Will You Go Out With Us? (Sharky and the Giants)

Chapter 20: Stopovers

✦✧✦

CHERRY

Dumating na ang umaga, pero tila ayaw ko pa ring bumangon sa kama.

Nagbuntong-hininga ako at tumingin sa orasan. Kailangan ko nang magbihis dahil uuwi na rin kami maya-maya.

Nakapag-impake na ako kagabi dahil nahirapan akong makatulog. Na-double check ko na rin ang buong kuwarto kung may naiwan ba akong gamit.

Bakit ganito? Bakit ang lungkot? Sa loob ng tatlong araw ay puro kapahamakan at kamalasan ang nangyari sa akin, pero bakit pakiramdam ko ay hahanap-hanapin ko ang mga ito pagkabalik sa bahay?

Wala nga akong naiwang gamit, pero 'yong sarili ko, gustong maiwan sa resort na ito.

Nagbihis na ako at lumabas ng kuwarto. Bakit parang ang tahimik? Kagabi lang ay sobrang ingay nilang lahat sa pool.

"Want me to help you with that?" Binuhat ni Tobin ang dala kong maleta.

"Uy, Tobin! Maraming salamat ha, pero hindi naman kailangan!" Sinusubukan kong kunin pabalik ang maleta pero karga-karga niya ito sa ibabaw ng ulo niya. Matangkad siya kaya naman kahit anong talon ko ay hindi ko maabot.

"Let me do at least this, Cherry." Nakangiti siya pero naramdaman kong may pagkaseryoso siya sa sinabi niya. "Sa totoo lang, nalulungkot ako dahil hindi ko alam kung kailan ulit kita makikita."

I guess we all feel the same, huh?

Hindi na ako nagreklamo at hinayaan ko na lang na buhatin niya ang maleta ko.

Habang naglalakad kami ay napagmasdan kong maigi ang kaniyang porma. Ano kaya'ng workout nitong si Tobin? Lahat sila sa Green Giants ay maskulado, but this guy is way way jacked!

Pagkarating namin sa baba, nakita kong nakaabang na silang lahat sa may entrance.

"Wow, Tobin. Ibang klase ka. Pauwi na tayo pero nagawa mo pa ring pumuntos kay Cherry," pangungutyang hiyat ni Joon.

"Oo nga. Ipinagyayabang mo na naman 'yang muscles mo." Sinundan naman ni Nikko.

"Hmph. Palibhasa 'yan lang lamang mo sa 'min. Pero pagdating sa cuteness, ako ang number one!" Anlex claimed.

Bigla siyang napalingon kay Gin na inosenteng nagtatali ng sintas. "A-Ako ang pinaka-cute... 'di ba?" ulit ni Anlex na may kasamang pag-aalinlangan. Na-threaten yata siya kay Baby Gin.

"Let's go. The cars are waiting for us already." Pagkasabi no'n, sinuot na ni Kyle ang bag niya at lumabas ng hotel.

Ang sungit naman nito. Bakit ba siya nagmamadaling umuwi?

Ibinaba na ako ni Tobin at kinuha ko na ang maleta ko. Pagkalabas ng hotel, may dalawang van na naghihintay.

Kinailangan daw ang nine-seater Chevy Express nina Joon kaya nagdala ang mga tauhan nila ng ibang mga van para maghatid sa amin pauwi.

Kaso, teka, sa aling van nga ba ako sasakay?

"Let's decide who goes with who. Kailangan nating maghati sa dalawang grupo," kalmadong sabi ni Denz.

"I wanna be with Cherry!" sigaw ni Anlex.

"Ako rin. Gusto kong sumama kay Cherry," sigaw rin ni Gin.

"Doon ako kung saan sasakay si Cherry!" dagdag ni Joon.

"Doon ako sa tabi ni Cherry! Dibs ako!" hiyaw naman ni Tobin.

Nagkatinginan naman bigla si Nikko at Denz.