" အရမ်းလွန်တာ မာမီ Dami... Yuri လုံးဝသည်းမခံဘူး..
Yuri ကိုလက်ဖျားနဲ့ထိဖို့နေနေသာသာ ဘယ်သူမှတောင် စေ့စေ့ကြည့်ရဲခဲ့တာမဟုတ်ဘူး.. အဲ့ဒီ Kim Tae Hyung အရမ်းရိုင်းတယ် "
" မာမီ တောင်းပန်ပါတယ် သမီးရယ်... Jin ရဲ့ကိုယ်စားရော တောင်းပန်ပါတယ် အဲ့ကောင်လေးကို Yuri ကျေနပ်အောင် မာမီဘာလုပ်ပေးရမလဲ.... ဟိုကောင် Kim Tae Hyung က မာမီ့သားကို အရမ်းမွှန်နေတာ သိပေမယ့် မာမီလွှတ်ထားပေးမိတာ မှားသွားတယ် တကယ်အားနာလိုက်ရတာ Yuri ရယ် "
Kim Dami ငှားရမ်းနေထိုင်ရာ Hotel အထိ ရောက်ချလာကာ အဖြစ်အပျက်အားလုံးကို တခုမကျန်တိုင်တမ်းနေသော KB ရဲ့ တစ်ဦးတည်းသော ဆက်ခံသူလေးကို အလျင်အမြန်တောင်းပန်ရသည်။
Jin နဲ့အဆင်ပြေသွားရအောင် အားလပ်ရက်အိမ်ကို လွှတ်ပေးခဲ့ပေမယ့် အနားမှာတောက်တဲ့လို တွယ်ကပ်နေတဲ့ကောင်ကပါ ရှိနေကာ Yuri ကိုတွန်းထုတ်ပြီး ကိုယ်ထိလက်ရောက် ရိုင်းစိုင်းခဲ့သည့်အကြောင်းက သူမ အတ္တတွေကို ပိုအရောင်တောက်လာစေသည်။
Seok Jin ကို စိတ်ဝင်စားတယ် လက်ထပ်မယ်ဆိုတာ ဟန်ဆောင်ပြောနေတာ ဖြစ်နိုင်တော့မှန်းသေချာနေတာမို့ စီစဥ်ထားတာတွေမလွဲသွားစေရအောင် သူမဘတ်ကလက်သွက်မှရတော့မည်။
Kim Tae Hyung ရဲ့ အကြောက်အလန့်မရှိတဲ့ မျက်လုံးတောက်တောက်တွေက သူမကိုအမြဲတမ်း ခြောက်ခြားနေစေခဲ့တာတော့ အမှန်ပဲ...။
" မာမီ Dami ပြောတဲ့ အမွေဆက်ခံသူက Kim Tae Hyungတော့ မဟုတ်တာ သေချာပါတယ်နော်... သူကဘာလို့မာမီ့လူလိုမျိုးကိုတောင် အကြောက်အလန့်မရှိ မောက်မာရဲရတာလဲ... Jin Oppa ကို အသဲအသန် အထိမခံလိုက်တာများ... Yuri တောင် သူ့လုပ်ရက်ကိုကြွေမိတော့မယ်
အဟင်း.... Jin Oppa ရော အဲ့ကောင်ရော ဘယ်သူနဲ့ပဲရယူရရ Yuri က ဖြစ်တယ်နော် မာမီ Dami .. အမွေဆက်ခံသူဖြစ်ဖို့ကျိန်းသေရင်ရပြီ Yuri က နှစ်ယောက်လုံးကြိုက်တယ် "
" ဘယ်တော့မှ Kim Tae Hyung မဖြစ်လာစေရဘူး
Yuri က မာမီ့ကို မယုံဘူးလား... Yuri အစားအခုချက်ချင်းပဲ မာမီကတစ်ခုခုပြန်လုပ်ပေးမှာမို့လို့ စောင့်ကြည့်နေလိုက်သမီး... သူလည်းမကြာခင် အခုလိုမောက်မာနေလို့မရတော့ပါဘူး... မာမီက သူ့ဘဝကိုထပ်ပြောင်းပေးဦးမှာ မာမီလက်ထဲရောက်ပြီးသား ပစ္စည်းတွေကို ဘယ်တော့မှသူများကို လွယ်လွယ် ပြန်မပေးတတ်ဘူး"
YOU ARE READING
သံယောဇဉ်အကျဥ်းသား (Taejin)
Fanfictionနမ်းလိုက်တိုင်း အဲ့နှုတ်ခမ်းတွေက ချိုနေတာသိပေမယ့်လည်း.... သူ့ရင်ဘတ်ထဲမှာ လာခါးသည်။ အရိုင်းဆန်တဲ့အထိအတွေ့တွေပါ ဆိုတာတောင်မှ နွံထဲမှာရုံးတဲ့နွားလို နစ်ပြီးရင်းနစ်နေတာ.... သွေးရူးသွေးတန်းထွက်ပြေးလိုက်တိုင်း ဒီရင်ခွင်ရှိရာ အရပ်ကိုပဲမျက်စိလည်ပြီး ပြန...
