وعافيه وما انمسكت " حطت يدها على يدي اللي ماسك فيها وجهها وسحبتها وباستها قلت " يا حبيبتي " شلت بدي عن وجهها ومسكت يدينها وطالعت في عيونها تركت يدها و حطيت يدي ورا رقبتها وبديت اجمع شعرها بيدي قالت " عمر وش تسوي ؟ " قلت " خليني اضيع فيك " حطيت راسي على كتفها وشميت عطرها اللي دوخني بس قاطعني صوت الباب يطق .
دانا :
حط عمر راسه على كتفي وكنت احس بأنفاسه عند رقبتي وكنت مره متوتره وقلبي يدق بسرعه بس قاطعه صوت طق الباب وخر عني وقال " مين ؟ " قالوا " الامن " استغرب عمر وقال " ادخلوا " دخلوا الامن وقالوا " اوه كنا ندور ذي البنت " قال عمر " وش السالفه ليه تدورونها ؟؟ " قال الامن " جايتنا شكوى من رجال يقول ان ذي البنت كبت عليه قهوه " تذكرت اني كبيت على فهد القهوه وقلت " ايه ايه انا كبيت عليه القهوه بس ما سألتوه ليه كبيتها عليه ؟ " قال الامن " لا بس كان الرجال محترق من القهوه يعني سببتي له اذى " قلت " يستاهل اللي جاه " مسكني الامن من كتفي وقال " تفضلي معنا خارج الفندق " عصب عمر و وخر يد الامن عني وقال " شيل يدك عنها لا اكسرها لك ! بأي حق تمسكها ؟ " دخل مصلح مستغرب وقال " شسالفه شصاير ؟ " قال عمر " اطرد ذا الموظف " قال مصلح " ليه شسوى ؟ " قال عمر " جاي يطلع دانا برا الفندق بدون ما يعرف ليه كبت القهوه على واحد من النزلاء بالفندق " طالع مصلح في الامن وقال " تعالوا معي برا المكتب " طلعهم مصلح من مكتبه وجاء يطلع قال " ادري خربوا عليكم جوكم بس كملوا كملوا " ضحك مصلح وسكر الباب وراه ضحكت واستحيت لما شفت عمر يطالع لي ويضحك .
مصلح :
طلعت مع الامن وقفنا بالممر نتفاهم شفت جود طالعه من غرفتها مشغوله بكاميرتها ومو منتبهه لي صرفت الامن ومشيت بروح لها بس شفت محمد جاي عندها وتتكلم معه وتدخل الغرفه ويدخل وراها .
جود :
كنت جاهزه وطالعه واعدل عدسة الكاميرا ، جاني محمد وقال " صباح الخير " قلت " صباح النور " قال " ادري غثيتك بس الصوره " قلت " يوه انا نسيت ارسلها لك الحين برسلها لك " قال " لا عادي خليها بعدين " قلت " لا الحين اخاف انسى بعدين " دخلت الغرفه ودخل وراي فتحت اللاب عشان ارسل له الصوره و هو واقف يطالع الغرفه ، كنت حاطه كراستي على الطاوله وقف عند الطاوله وقال " تعرفين ترسمين ؟ " قلت " شوي " مسك الكراسه قلت " انتبه لا تطيح الاغراض اللي بداخلها " قال " كراسه وش الاغراض اللي داخلها ؟! " قلت " اغراض خاصه " قال " طيب " حط الكراسه على الطاوله و وقف ينتظرني ارسلت له الصوره وقلت " شوف وصلتك ؟ " قال " ايه وصلت " طفيت اللاب وطلعت من الغرفه وطلع محمد مشيت رايحه ل المصعد قال محمد " يوه انتظري نسيت محفظتي بالغرفه " قلت " روح جيبها وتعال انا بنزل تحت " قال " طيب عطيني المفتاح " قلت " مفتاح وش ؟ " قال " نسيته في غرفتك " قلت " طيب " عطيته المفتاح وقلت " انا تحت بكون عند الاستقبال " قال " طيب " ركبت المصعد وضغطت الزر دخل مصلح المصعد بسرعه وحط يده على جهة الازرار .
مصلح :
شفت جود راكبه المصعد ودخلت بسرعه وراها وحطيت يدي على جهة الازرار وضغطت كل الازرار عصبت جود وقالت " مصلح وش تسوي !! " طالعت فيها قالت " لا تطالع فيني قول وش قاعد تسوي ! " قلت " ذي فرصتي نكون لحالنا واتكلم بروقان " قالت " مجنون انت !!! " قلت " ايه صرت مجنون بسببك " قالت " مصلح وخر عن وجهي " راحت عند الازرار تضغط تحاول توقف المصعد ضحكت عليها قالت " وش اللي يضحك ؟ " جيت اقرب منها بعد و راحت الزاويه جيت عند الزاويه و حشرتها وحطيت يديني من الجهتين وهي بالوسط وقلت " انا بتكلم وانتي بتسمعيني " حاولت تدف يدي عشان تبعد وما قدرت نزلت راسها تحت يدي وبعدت قالت " خطيبي ما يرضى اني اكلمك " ضحكت عليها قالت " فيه شي يضحك ؟ " قلت " ايه انتي " خزتني قربت منها وقلت " جود اتركي عنك هالالاعيب " طالعت فيني وقالت " شتقصد ؟! " قلت " ترى ادري ان محمد مو خطيبك ولا بينك وبينه شي " .
جود :
استغربت لما قال لي انه يدري ان محمد مو خطيبي قلت " الا خطيبي " قال " جود دوري لك كذبه ثانيه ادري ان محمد مو خطيبك " قلت " شدراك انه مو خطيبي ؟ على كيفك حطيته مو خطيبي ! محمد خطيبي " ضحك وقال " عطيني يدك " قلت " خطيبي يغار ابعد عني يا مصلح " قال " تحبين تعاندين " سحب يدي بقوه وقال " وين خاتمك يا المخطوبه ؟ " طالعت في يدي واستوعبت ان مافيها خاتم قلت " نسيته في الغرفه " ضحك وقال " ومحمد بعد طول الوقت ناسي الخاتم ؟ " توهقت وقلت " يا كثر اسألتك مالك دخل فينا ! " قال " مره ثانيه اكذبي عدل " قلت " انا ما كذبت في شي " قال " الا " قلت " لا " ضحك وقال " لسه صامله ؟ " حسيت انه قافطني اني مو مخطوبه من محمد وحاولت ارقع وقلت " تبي الصدق ؟ انا و محمد مو مخطوبين " قال " ايه خليك كذا اعترفي حبي " طالعت فيه لما قال حبي قلت " مصلح انا ومحمد مو مخطوبين رسمي بس بيننا علاقه ومحمد عرض علي الزواج و وافقت بس لسه ما صار شي رسمي بس نعتبر نفسنا مخطوبين فلا تقول لي حبي وهالكلام " قال " من متى العلاقه ماشاءالله ؟ " قلت " لما كنت تاركني ورايح تعيش حياتك وقتها جاء محمد يعوضني عنك " انفتح باب المصعد وخرت وجيت اطلع قلت له " كنت بعزمك على عرسي بس بيكون بالسعوديه وانت ما تقدر تجي " طلعت ومشيت رايحه ل الاستقبال .
دانا :
كنت جالسه اسولف مع عمر في مكتب مصلح بس رسل لي المشرف ان بعد شوي بنطلع نتمشى قمت وقلت ل عمر " عمر انا مضطره اروح الحين " قال " ليه " قلت " المشرف ارسل بنطلع نتمشى " مسك يدي وقال " اسحبي عليهم وتعالي افر فيك الدنيا " قلت " شرايك بالليل نطلع نتعشى مع بعض ؟ " قال " تسأليني عن رايي ؟ اكيد ايه " قلت " طيب انا بروح لا اتأخر عليهم ويروحون بدوني " قال " انتبهي على نفسك " عطيته بوسه في خده وقلت " باي " مسك خده وطالع لي سرحان وقال " ضيعتي علومي " ضحكت وطلعت من المكتب ، رحت الغرفه عشان انزل مع جود فتحت باب الغرفه وشفت محمد بالغرفه وطاحت منه كراسه جود طالعت فيه وقلت " شتسوي هنا ؟ " قال " كنت اخذ محفظتي " قلت " كيف دخلت هنا ؟! " رفع لي المفتاح وقال " جود عطتني المفتاح " قلت " طيب اذا اخذت محفظتك تقدر تطلع " قال " ايه كنت بطلع اساسًا بس كانت الكراسه على الارض وجيت ارفعها الا دخلتي و خوفتيني " جاء بياخذ الكراسه من الارض قلت " خلها واطلع انا برفعها " قال " طيب " طلع محمد من الغرفه وسكرت الباب لقيت الورد اللي كان بالكراسه طايح على الارض جمعت الورد المقطع اليابس و فتحت الكراسه برجعه شفتها راسمه بالكراسه ...
____________________________________
شرايكم؟😮💨
