نداء القلب 🖤

[16]

الرواية ملك لـ كاتبه نورهان ناصر نداء القلب ♥️ الجزء الثاني الحلقه•16•(( جماعه دوسوا على الفوت 🙄🙄💔💔))

ماهر بقلق وهو لا يكاد يسيطر على أعصابه وضع يده على كتف عمر وهتف وهو يحاول التماسك والهدوء عكس ما يعتريه من مشاعر كثيرة سيطرت عليه من قلق لخوف لتوتر لحب ولهفة واشتياق  : عمر بقولك مين دي ؟ وجبتوها منين ؟ وايه كمية الجروح اللي في وشها دي ؟ وغير ده كله مضروبة بالنار في كتفها وكمان في اكتر من كذا ضلع مكسورين ...

قاطعه عمر بذهول ودهشة : انت عرفت ده كله من مجرد حضن ...

ماهر بضيق وزهق : عمر انا متدرب كويس واتعلمت إني أكون دقيق وادقق في أدق التفاصيل وشديد الملاحظة وبعدين الجروح والخرابيش اللي في وشها واضحه للاعمى وفيه أربطة كتيره حوالين صدرها والعلَّاقة اللي في دراعها إيه أعمى انا يعني قُدامك عيب عليك ده انا اللي مدربيني ناس على أعلى مستوى .

عمر بهدوء : دي واحدة لقوها على الحدود بتاعتنا شكلها هربانه من حاجه لسه مش مبين معانا حاجه حراسنا هناك لما شافوها في المنطقة المحظورة حاولوا يوقفوها أنها تتقدم خطوه كمان وحذروها مسمعتش تحذيراتهم فاضطروا يضربوا عليها نار أما بالنسبة للجروح اللي في وشها دي ملناش دخل فيها لا هي ولا كسور اللي في جسمها ....

ماهر بلهفة : كان شكلها عامل إزاي؟ متبهدلة يعني هدومها متقطعه كانت عامله كيف ؟ وهي من بلد إيه ؟

استغرب عمر في داخله لهفته تلك وأيضاً اسألته الكثيرة فعقد بين حاجبيه وهتف وهو يرمقه بشك : ماهر إنت بتسأل كل الأسئلة دي ليه ؟ انت تعرفها ولا حاجه ؟!

ارتبك ماهر إلا أنه سرعان ما هز رأسه بالنفي حتى لا يُقحمها معه في دائرة الإتهام أن اتضح لهم بأنه على علاقة بها يفضل أن تبقى بعيدة عنه لن يحتمل إن اتهمها أحدهم بشيء

عمر بهدوء : طيب تمام ، انت عامل إيه كده ؟ بدأت تفتكر حاجه ؟ !

ماهر بقلق بالغ وارتباك: كمية العقار إللي في جسمي بتقل أهو لأني بقالي فتره مابخدش العقار ده يعني ربنا يسهل إن شاء الله الدكتور طمني وقالي إني إن شاء الله التشوش اللي في ذاكرتي بدأ يقل شويه شويه .

عمر بهدوء وابتسامه وهو يقول بينما يربت على كتفه بحنان لا يعلم لما أحبه هكذا هل لأنه نسخة من أخيه شمس وشمس صديق مقرب منه بل وأكثر من ذلك  : خير إن شاء الله تعالى ارتاح دلوقت أما أنا هَامُر على العقيد أقوله على آخر المستجدات أما نشوف حكاية البنت دي إيه ؟

أبتسم ماهر بتفهم بينما عقله وقلبه هناك حيث تلك الغرفة الذي يحجب بابها رؤيته لحبيبته وهو يشعر بقلق بالغ عليها يريد أن يعلم ما حدث لها ولكن اسألته الكثيرة ستثير الشك حوله وحولها أيضاً وهو يريد أن يبعدها عن كل ذلك .