2 choice(You&Universe)

5

Uni
======
""ခမည်းတော်နောက်ဆုတ်နေ....သားတော်ရှင်းလိုက်မယ်...""

သူ့ကိုနောက်ပို့ရင်းပြောလာတဲ့ ရိန်းရဲ့ပုခုံးကို မိုင်လက်နဲ့ ဖယ်လိုက်သည်။

""မလိုဘူး.....""

မိုင်က ပြောလိုက်ရင်း ခါးကဓားကိုထုတ်ယူလိုက်သည်။သူက ဓားကိုင်ထားတဲ့လက်ကိုလှည့်လိုက်ရင်း

""သွေးပူလေ့ကျင့်ခန်းမလုပ်ရတာကြာလို့ တိုက်ခိုက်ရေးတွေကိုတောင်မေ့နေပြီ...ငါ့နဲ့ဒီမြေကြွတ်တွေကိုအတူရှင်းစမ်းပါ...""

""ဒါပေမယ့်...သူတို့ကAlphaတွေလေ...""

""ငါ့ဘက်မှာ..မင်းရှိနေတယ်လေ...""

သူ့ကိုကြည့်ကာ ပြောလာတဲ့ချင်းဟေးကြောင့် ရိန်းပြုံးလိုက်သည်။

""ဟေးဟေး...ဒီမှာလာပြီးသားအဖဇာတ်ကမနေနဲ့...""

လုပ်ကြံသူတွေထဲက ခေါင်းဆောင်ဖြစ်ဟန်တူသူက ပြောလိုက်သည်။

""ငါက..Betaဘုရင်ကိုရှင်းလိုက်မယ်...ကျန်တဲ့သူတွေ..အဲ့Alphaကောင်ကိုရှင်းလိုက်....""

ထိုလူက သူ့နောက်က လူတွေကိုလှည့်ကာပြောလိုက်ပြီး မိုင့်ရဲ့အနားကပ်လာသည်။

""ကိုယ်တော်ဘယ်သူလဲသိတာတောင်...လုပ်
ကြံရဲတယ် အသက်မရှင်ချင်တော့ဘူးပေါ့...""

ချွင်....

ပတ်ဝန်းကျင်တွင် ဓားခြင်းထိခတ်သံထွက်ပေါ်လာသည်။19ယောက် 1ယောက်ချနေရသည်မို့ ရိန်းကချင်းဟေးကိုလှည့်မကြည့်အားပါ။ဓားကိုမြှောက်ကာ နောက်ဘက်ကနေဝင်လာတဲ့လုပ်ကြံသူတစ်ယောက်ကို လက်ထဲကဓားနဲ့လက်နောက်ပြန်ထိုးလိုက်ရင်း အရှေ့ဘက်ကနေထိုးလာတဲ့လုပ်ကြံသူရဲ့ဓားကို လက်ဗလာဖြင့်ဖမ်းလိုက်သည်။

ရွှပ်...

လုပ်ကြံသူရဲ့ဗိုက်ထဲက ဓားကိုပြန်ဆွဲထုတ်လိုက်ရင်း အရှေ့ကလုပ်ကြံသူကိုထိုးလိုက်သည်။

သွေးစက်များက ရိန်းရဲ့မျက်နှာကိုစင်သွားပြီး သူ့မျက်နှာက ကန့်လန့်ဖြတ်အမာရွတ်ကြီးနဲ့မို့ ပိုလို့တောင် ကြောက်ဖို့ကောင်းလာစေတယ်။လုပ်ကြံသူများကိုတခါ လှီးဖြတ်လိုက်တိုင်း ငရဲပြည်ကတတ်လာတဲ့ နတ်ဆိုးတစ်ကောင်လို....