شباب هرجع انشرها تاني بس نتفاعل كدا الله يبارك لكم 🙂
البارت 5
"نور"
أنا مش عارفه أنا قولت كده إزاي ....؟
مفوقتش من شرودي إلا على شهقة نهى وهي بتمسك أيدي وتهزها وبتــصــ*ــرخ فيا وبتقول بغضب : نور إنتي اتجننتي إيه الهبل ده إللي بتقوليه؟!
عيطت وانهارت من العياط ..... !
حضنتني نهى وهي بتطبطب على ضهري ....شهقت بقوة وأنا بحاول أقول اللي عندي وأرد عليها ولقتني بمسح دموعي وبقولها : نهى أنا أخدت القرار ده بعد تفكير طويل أنا عارفه إنه واحد غريب عني بس أنا خلاص إدبست فيه ودخلت في الحوار ده ...و ومش هقدر أتخلى عنه أنا جدي علمني إني مشوفش إنسان محتاج مساعدة وأرفض أمدله أيدي الرسول صلى الله عليه وسلم مكنش كده الصحابه مكنوش كده الإسلام معلمناش نتخلى عن بعض وعن إنسان محتاج مساعدة وإحنا بشر وأنا ممرضه من واجبي أساعده ...إسمعيني انبارح وأنا مروحه شوفتهم تاني كانوا جايين يتأكدوا إذا كان مات ولا لأ ...!
نهى كانت بتسمعني وهي بتعيط على اللي أنا فيه ...!
سكت شوي وبعدين قولتلها ... أنا عارفه إنه غلط أسيبه في بيتي بس هو تعبان تعبان أوي يا نهى وشوفي شفـ"ـايفه دي دول مخيــطــ*ــينها يعني هيموت بالبطيء الله أعلم بقالوا قد إيه وهو على الوضع ده من غير أكل ولا شرب ......!
سكت وانفجرت في العياط .....!
نهى فضلت حضناني شوي ولقيتها بتمسح على خماري وبتتكلم وتقول : نور يا حبيبتي أنا عارفه إنه تعبان وحالته صعبة بس إنتي على كلامك بتقولي إنه متجوز يعني ليه عيلة وأهل وبيت يعني فهماني أكيد يعني مش مقطوع من شجره صح وإن شاء الله ذاكرته هترجعله وهيفتكر لكن إنك تتجوزيه تاخديه من على مراته وولاده ده غلط إنتي متقبليش بكده لأ لأ يا نور أنا مش ضد إنك تساعديه بس مش على حسابك وأنك تتجوزيه في فرق ....!
كنت بسمع كلام نهى وأنا بعيط ولقتني بقول : عارفه كل ده يا نهى وأكيد فكرت فيه أنا كان ممكن أوديه مستشفى وأسيبه بس لما شفتوهم تاني انبارح عرفت إني لو عملت كده هيلاقوه وأكيد هيــقـــ*ــلوه
مش هبقى إستفدت حاجه غير إني أكون ساهمت في إنهم يلاقوه أنا هتجوزه علشان بس ميكونش وجوده في بيتي غلط وعلشان لو حد عرف بوجوده عندي يبقى في رابط شرعي ولحد أما يتعافى وترجعله ذاكرته ووقتها هنطلق أكيد بس علشان الحــرمــ*ــانــيـــه والخلوة يا نهى إفهميني مش أكتر.........!
لقيت نهى بتقاطعني وتقول وهي بتعيط: طب وانتي يا نور فين من كل ده ....!
خرجت من حضنها وبصيت لها باستغراب وقولت : أنا إيه يا نهى ...!
لقيتها بتمسك أيدي وتقول وعيونها بتلمع من الدموع : وانتي يا نور مش خايفة تتعلقي بيه وبعد كده ...!
أنت تقرأ
نداء القلب 🖤
Mystery / Thrillerناداني قلبك ناداني وهواك قد سحر كياني في ظلمة ليل أراني طيفك فوقفت مكاني أفكر واحتار جناني هربت لكن قد عدت مكاني لم يتحمل قلبي قراري عدت إليك ورأيتك منظرك...قطع أوصالي آلم فؤادي وأبكاني قررت حملك لبيتي ومساعدتك قدر الإمكان أرحتك في حجرة نومي عقمت جر...
