سلطان :
كنت عند باب الحمام واناديها ولا ترد علي لين سمعت صوت الحدايد وفهمت انها تحاول تهرب قعدت احاول اكسر باب الحمام وخفت اني ما الحق عليها صارخت انادي العيال و جوا العيال وكسرنا الباب ولقيناها فوق الطاوله و تحاول تسكر الدريشه كانت مره خايفه ومتوتره لما شافتنا كسرنا الباب جاها رشاش وسحبها من على الطاوله وطاحت على الارض من قوة سحبته مسكها رشاش مع شعرها و قال لها " والله لا امسح فيك الارض اجل تحاولين تهربين هاه " كانت دانا تبكي وتقول له " انا سويت لك كل اللي تبيه انقذت اللي معك خلني اروح في حالي " كان رشاش معصب لدرجه انه قال " والله ما تطلعين من هنا حيه " سحبها رشاش وداها الغرفه و طلع سلاحه وحطه عليها شافه قحص بيثور فيها مسكه وقال له " رشاش خلها عمر توه ما طاب خلها تهتم فيه لين يطيب وبعدها سوي اللي تبيه " طالع رشاش في قحص وهو معصب وقال " حنا مو بعاجزين عن عمر نقدر نهتم فيه " رد عليه قحص وقال " رشاش ذي دكتوره تعرف تتصرف اكثر مننا " قال له رشاش " ذي بلاء على راسنا ما عاد نحتاجها بثور فيها " رد عليه قحص وقال " خلها فتره ياخوي لين يرجع عمر زي قبل ونخلص عليها و نرجع مكاننا " اقتنع رشاش في كلام قحص و وخر سلاحه عن راسها وطلع من الغرفه وقفل الباب عليها وقال لنا " احد يحط قفل على الحدايد حقت دريشة ذي الغرفه " قال له مصلح " ابشر " راح مصلح يحط قفل على الحدايد و جلسنا بالصاله نشرب شاهي و نسولف .
دانا :
طلعوا من الغرفه وقفلوا الباب علي جيت ابي افتح الدريشه الا شفت واحد منهم جاي عند الدريشه وجلست على الارض انتظره يروح بعد فتره راح من عند الدريشه قمت ابي افتح الدريشه ولاحظت انه حط قفل على الحدايد حسيت ان الدنيا ضاقت فيني كيف بهرب والحدايد عليها قفل و هم بالصاله وما حولي شي يساعدني جلست اصيح شوي من اليأس الا سمعت صوت احد يفتح الباب .
عمر :
دخلت الغرفه لقيت البنت جالسه على الارض تبكي جلست على الكنبه وقعدت اطالع فيها وهي تمسح دموعها وقلت لها " جوعانه ؟ " طالعت فيني وسكتت قمت جبت لها اكل وحطيته لها قالت لي " ما اتوقع اني طلبت منك تجيب لي اكل " قلت لها " ادري بس اعتبريها مكافئه على مساعدتك لي " عصبت وقالت " اي مكافئه وانتوا جايبيني هنا بالغصب و جابريني اساعدك ! " قلت لها " فكري في انك انقذتي حياة انسان بدال ما تفكرين اننا جايبينك هنا بالغصب " قالت لي " بس الانسان اللي انقذته ما اعرف عنه شي ولا ادري عن سبب اصابته وهو مين و ليه ما جاء المستشفى وجابني هنا الشي الوحيد اللي اعرفه هو اسمك ! " قال لي " لو اعلمك انا مين واللي معي مين ما اتوقع انك بتطلعين من هالمكان عشان كذا خلك ما تدرين احسن لك واحسن لنا " قمت وطلعت عشان اتركها تاكل على راحتها و سكرت الباب و جلست بالصاله قام مهل وقفل الباب عليها ، جاء الليل وكنا قاعدين بالصاله نسولف ونضحك .
جود :
هاي انا جود ذاك اليوم كنت راجعه للبيت بالليل مع قطوتي بس ركضت قطوتي وقعدت الحقها ودخلت قطوتي ل بيت من البيوت كان الباب مفتوح و دخلت وراها ابي اطلعها راحت قطوتي ورا الحوش ولحقتها الا لاحظت بنت تناديني بصوت قصير وتقول " تكفين ساعديني " انصدمت لما شفت البنت وكانت تترجاني اساعدها جيت احاول افتح الدريشه بس ابتلشت في القفل قعدت احاول اكسر القفل الا سمعت صوت ..
______________________________________________
شرايكم ؟ 🗣
تتوقعون جود سمعت صوت وش ؟
