مصلح :
ضحكت وقالت " شكرًا " ابتسمت لها وقلت " تفضلي " مشينا بعدين تذكرت و قلت " اوه انتظري " رجعت عند الاستقبال واخذت الورد اللي مجهزينه لها و رجعت لها وقلت " اعذريني نسيت اعطيك اياه " مديت لها الورد ابتسمت وقالت " مره شكرًا انت مره لطيف " حكيت راسي وانا اضحك وقلت " انتي اللطيفه " .
جود :
رجعت الفندق ودخلت شفت مصلح يعطي وحده ورد ويضحك معها مريت من جنبهم سمعته يقول لها انتي اللطيفه كملت مشي ورحت عند المصعد وضغطت الزر ، قعدت انتظر المصعد لفيت اطالع لهم وانا انتظر جاء محمد وقال " وينك نزلتي من السياره بسرعه ورحتي " قلت " تأخرت على دانا ومابيها تنام وهي زعلانه مني " كنت اطالع لهم وانا اتكلم مع محمد قال محمد " شفيك تطالعين ورا " استوعبت اني اطالع لهم وقلت " هاه ولا شي بس كذا " فتح المصعد وركبت ركب معي محمد ضغطت الزر الا سمعت مصلح يقول " جود انتظري " استغربت طالعت اتأكد هو اللي يتكلم ولا شفته جاي مع البنت ضغطت الزر اللي يسكر المصعد مابيهم يركبون معنا بس لحق مصلح وحط يده عشان لا يسكر المصعد وقال ل البنت " تفضلي " ابتسمت البنت وركبت المصعد وركب مصلح ، كانت البنت جنبي وماسكه الورد كان فيه كرت على الورد كنت احاول اشوف وش مكتوب بس ما قدرت كانت تتحرك كثير ومو قادره اقرا استفزني مصلح لما قال لها " شرايك بالورد ؟ " قالت " جميل جدًا " قال " اخترت اللون الاحمر لأني احبه ولأني افضل الورد الاحمر عن كل الورود " قالت " اللون الاحمر يلفت النظر " قال " عشان كذا احبه " ارتفع ضغطي من كلامهم وحاولت اتجاهلهم بس سمعت البنت تقول " انت تحب الاحمر وانا لبست اليوم الاحمر صدفه حلوه " قال مصلح " الاحمر عليك جميل يارب تكثر من هالصدف " ضحكت وقالت " لا تخجلني " ضحك مصلح .
مصلح :
كنت اشوف جود وهي تحاول تتجاهلنا وتطالع في محمد ولما فتح المصعد قبل لا تطلع قالت جود بصوت قصير " ان كان حبيبك ثور البس له احمر " طلعت هي ومحمد من المصعد وطلعنا وراهم رحنا من جهة مكتبي وهم راحوا من جهة غرفهم ، دخلنا المكتب وجلسنا قلت " روزي وش تشربين ؟ " قالت " ممكن قهوه " قلت " تمام " دقيت وطلبت لنا قهوه قالت روزي " اتوقع اننا ما بنام الليل " قلت " يمكن " طلعت الاوراق وبدينا نتكلم عن الفندق جت القهوه وشربناها و كملنا نقاشات عن الفندق عطيتها العقد و وقعت عليه سلمنا على بعض وقلت " نطمح للأفضل للفندق " قالت " بالطبع يا شريكي " قلت " تدلين غرفتك ولا اوصلك لها ؟ " قالت " خلني ادور في الفندق واستكشفه واعرف وين غرفتي بنفسي " قلت " خذي راحتك بس ترى غرفتك في ذا الدور عشان لا تتعبين وتروحين الادوار الثانيه تدورينها " قالت " تمام " قامت وجت تطلع من الغرفه قلت " لا تنسين الورد " قالت " اوه عقلي مدري وين راح " ضحكت عليها وقلت " عاد شربتي قهوه مو شي ثاني " ضحكت وقالت " تصبح على خير مصلح " قلت " وانتي من اهل الخير روزي " طلعت من مكتبي وخبيت العقد في الدرج ورحت انام .
دانا :
كنت في الغرفه على السرير اتراسل مع عمر ويغازلني ويمدح شكلي وانا الابتسامه شاقه وجهي سمعت صوت الباب تغطيت بالفراش وطفيت الجوال سويت نفسي نايمه دخلت جود الغرفه وقالت " اهخخ مستفزين " سكتت ولا فتحت عيوني قالت جود " دانا صاحيه ؟ " سفهتها ولا رديت قربت مني وقالت " دانا ادري انك صاحيه " سكت ولا رديت وسويت نفسي نايمه قالت " دانا انتي ما تنامين وجوالك على السرير " شالت جوالي من السرير وخفت تشوف اشعارات عمر فتحت عيوني وسحبت منها الجوال وقلت " خليه مالك دخل " قالت " شفيك كنت بحطه بالشاحن ما سويت شي غلط ! " خزيتها و قلت " طيب قومي عن سريري خليني انام " قالت " شفيك معصبه مني ؟ " قلت " تسألين بعد ؟ مسويه نفسك مجنونه ؟ " قالت " لا يكون عشان موضوع عمر ؟ ترى مصيره بيعرف سواء مني او من غيري وانا اختصرت عليك الموضوع " قلت " بس انا كنت بعلمه بالوقت المناسب وبالطريقه المناسبه " قالت " افترقتوا ؟ لو تركك الحيوان انا بنفسي بصالحكم يا دانا والله انا انقهرت ان سنين عمرك ضاعت بالسجن وهو من بلد الى بلد ومبسوط وانتي من مشكله الى مشكله " قلت " انتي صالحي نفسك بالاول بعدين قولي بصالحكم " طالعت فيني جود وبعدت عيونها عني وقالت " انا اسفه على اللي سويته وما عاد بتدخل فيك " قامت جود وراحت الحمام تبدل .
