جود :
صقعت في واحد وصرخت سمعته يضحك استغربت كنت احسبه من اللي يخوفوننا قلت " مين انت ؟ " قال " طلعتي خوافه " عرفت من صوته انه مصلح قلت " ماني خوافه " قال " ابي افهم متى تتركين عنادك ؟ " قلت " لما تتركني في حالي " تنهد وقال " من هناك الطريق اللي يطلعك من المتاهه " قلت " انا بروح من الطريق اللي ابيه مو الطريق اللي تدلني عليه " قال " كيفك خليك في المتاهه تدورين في نفس المكان لين بكرا " قلت " انا اعرف اتصرف بنفسي واعرف من وين بروح " قال " طيب " لفيت وانا خايفه ومشيت ادور محمد و فهد وانا متوهقه لأني ضيعت الطريق .
عمر :
كنت امشي مع دانا بالمتاهه وماسكين يد بعض لقينا مجموعه ناس ودخلنا بينهم وبوسطهم تركت يد دانا وضيعتني تخبيت على جنب وكنت انتظرها تمر من الجهه اللي متخبي فيها ، كنت اسمعها تناديني وانا ساكت وماسك نفسي لا اضحك وانفضح حسيت انها قريبه مني طلعت وخوفتها بس الفشله كانت مو دانا اللي خوفتها طلعت وحده اجنبيه صرخت الاجنبيه وحضنت حبيبها وانا واقف متفشل طالع لي حبيبها وسبني مليون سبه قعدت اعتذر له وافهمه ان كنت احسبها حبيبتي سمعت صوت دانا تضحك علينا لفيت شفتها واقفه وتضحك بشكل هستيري قالت دانا " اجل تبي تخوفني ؟ " قلت " بغيت اروح فيها قدام هالمعضل " ضحكت وجت جنبي وقالت ل الاجنبي " سامحه هو شوي غبي " طالعت في دانا كانت تضحك مع الاجانب علي ، راحوا الاجانب مسكت دانا من خصرها وقربتها ل عندي وقلت " شوفي الغبي وش بيسوي فيك " توترت وقالت " عمر كنت امزح " قلت " انا ما امزح " قربت منها اكثر بس قاطعونا فهد ومحمد لما جوا قال محمد " وش ذي الحركات يا دانا بوسط اللعب " بعدت دانا عني وقالت " لا تفهم غلط بس كان يبي يلبسني حلقي اللي طاح " قال فهد " تعالي انا البسك حلقك " قلت " محمد خذ خويك و توكلوا لا يصير له شي ما يعجبه " ضحك محمد وقال " شفتوا جود ؟ " قلت " لا.." لفيت ادور مصلح ما لقيته قلت ل دانا " شفتي مصلح وينه ؟ " قالت " مدري اخر مره شفته اول ما دخلنا لما كانوا يعطوننا تعليمات " قلت " جود مختفيه و مصلح مختفي يارب اللي في بالي " ضحكت دانا وقالت " عساهم مع بعض " طالع فينا محمد اشرت على الطريق وقلت " من هناك تكمل عشان تقدر تطلع من المتاهه " سحبت دانا و رحنا نكمل الطريق .
مصلح :
وقفت وكنت اشوف جود متوهقه تمشي لحالها ومضيعه فكرت استغل الفرصه ومشيت وراها بالظلام وكان فيه باب غرفه مفتوح كانت جود تطل بالغرفه تدورهم جيت وراها وهي واقفه تطل وسحبتها من خصرها لداخل الغرفه كانت بتصرخ بس حطيت يدي على فمها وقلت " اشش انا مصلح " وخرت يدي عن فمها قلت " واضح تعرفين تتصرفين صار لك فتره تدورين بنفس المكان " قالت " عاجبني المكان وادور فيه " قلت " نفسي عاجبني المكان وعاجبتني اللي تدور فيه " بديت اقرب لها وهي ترجع على ورا لين صقعت في الجدار حاوطتها بيديني عند الجدار وقلت " مالك مهرب مني " حسيت انها متوتره وحبيت العب بأعصابها .
جود :
حشرني مصلح عند الجدار وقال مالك مهرب مني توترت لما شفته قريب مني بزياده وكان قلبي يدق بسرعه ومو عارفه وش اسوي حط يده على وجهي واليد الثانيه على الجدار من كثر ما اني متوتره ما كنت عارفه اتصرف قرب مني اكثر الا طلع لنا واحد من اللي يخوفوننا وصارخ خفنا من صرخته وبعد مصلح عني وقال " الله يلعنك " ضحكت لما شفت مصلح خايف طالع لي وضحك لما شافني اضحك قلت " يا خواف " مشيت و طلعت من الغرفه وقعدت افكر انا ليه كنت تاركته وقتها ولا عصبت عليه وكنت متوتره انقهرت لأن غلبني شعوري ولا بعدته عني بنفسي قاطع تفكيري محمد لما قال " جود ادورك في السماء ولقيتك بالارض " قلت " وش " قال " شكلك مضيعه الطريق امشي خلص وقت اللعبه وانتي ما طلعتي من المتاهه " قلت " انتوا اختفيتوا وجيت من هنا " قال " كنتي هنا طول الوقت لحالك ؟ " طلع مصلح من الغرفه وقال " كانت معي " طالع محمد فيني وقال " تعالي حبي اعلمك من وين نطلع " مشينا انا ومحمد ومصلح ورانا سمعت مصلح يقول بصوت قصير " شكله يبيني اقص لسانه ذا " كنت ماسكه نفسي والابتسامه شاقه وجهي وطلعنا من المتاهه .
