دانا :
قال " انتي مطلوبه بتهمة تهريب مجرم من احدى المستشفيات " قالت امي " مستحيل دانا ما تسوي كذا اكيد غلطانين يمكن دانا ثانيه مو دانا بنتي " قال الشرطي " حنا متأكدين انها دانا بنتك من الادله اللي عندنا " قالت امي " مستحيل اقول لك دانا ما تسوي كذا " لفت تطالع لي وقالت " دانا قولي لهم انك ما سويتي كذا قولي انك ما هربتي المجرم " طالعت في امي و مديت يدي ل الشرطي حط الكلبشه على يدي وامي تصيح وتقول " لا تاخذها بنتي ما سوت شي " خذاني الشرطي ل السياره وكانت امي تترجى ابوي وتقول له " عزام تكفى لا ياخذون بنتي عزام تصرف دانا مستحيل تسوي كذا " قال ابوي " اهدي وانا بروح ل مركز الشرطه واعرف كل شي واعلمك شصاير " قالت " لا بجي معكم ما بترك بنتي " قال " اصبري خليك هنا وانا بعلمك كل شي لا نسوي زحمه في مركز الشرطه " مشينا ورحنا ل مركز الشرطه ولحقنا ابوي بسيارته .
جود :
وصلنا المستشفى دخلوني قسم الطوارئ وحطوني بغرفه حطت لي الممرضه مغذي وطلعت ، دخل علي عمي وقرب الكرسي عند السرير وجلس كنت ساكته ولا ابي اتكلم كنت كل اللي ابيه ان يكون كل اللي صار لي حلم كنت بحالة صدمه من اللي صار لي كل هالفتره تكلم عمي وقال " كيفك الحين يا جود ؟ " سكتت ولا رديت عليه قال " شصاير لك ؟ جيت البيت طقيت الباب ولا فتحتي لي فتحت الباب بالمفتاح اللي عندي ودخلت اناديك ما رديتي شفت باب مجلس الرجال مفتوح دخلت لقيتك طايحه على الارض حركتك يمين يسار ما صحيتي " ما رديت عليه وتجمعت دموعي بعيوني قال " شجابك مجلس الرجال ؟ ليه اغمى عليك هناك ؟ " دخلت الممرضه وقالت " ممكن تطلع شوي نبي ناخذ بعض الفحوصات ل المريضه " قال " طيب " طلع عمي وبقيت انا والممرضه جتني الممرضه وبدت تاخذ علي فحوصات وطلعت من الغرفه .
عمر :
عدينا الحدود و وصلنا اليمن نزلنا من السياره وبدينا نتعرف على الناس اللي هناك جلسنا ناكل شفت مصلح ما اكل وراح برا الخيمه كليت وخلصت اكل وطلعت اشوف مصلح لقيته يدخن ويدور حول الخيمه جيته ومسكت كتفه وقلت " شبلاك ؟ " طالع فيني وقال " ولا شي " قلت " افا ما تقول لي يا مصلح " قال " بس شايل هم جود افكر فيها كيف حالها الحين هالبنت مو راضيه تطلع من بالي احاول الهي نفسي وافكر في اشياء ثانيه بس كل شوي اتذكر نظرتها لي وانا طالع وهي تترجاني ما اروح " قلت " حتى انا دانا مو راضيه تطلع من بالي بس اني احاول اعيش احاول اتعود واقنع نفسي ان خلاص ما عاد اقدر اشوفها " قال " عمر الموضوع مو سهل صعب اتعود واقنع نفسي اني ما بشوف جود مره ثانيه " قلت " والله يا مصلح انا عارف ان دانا ما بتطلع من بالي لو ايش اسوي بس مالي حل ثاني غير اني اتقبل الوضع واحاول اتعود على حياتي الجديده " قال " واذا انا مابي اتقبل الوضع ؟ عمر احس اني ندمت اني رحت وتركتها بهالحاله انت ما شفت نظرتها ولا سمعت صوتها وهي تترجاني بكل حزن اني ما اروح " رمى مصلح دخانه على الارض وقال " الله يلعني يوم اني تركتها بهالحاله ورحت " جلس على الارض وبدا يضرب بيده على الارض ويقول " انا حمار تركتها بهالحاله " جلست جنبه وحاولت اوقفه وهو يضرب الارض وقلت " اهدى يا مصلح انت كنت مجبور تسوي كذا عشان تعيش " طالع فيني مصلح ودموعه بعيونه وقال " ليتني متت ولا تركتها " حضنته وقلت " يا مصلح اهدى ان شاء الله الامور بتزين وانا اخوك " بكى مصلح وانا احضنه .
