2 choice(You&Universe)

5

""ဘာလုပ်နေတာလဲ""

""ဒီအတိုင်း ကစားစရာလေးတစ်ခုပါ""

သူ့ကိုမေးလာတဲ့ လန်းနော့ရဲ့အမေးကို ကိုင်ရိုခေါင်းမော့ကာပြန်ဖြေလိုက်ပြီးနောက် ခေါင်းပြန်ငုံ့ကာ သူ့လက်ထဲက ပစ္စည်းကို ဆက်လက်ပြင်ဆင်နေလိုက်သည်။။

လန်းနော့လဲ တဖက်လူကမအားပုံပေါ်တာကြောင့် ဆက်မမေးနေတော့ပေ။ကိုင်ရိုက ရက်အတော်ကြာ ထိုပစ္စည်းကိုပဲ ရွှေတွေခရစ်စတယ်တွေကိုအသုံးပြုပြီးချောမွေ့နေအောင်လုပ်နေသည့်အတွက် သိချင်စိတ်ပြင်းပြကာမေးမိခြင်းသာဖြစ်သည်။သူ့အနေနဲ့လဲ ထိုအခါကို တခါမှမမြင်ဘူးတာကြောင့်လဲပါသည်။သူ့ကိုသေချာမရှင်းပြပေမယ့် ကိုင်ရိုက ကစားစရာလို့ပြောမှတော့ တကယ့်ကိုကစားစရာဖြစ်လိမ့်မည်။

""ပြီးသွားပြီ""

""လှလိုက်တာ..ဘယ်လိုသုံးရတာလဲ...""

ကိုင်ရိုလက်ထဲက အသွားပုံစံကွင်းကိုမြင်တော့ လန်းနော့ မမေးရမနေနိုင်ဘဲမေးလိုက်မိလေသည်။အသွားပုံစံကွင်းလို့ပြောတာက ထိုအရာကတဖက်ကချွန်ထက်နေပြီး ကျန်တဖက်ကတော့တုံးတိနေတာကြောင့်ဖြစ်ကာ ထိုအရာ၏အလယ်တွင်လဲ လက်ချောင်းများထည့်လို့ရသည့် အပေါက်လေးခုပါတာကြောင့်ဖြစ်သည်။လန်းနော့ ထိုကဲ့သို့အရာမျိုးကို စစ်တပ်မှာရော အပြင်မှာပါတခါမှမမြင်ဘူးတာကြောင့် ဘယ်လိုအသုံးဝင်မှန်းသူမသိပေ။

""ဒီကွင်းလေးတွေထဲ လက်ချောင်းလေးတွေထည့်ပြီးသုံးလို့ရတယ် တစုံတစ်ခုကိုဖြတ်တောက်ချင်ရင် ဒါကိုဝတ်ပြီး လက်သီးနဲ့ထိုးလိုက်ရုံပဲ..."" ကိုင်ရိုက အပြောနဲ့အလုပ်ညီစွာ ထိုအပေါက်လေးခုထဲ သူ့လက်ချောင်းများကိုထည့်ကာပြောပြလာလေသည်။လန်းနော့လဲကိုင်ရိုပြောတာကို နားလည်သလိုရှိတာကြောင့် ခေါင်းငြိမ့်လိုက်လေသည်။

သူ့ဘက်က ပြင်ဆင်စရာရှိတာများပြင်ဆင်ပြီးသွားပြီဖြစ်တာကြောင့် ငါးစာချဖို့အချိန်ရောက်ပြီမှန်းကိုင်ရိုသိလိုက်သည်။

""အမဲသွားလိုက်ဦးမယ်""

သူပြောလိုက်တော့ လန်းနော့ကပါလိုက်မည်ဟုပြောလာလေသည်။သို့ပေမယ့် သူ့မှာသူ့အကြံအစည်နှင့်သူရှိတာကြောင့် လန်းနော့ကိုထိုနေရာမှာနေရစ်ခဲ့ရန်ပြောပြီး ထားခဲ့လေသည်။