2 choice(You&Universe)

10

""ကိုယ်...ညနေလာကြိုမယ်ကလေးလေး...""

Leo သူ့ဘေးမှာထိုင်နေတဲ့ကောင်လေးရဲ့လက်ဖမို့ကို ဆွဲနမ်းကာပြောလိုက်တော့ Laimကရှက်သွားသည်။သူကရှက်ပြီး ကားအရှေ့ခန်းမှာထိုင်နေတဲ့ ရှိန်းကိုလဲမဝံ့မရဲကြည့်လိုက်ပေမယ့် ရှိန်းကသူတို့ကိုကြည့်မနေဘဲကားအပြင်ဘက်ကိုပဲ ငေးကြည့်နေတာကိုမြင်တော့ စိတ်သက်သာရာရသွားတယ်။ထို့နောက် သူကLeoကိုကြည့်ကာ ခေါင်းအသာငြိမ့်ပြလာ၏။

""လိမ္မာတယ်...သွားတော့လေ""

Leoကပြောရင်း Laimရဲ့ခေါင်းကဆံပင်ကိုလက်နဲ့ဖွလိုက်၏။Laimကားမှန်ကိုဖွင့်ကာ ဟိုဟိုဒီဒီကိုကြည့်လိုက်၏။ဘယ်သူမှ အနီး
အနားမှာမရှိတာသေချာတော့မှ ကားပေါ်ကခုန်ဆင်းကာ ရိုက်ကွင်းထဲပြေးဝင်သွားတယ်။သူ့မျက်လုံးရှေ့ကနေ ကောင်လေးပျောက်ကွယ်သွားတော့မှ Leoရဲ့ခေါင်းကအရှေ့ကိုပြန်လှည့်လာတယ်။

""ဒီအတိုင်းဆို...သူ့ကိုအရမ်းသက်ညှာရာကျလိမ့်မယ်...ကိုယ်ဖော်တဲ့ဆေးကိုယ်ပြန်စားခိုင်းလိုက်တာပေါ့...ပြီးတော့မှလုပ်သင့်တာလုပ်ကြတာပေါ့....""

ရှိန်းကခေါင်းငြိမ့်လိုက်ပြီး...သူတို့ကားကအဆောက်အဦးရှေ့ကနေ ထွက်ခွာသွားတယ်။

""ဝီလီ....မင်းမသေခင် နောက်ဆုံးဆန္ဒလေးငါဖြည့်စည်းပေးမယ်....""

ဗီလိန်မင်းသားဟေးလ်ဒီးအဖြစ်သရုပ်ဆောင်တဲ့မင်းသားအော်သာက ဝီလီယမ်အဖြစ်သရုပ်ဆောင််တဲ့Laimကိုကြည့်ကာပြောလိုက်တယ်။ဝီလီယမ်ကိုကြည့်နေတဲ့သူ့ရဲ့မျက်လုံးထဲမှာ တိမ်မြုပ်နေတဲ့မျှော်လင့်ချက်တချို့လဲရှိသေးတယ်။

သူ့အရှေ့မှာဒူးထောက်နေတဲ့ ဝီလီယမ်ရဲ့ခန္ဓာကိုယ်မှာလဲသွေးတွေက ရွဲရွဲစိုလို့ပါ။ဒါကလဲ ရဲမက်တွေရဲ့သွေးတွေပဲဖြစ်ပြီး သူ့ကိုယ်ပေါ်မှာဒဏ်ရာသေးသေးလေးတွေသာရှိတာပါ။သူ့မှာချက်ချင်းသေနိုင်တဲ့ဒဏ်ရာကြီးကြီးမားမားမရှိပေမယ့် အားမရှိတော့တာကြောင့်သူက ဓားကိုအားပြုပြီး ကိုင်ထားရတယ်။ဒါပေမယ့် သူ့ရဲနီရဲရဲမျက်ဝန်းများက အရှုံးမပေးတဲ့အရိပ်အရောင်များထင်ဟပ်နေ၏။သူကခေါင်းကိုရုတ်တရက်မော့လိုက်ပြီး အော်သာရဲ့မျက်ဝန်းများကို စူးစိုက်ကြည့်ကာပြောလိုက်၏။