دانا :
مسك عمر معصمي وابوي والشرطه مصوبين عليهم لفيت على عمر وقعدت احاول ادف يده عني واقول له " اتركني " وهو يشد على يدي بقوه رفع عمر سلاحه وحطه على راسي وهدد ابوي فيني ، فتح رشاش باب السياره و سحب جود و هو مصوب عليها وقال " والله لا اثور فيها ان ما نزلتوا اسلحتكم " تكلم سلطان وقال " نزلوا اسلحتكم وابعدوا و لا والله لا اثور فيهم وحده ورا الثانيه " طلب ابوي من فريقه انهم ينزلون اسلحتهم لضمان سلامتي انا وجود .
عمر :
صوبت على دانا لأن ما كان عندي حل غير كذا عشان لا ننمسك ، تراجعت وانا اسحبها معي وهي تصيح وتطالع ابوها و هو يحط سلاحه على الارض على الارض سحبتها وهي تحاول تدفني وانا ماسك سلاحي وحاطه عليها واقول لها " دانا اركبي " سحبها مهل بقوه و ساعدني نخليها تركب السياره و ركبنا و مشينا .
جود :
مشينا و رجعنا البر ونزلنا من السياره ودانا معصبه نزلت دانا و لفت على عمر وجت تبي تضربه وتهجم عليه بس مسكتها وهي تنط وتحاول تضربه وتصارخ عليه وتقول " اذبحني كان فيك خير ، يلا اذبحني " و عمر والعيال واقفين يطالعون لها قرب رشاش من دانا ومسكها مع فكها وقال " اهجدي " وخرت دانا يده عن وجهها و دفتني وراحت الخيمه .
مصلح :
جلسنا انا والعيال وجبنا حطب و شبينا النار وجلسنا نتكلم عن ان الشرطه كيف عرفت اننا بنقطع طريق سيارة البنك قال رشاش " الله يستر لا يكون عرفوا عن عبدالرحيم انه يسرب لنا المعلومات ويساعدنا " قال قحص " يبي لك تكلم علي وتسأله عن اخوه ونعرف شصاير " قال عمر " طيب واذا عبدالرحيم انمسك وش بنسوي مين بيساعدنا غيره ؟ " قال رشاش " لو عبدالرحيم انمسك علي موجود يساعدنا بداله " قلت " لو عبدالرحيم انمسك علي ما بيساعدك بشي ! " قال رشاش " يساعد لو الموضوع فيه فلوس " قال عمر " شالوضع بكرا وش بنسوي ؟ " قال رشاش " بكرا بكلم علي و باخذ منه الاخبار " قال عمر " طيب والبنات شبنسوي فيهم ؟ " قال رشاش " بنخليهم معنا يفيدوننا كرهاين " قال عمر " طيب البنات يبون اهلهم ما يبون يقعدون معنا " قال رشاش " عمر حنا ما نمشي على اللي يبونه حنا نمشي على اللي حنا نبيه " قاموا العيال وراحوا الخيام ينامون قمت وجيت اطفي النار الا طلعت دانا من الخيمه وقالت " لا تطفيها بردانه انا " قلت " طيب " قمت و رحت الخيمه .
*عبدالرحيم هو اللي يشتغل مع الشرطه ويساعدهم
*علي هو اخو عبدالرحيم و يشتغل مع الشرطه بعد
دانا :
جلست عند النار اتدفى وجلست اتذكر المواقف اللي صارت لي من دخلوا حياتي ذول العصابه جلست افكر و انقهر من داخلي واحس بقلبي ضيقه تهد حيلي جلست اصيح وانا متضايقه وافكر في امي وابوي واتذكر حياتي قبل لا يدمرونها لي وسوس لي الشيطان و قمت رحت الخيمه وقومت جود وقلت " جود اطلعي من الخيمه بسرعه " فزت جود من نومها وقالت " شفيك شصاير ؟ " قلت " قومي وبس " قامت جود وهي مصدومه و طلعت من الخيمه معي ، رحت خذيت من الحطب و وحطيتها عند النار و ولعت الحطبه قالت جود " شفيك شبتسوين ؟ " مشيت رايحه عند خيمة عمر وقلت " بنتقم منهم " قالت " دانا وش تنتقمين منهم " قلت " بنتقم منهم كلهم لأنهم دمروا حياتي " قالت " دانا تعوذي من الشيطان واتركي النار عنك " وقفت عند خيمة عمر وانا ماسكه الحطبه وهي مولعه نار وقلت " بنتقم من عمر بالذات هو اللي خرب لي حياتي " قالت " دانا لا تصيرين زيهم لا تسوين شي بتندمين عليه بعدين " وقفت وانا اطالع ل جود وافكر الا حسيت النار قربت من يدي رميت الحطبه من يدي و وطاحت على خيمة عمر ومصلح ...
____________________________________
شرايكم ؟ 🔥
تتوقعون وش بيصير ؟
