دانا :
رميت الحطبه من يدي و وطاحت على خيمة عمر ومصلح بدت تولع الخيمه وانا خايفه لفيت على جود وقلت " جود طلعيهم بسرعه " دخلت جود الخيمه وهي خايفه وانا رحت اركض اصحي العصابه عشان يساعدوننا .
جود :
دخلت خيمة عمر و مصلح وانا خايفه و مسكت مصلح و هزيته بقوه و صحى مصدوم قلت " قوم بسرعه اطلع من الخيمه " و لفيت على عمر وصحيته .
مصلح :
صحينا انا وعمر منخرشين من النار ومصدومين كيف انحرقت خيمتنا و وش جاب جود الخيمه ، طلعنا برا الخيمه لقينا العيال يحاولون يطفون النار ودانا واقفه بعيد متوتره و واضح عليها الخوف راحت جود عند دانا و جلسنا نحاول نطفي النار.
عمر :
طفينا النار بس قدها الخيمه احترقت وراحت فيها لف رشاش معصب وقال بصراخ " شلون ولعت ذي الخيمه ! " قال مصلح " شدرانا كنا نايمين صحينا والخيمه قدها بدت تولع " لف رشاش على جود و دانا وقال " مين فيكم ولعت الخيمه ؟ " طالعوه دانا وجود وسكتوا قال رشاش وهو معصب " اكلم نفسي انا ؟ مين فيكم اللي ولعت الخيمه ؟؟ " عصبت دانا وقالت " انا ولعتها وش بتسوي يعني ؟ " راح لها رشاش وهو معصب ركضت ومسكته قبل لا يضربها وقلت " رشاش اصبر طيب خلنا نعرف ليه حرقتها ؟ " قالت جود " بالغلط حرقتها ما كانت تبي تحرقها كانت تبي تولع ورا الخيمة نار عشان نتدفى وحنا نايمين بس بالغلط ولعتها قريب من خيمتكم " قال رشاش " صاحين انتوا ؟ عقلكم براسكم يوم انكم تفكرون كذا ؟ هذا ودانا دكتوره وفاهمه وتفكر كذا ؟ " قلت " خلاص عدت على خير " جاء مصلح و سحب رشاش وراح يكلمه نادى سلطان جود وراحت جود تتكلم معه ، لفيت على دانا وهي واقفه تطالع وقالت " تدري انا حرقتها قاصده " طالعت فيها بدون ما اتكلم وقالت " انا حرقتها لأني اكرهك " انصدمت ان كرهها لي وصل لدرجة تتمنى موتي وقفت بمكاني من الصدمه وهي قدامي قامت تضرب صدري وهي تردد " اكرهك ، اكرهك ، اكرهك " كنت من الصدمه واقف وهي مستمره تضرب و تردد هالكلمه .
مصلح :
كنت اتكلم مع رشاش سمعت صوت صراخ دانا وهي تقول " اكرهك " لفيت شفت دانا تضرب عمر و تردد هالكلمه ركضت لعند دانا و عمر و بعدت دانا عن عمر و قلت " اهدي يا مَره " لفيت و شفت جود واقفه مع سلطان قاطعت كلامهم وقلت " جود اتركي عنك السوالف وتعالي امسكي صديقتك " سحبت عمر وقلت " كل واحد على خيمته روحوا ناموا " ، رحت مع عمر ورا الخيام وعمر متضايق جلسنا ورا الخيام و عمر ساكت يطالع قدامه وهو متضايق حطيت يدي على كتف عمر وقلت " فضفض طلع اللي بقلبك ياخوي " طالع فيني عمر وقال " وش بيفيد الكلام يا مصلح ؟ الكلام ما بيغير شي " قلت له " قول وش مضايقك طيب يمكن القى لك حل ؟ " قال " مصلح اللي مضايقني ماله حل " قلت " طلع اللي بقلبك يمكن ترتاح نفسيًا " قال " مصلح انا غلطت غلطة عمري " قلت " شسويت ؟ " قال " خليت البنت اللي احبها تكرهني تخيل تكرهني لدرجة تتمنى موتي " قلت " عمر انت تحب دانا ؟؟ " قال " ايه احبها ".
دانا :
كنت بالخيمه مع جود وكنت اسمع كلام مصلح وعمر لأنهم كانوا جالسين ورا خيمتنا وصوتهم ينسمع ، سمعت مصلح وهو يقول ل عمر " عمر انت تحب دانا ؟ " وعمر يرد عليه ويقول " ايه احبها " ...
____________________________________
شرايكم ؟🗣
تتوقعون وش ردة فعل دانا بعد ما عرفت ان عمر يحبها ؟
