2 choice(You&Universe)

5

A/N Arc titleပြောင်းရတော့မလားပဲ ချစ်တတ်လွန်းတဲ့ငါ့ယောကျာ်းလို့လေ🤣
Arc titleေျပာင္းရေတာ့မလားပဲ ခ်စ္တတ္လြန္းတဲ့ငါ့ေယာက်ာ္းလို႔ေလ🤣

Uni
======
သူ့ဆီတလှမ်းခြင်းလျှောက်လာတဲ့သတို့သမီးကိုကြည့်ပြီး ချန်းမင်ပြုံးလိုက်၏။သတို့သမီးရဲ့လမ်းလျှောက်ပုံကမူမမှန်ပေမယ့် သူတခြားမတွေးမိပါ။စိတ်လှုပ်ရှားလွန်းလို့သာဟု ထင်လိုက်သည်။တကယ်တော့သူလဲ စိတ်လှုပ်ရှားနေသည်လေ။ဘာပဲဖြစ်ဖြစ် ကိုယ်ချစ်တဲ့လူနဲ့လက်ထပ်ရတော့မည် မဟုတ်လား။

""စိတ်မလှုပ်ရှားနဲ့ ကိုယ်ရှိတယ်...""

ချန်းမင် သူ့အနားရောက်လာတဲ့ သတို့သမီးရဲ့လက်ကိုဖွဖွပုတ်ကာ အားပေးလိုက်သည်။မဂ်လာပွဲပြီးတဲ့အထိတလျှောက်လုံး သတို့သမီးဘက်ကစကားတခွန်းမှမပြောဘဲ တိတ်ဆိတ်နေခဲ့သည်။

ကောင်းကင်ပေါ်က နေမင်းကြီးက လမင်းကြီး၊လမင်းကြီးကနေတဆင့် နေမင်းကြီးသို့တဖန်ပြောင်းလဲသွားခဲ့ပြန်ပါပြီ။

""အရှင်မင်းကြီးတို့ လမင်းနန်းဆောင်မှာအရှင့်သားကိုစောင့်မျှော်နေပါတယ်....""

ချန်းမင်တို့ ဧကရာဇ်နန်းဆောင်ကိုရောက်တော့ ကြိုစောင့်နေတဲ့ အထိန်းတော်ကျောက်ရှို့ကပြောလိုက်သည်။လမင်းနန်းဆောင်က လက်ရှိဧကရီရဲ့နန်းဆောင်ဖြစ်သည်။သူ့အနေနဲ့ လက်ရှိဧကရီကိုပါ အရိုအသေပြုရမည်မို့ နန်းဆောင်ကနေထွက်လာကတည်းက ချန်းမင်ဒေါသထွက်လာသည်။ဒါပေမယ့် ထုံးတမ်းအစဥ်အလာမို့ သူမလုပ်ချင်လဲ လုပ်ကိုလုပ်ရမည်သာ။

""သွားရအောင်လေ...ဝေ့လန်လဲရှိတာပဲဟာ...""

သူ့ဘေးမှာရပ်နေတဲ့ဝေ့လန်ဆီကနေ အသံချိုချိုလေးထွက်လာတော့ချန်းမင် သူ့လက်ကိုဆုပ်ကိုင်ထားတဲ့ဝေ့လန်ကို ငဲ့ကြည့်လိုက်ပြီးအားတင်းပြုံးလိုက်သည်။ဝေ့လန်ကလဲ လက်ရှိဧကရီကို ချန်းမင်မကြိုက်တာသိတော့ အားပေးပြုံးလေးပြုံးပြလိုက်၏။

တဖြေးဖြေးနဲ့ နန်းဆောင်နဲ့နီးကပ်လာချေပြီ။မင်ယွီနဲ့ကျိုးဝမ်က ရေကန်ဘေးမှာဆောင်ထားတဲ့အဆောင်လေးမှာထိုင်နေကြ၏။အဝေးကနေလှမ်းမြင်နေရတဲ့ လူပုံသဏ္ဠာန်နှစ်ခုကိုကြည့်ပြီးချန်းမင် အားတင်းလျှောက်လိုက်သည်။