NANAH AYSHER

43&44

*_NANAH AYSHA_*

By
Mrs bb
Mom muhseen

Wattpad name
Humaira3461

EXQUISITE WRITER'S FORUM EWF📝
(Home of Exquisite writer's)

🅿️........43&44

Ba k'aramin k'ok'ari nayi ba da na iya fitowa a daren nan,ina tafiya ina waige waige saboda kiris nake jira na fasa k'ara bala'in tsoro ne dani,kitchen na samu na shige na rufe k'ofar sannan na kunna k'wan haske ya gauraye kitchen d'in,nai ajiyar zuciya sannan fara dudduba abunda aka yi da daren,julluf d'in makaroni ce kuma ta huce naji bazan iya kai masa ita ba gaskiya,tsaye nai ina tunanin me zan sarrafa masa shaf shaf ina cikin tunanin naji vibrate din wayata nai saurin d'auka yace "Cutie kefa nake jira"
Nace "nafa zo na tadda sauran abincin ya huce kuma ma d'an mitsi ne,ka bari na dafa maka indomi shaf shaf."
Da mamaki yace "wai ke zaki dafa mun indomin?"
Hararar wayar nayi muryata can k'asa nace "oho maka"
Na kashe wayar shidai yasan nanah ko ruwan zafi bata iya dafa wa balle wata indomi,amman bari ya sama sarautar Allah ido yaga in zata cuwu.

Pan na d'ora bisa gas dana kunna na zuba mai kad'an saboda nasan indomi bata son mai da yawa,frig na bud'e naga wani sauran jajjagaggun kayan miya nai hamdala don in nace zan yi daka ko blending duk jina za'a,d'ibarsu nayi kad'an na zuba cikin man suka fara suyuwa na d'auki kifin gwangwani na zuba shi cikin pan d'in suna soyuwa tare na saka ruwa daidai misali sannan na rufe,na shiga store na d'auko indomin na dawo da yake ruwan kad'an nehar ya tafasa,na b'are na zuba ban karya ba don nafi sonta haka tafi kyau.
Magi na saka daidai misali sannan zuba kori da thyme dan danan kitchen d'in naji ya fara k'amshi,murmushi naji ya kubce mun araina nace "ka d'auka ina nan kamar wata doluwa ko,zaka sha mamaki ai in kaji kunnenka yana motsi."
Ita bata tsane tsaf ba haka ban barta da ruwa ba haka na juyeta cikin wani plate mai kyau na dinner set,na saka fork na bud'e frig na d'aukar masa ruwa da ziza.

Zan fito kenan naji an turo k'ofar anshigo kad'an ya hana ban saki kayam na na fasa k'ara,sofy ce take murtsike ido alamun dai yunwa ce ta tada ita.

Naja tsaki nace "meya tadoki ke kuma"

Hamma take tana magana da alamun bacci tare da ita tace "wlh kamar anmun sata acikina yaya nana,"
Idonta ya kai ga kayan hannunta ta lashe baki tace "don Allah ki sammani."
Na dalla mata harara nace "kici hutaccen makaroni kagaya can wannan na....na..mijina nane"
Murmushi sofy tayi ni ma ina murmushin nace "bani hanya,in kuma ba zaki ci makaroni ba ki dafa taki indomin"
Tace "Aa miyai zafi saina dafa,yaya nanah kice dai kwana b'angaren yaya..........aje kayan nake zan waiwayota tace cikin sauri "Allah ya baki hkr ni wasa nake kije karma yaita jiranki"
K'wata nayi ina daukar kayan nace "zaki ci gidanku ba dai ni kike ja ba"
Tana kunshe dariyarta tace kasa kasa "kedai jeki inda rabon an kashe boss d'in tun anan ai shikenan."
Na jiyo nace "mekike fad'a?"
Zaro ido tayi tace "Aa cewa nayi ashe ya dawo bama wanda ya sani"
Na harareta nace "to gulmawuya ina ruwanki?"
Na juya na fice ina jiyo dariyarta.

Ahankali nake sand'o ina nufar can b'angarensa akwai wata k'ofa nan cikin babban falo da zaka bi har can baya zata sadaka da BQ amman shi d'akinsa yasha ban ban dana sauran masu aikin,gabana yake fad'uwa harna fice ina shigowa harabar wurin naga haske tarr kamar ranan,na sauke ajiyar zuciya.
Ina sake yin gaba na hangosa ya saka kujerar roba ya zauna bakin kofar d'akin nasa yana ta danna waya,jallabiya ce cikinsa brwon tayi masifar haskashi wlh mus'ab mai kyau ne,haka zuciyata tafad'a tun daga gashin kanshi nake kallonsa,wanda zaka tabbatar da cewar ya had'a iri da fulanin usil ga sajensa daya zagaye fuskarsa da gemunsa da gashin bakinsa,abunda yake matukar bani sha'awa garesa kenan wannan gashin fuskar,inama zan ta shafashi har sai nagaji.
Dogon hanci ne dashi mai kyan haske sai lumsassun idanunsa masu yalwar lashes kamar  mace,sai d'an bakinsa irin nawa daya daidai da gemunsa.
In yana motsasa kamar yana tsotsar sweet,kai idan na tsaya fayyace sirrin kyansa bazan k'arasa wurinsa ba..........