جود :
قعدت احاول اكسر القفل الا سمعت صوت احد يقول لي " اشش ولا صوت لا اثور فيك " سد فمي بيده وحط سلاحه على راسي وسحبني معه حاولت ادفه وارفسه بس عصب علي وقال لي " قسم بالله انا ما مشيتي معي والله اثور فيك وادفنك هنا " دخلني البيت وكانوا في عيال جالسين يطالعون تكلم واحد منهم وقال " مصلح مين ذي ؟ " رد عليه مصلح وقال " ذي وحده مسويه انها بطله وانها بتساعد دانا " سحبني و حطني بالغرفه مع البنت وقفل علينا الباب .
دانا :
فتحوا الباب و دخلوا بنت معي بالغرفه و قفلوا علينا كسرت خاطري البنت انها انمسكت بسببي قمت و رحت لها وقلت " انا اسفه " طالعت فيني و قالت " انتي دانا ؟ " قلت لها " ايه شعرفك فيني " ضحكت وقالت " انا ساحره " قلت لها " وانتي شسمك ؟ " قالت لي " جود " جلسنا على السرير نسولف وتعرفنا على بعض وكنا نسمع صوت القطوه وكانت جود متضايقه شايله هم قطوتها لا تضيع .
مصلح :
كنا نسمع صوت قطوه مزعجه طلعت اشوفها لقيتها بالحوش خذتها ودخلتها عند العيال و حطيت لها اكل وسكتت وجلست اسولف مع العيال ، جاء الصبح صحيت وطلعت الصاله لقيت العيال مجتمعين و مقررين يطلعون يسرقون جلست معهم وسألتهم عن الخطه قال رشاش " مصلح انت اقعد هنا مع عمر حنا بنسرق وبنجي " قلت له " ليه اقعد هنا !! " قال لي " عمر تعبان ولازم احد يقعد معه مقدر اخليه مع البنات وهو بهالحاله و عشان لو فكروا يهربون انت تتصرف " ما بغيت اناقش رشاش و سكتت ورضيت ، راحوا العيال و بقيت انا و عمر بالبيت قال عمر " مصلح سوي للبنات اكل مساكين من امس ما كلوا " قلت له " ياخوي لو جوعانين بيقولون " قال لي " يكابرون ما بيطلبون مننا شي " قلت له " شرايك اترجاهم ياكلون و اوكلهم بعد ؟ " قال لي " اسمع دام البيت مقفل وحنا موجودين خلنا نفتح لهم باب الغرفه يطلعون ياكلون و بعدين نرجعهم ل الغرفه " قلت له " طيب " رحت فتحت لهم باب الغرفه و قلت " اطلعوا روحوا المطبخ كلوا لكم شي واذا خلصتوا ارجعوا الغرفه " طلعت وتركت الباب مفتوح و رحت عند القطوه العبها .
جود :
ما كنا نبي نطلع ناكل بس جتني فكره وطلعت رحت للمطبخ ودانا معي قامت دانا تشوف وش في بالثلاجه و رحت انا خذت سكين بدون محد يشوفني و خشيتها معي كلينا وخلصنا و طلعنا راجعين للغرفه راحت دانا الحمام ورحت انا الغرفه وسكرت الباب و رحت احاول افك القفل بالسكين سمعت صوت الباب انفتح وتسكر وما اهتميت كنت احسب دانا اللي دخلت الا حسيت في احد قرب مني مره لفيت الا مصلح وراي خفت يوم شفته و قبل ما يمسكني من التوتر ما عرفت وش اسوي و..
____________________________________
شرايكم ؟ 🔪
تتوقعون وش بتسوي جود ؟
