جود :
جيت اكب المويه عليه بس فجأه مسك مصلح يدي وسحبني لعنده وطحت عليه و وجهي مقابل وجهه طالع فيني وقال " منتي اذكى مني يا جود " طالعت فيه الا حسيت ببروده قمت من فوقه وطالعت الا الماي انكب علي وعليه لما سحبني و ملابسنا فيها ماي خذيت علبة المويه وشفت ان لسه فيها شوي وكبيت الباقي على مصلح طالع فيني بنظره حاده وفز من مكانه جيت اركض بنحاش منه بس مسكني من خصري وسحبني لعنده وصقعت فيه مسكني بقوه وقربني اكثر منه وانا متوتره وخايفه .
مصلح :
سحبتها من خصرها لما جت تنحاش لعندي و صقعت فيني من قوة السحبه شفتها خايفه قربتها اكثر ابي اخوفها زياده حسيت حركتي خبيثه شوي قالت جود وهي متوتره " مصلح اتركني ! " قلت " واذا ما تركتك ؟ " طالعت فيني بنظره ما حسيت الا بضربه على بطني تركتها لما ضربتني ومسكت بطني قالت بانتصار " هذا اللي يصير اذا ما تركتني " طالعت في لبسي الغرقان مويه وقطيت الثوب وانا اطالع لها قالت جود " مصلح شتسوي ! " قلت " ما تشوفين لبسي كله ماي كيف بنام بالبرد وهو كذا ! " سكتت وقعدت في مكانها ولبسها فيه مويه طالعت فيها قلت " عادي قطي لبسك اذا تبين " طالعت لي بنظره وهي مصدومه وقالت وهي معصبه " مصلح ! " ضحكت عليها و جلست و قطيت الفنيله وهي تحاول ما تطالع وتسوي نفسها لاهيه قلت " ترى تقدرين تطالعين " قالت " من زين جسمك عاد عشان اطالع " قلت لها " شوفي هذا الجرح اثر منك " طالعت فيني واشرت على الجرح اللي في بطني وقلت " تتذكرينه ؟ " ضحكت وقالت " كيف ما اتذكره بس تستاهل الصراحه " قلت " والله انك مجنونه طعنتيني وهربتي " قالت " ذكيه مو مجنونه " ضحكت عليها وقعدت اطلع لي لبس البسه و لبست فنيله ثانيه جلست في مكان نومي و شفتها تطالع لبسها وبردانه قلت " جود بدلي ملابسك لا تمرضين " قالت " ما بمرض " قلت " جود ذا الموضوع مافيه عناد الجو برد بتقومين مريضه اذا نمتي كذا " قالت " كيف ابدل ملابسي وانت هنا ؟؟ " قلت "بغمض عيوني ما بشوف " قالت " ما اثق فيك " ضحكت و قلت " بنقلب الجهه الثانيه اذا تبين " قالت " لسه ما اثق " قلت " كيف بتثقين ؟ " قالت " دقيقه " راحت وفتحت الشنطه وطلعت شماغ وجت عندي وقالت " غمض عيونك " غمضت عيوني وربطت على عيوني الشماغ وقالت " كذا اضمن انك ما تشوف " ضحكت عليها و راحت تبدل ملابسها .
جود :
بدلت وخلصت وجيت فتحت عيون مصلح وقلت " شاطر كسبت شوي من الثقه " قال " كيف كسبت شوي من الثقه وانتي رابطه عيوني يعني اكيد ما بشوف " قلت " كسبت شوي من الثقه لأنك ما فكيت الشماغ عن عيونك يا ذكي " قال " امم اجل اصبري بكسب الثقه كامله " قلت " ما اتوقع " قال " توقعي " ضحكت وانسدحت وقلت " نام نام " انسدح ينام ونمنا .
عمر :
كانت دانا نايمه في حضني وانا ادفيها واتأملها ما حسيت في الوقت وفي نفسي الا الصبح لما جاني مصلح وصحاني وانا مخروش وقال " عمر ! وش منومك هنا ؟ " قلت " هاه شفيك شتبي " قال " قم قبل يقومون العيال بسرعه " جيت اقوم واحاول ارفع دانا من حضني الا فتحت عيونها وقامت من حضني قلت " صباح الخير " قال مصلح " قم بس اي خير و رشاش لو يشوفكم بهالحاله دفنكم هنا " قمت وجيت اروح الخيمه الا قال مصلح " عمر ! الفروه والاغراض تعال نشيلهم " رجعت وجلست اشيل الاكل والماي ومصلح اخذ الفروه من دانا وجلس يربط يدها قلت " مصلح لا تشد عل..." ما امداني اكمل جملتي الا عطست بعدين قلت " لا تشد عليها " قال " ان شاء الله " ربطها مصلح و رحنا الخيمه ، دخلت الخيمه وانا اعطس كل شوي قال مصلح " شفيك عمر ؟ تعبان ؟ " قلت " لا مافيني شي " قال " عمر صوتك متغير لا يكون مرضت من النومه بالبرد " قلت " لا ما علي.." وعطست قرب مني مصلح وحط يده على راسي وقال " عمر حرارتك مرتفعه ! " قلت " يا ولد مافيني شي " كحيت قال مصلح " منت بخير يا عمر اجلس ارتاح " جلست وطلع مصلح يجيب لي شاهي اشربه .
مصلح :
طلعت وشفت العيال توهم صاحين و مهل يسوي الشاهي جيته وقلت " لا تلغم الشاهي يا مهل " ضحك مهل وقال " اصبر توني مسويه بلغمه لكم " قلت " قبل لا تحط فيه شي صب لي كاس " قال " شعندك ؟ " قلت " ل عمر الكاس " قال " طيب " صب لي كاس وعطاني ورحت الخيمه ، دخلت الخيمه شفت عمر تعبان ومعرق من الحراره حطيت الشاهي على جنب و جيت مسكته ولقيته يحترق من الحراره و وجهه واضح عليه التعب ...
____________________________________
شرايكم؟ 🌡
