Jungkook နဲ့ Jiminရယ်၊ ဦးလေးရှင်းနဲ့ ဂျီဝူး
ရယ် လေးယောက်လုံးဧည့်ခန်းထဲမှာရှိနေကြပြီး Radioက ထုတ်လွှင့်နေတဲ့ တယောသံအေးအေးလေးကိုနားထောင်နေခဲ့ကြတယ်။
Taehyung နဲ့ phone ပြောပြီးနောက်ထပ်
နှစ်ရက်လောက်အကြာမှာပဲ နှင်းမုန်တိုင်းစတင်တိုက်ခတ်လာခဲ့ပြီး ဒီနှစ်ရက်အတွင်းမှာပဲ Rose landရဲ့ မိုးလေဝသဌာနရဲ့
နှင်းမုန်တိုင်းအတွက်အရေးပေါ်သတိပေးကြေညာချက်တွေဟာ email နဲ့ရော၊ phone call အဖြစ်နဲ့ရော ဦးလေးရှင်းဆီကိုလိပ်မူပြီး ရောက်ရှိလာခဲ့တယ်။ အဖွားကိုလည်း Jimin က phone ဆက်ပြီး အစစအရာရာအဆင်ပြေတယ်ဆိုတဲ့အကြောင်း ပြောပြပြီးဆိုတော့ ဒီရက်တွေမှာ အေးအေးဆေးဆေးနားပြီး နှင်းမုန်တိုင်းပြီးဖို့ စောင့်နေရုံပဲကျန်ပါတော့တယ်။
တစ်ခုပဲအဆင်မပြေတာက သိပ်မကြာခင်ကာလမှာ သူ Jungkook နဲ့အတူ green Landအထိလိုက်၊မလိုက်ဆိုတာ ဆုံးဖြတ်ရတော့မယ်။ သူနဲ့ Jungkook ဟာ နီးဖို့သိပ်မလွယ်လှပေမယ့် ဝေးဖို့လည်းအကြောင်းပြချက်ရှိနေခဲ့သူတွေမဟုတ်ခဲ့ပါဘူး။ သူတို့စိတ်တွေသာပြတ်သားရင် တစ်ခုခုကို နောင်တတရားမပါဘဲ ရွေးချယ်ခွင့်ရှိကြပါတယ်။
ဒါပေမယ့်လည်း အခုအချိန်ထိမသေချာသေးတာက Jungkook သူ့ကိုချစ်တာဟာ အတိတ်ကပတ်သက်မှုကြောင့်လား၊ ဒါမှမဟုတ် လက်ရှိကာလမှာခုန်လှုပ်နေတဲ့ နှလုံးသားကြောင့်လား ဆိုတာပင်။ အတိတ်နဲ့လက်တွေ့ကိုထပ်တူပြုပြီး စွဲလမ်းခြင်းသက်သက်နဲ့ဆိုရင်တော့ တစ်ဘဝလုံးအတူရှိဖို့ သူတို့နှစ်ယောက်လုံးသေချာစဥ်းစားဆုံးဖြတ်သင့်တယ်လို့ Jimin ကတော့ထင်မိတယ်။
ခေါင်းထဲကို ဖြတ််ပြေးသွားတဲ့အတွေးတွေကို
ဖျောက်ပစ်လိုက်ပြီး သူတို့ထိုင်နေကြတဲ့ဧည့်ခန်းထဲကို တစ်ချက်ဝေ့ကြည့်လိုက်မိတော့ Jungkook က လက်ဖက်ရည်တစ်ခွက်ကို ဇိမ်ခံသောက်ရင်း Radio ကလာနေတဲ့ တယောသံကိုနားထောင်နေတယ်။ ဦးလေးရှင်း ကတော့ လက်ဖက်ရည်သောက်ရင်း စာအုပ်ဖတ်နေပြီး ဂျီဝူးကတော့ ပန်းချီဆွဲနေခဲ့ပါတယ်။
"အစ်ကို ကျွန်တော်ဆွဲထားတာကို ကြည့်ပါဦး......"
Jimin ကို ဦးတည်ပြီးပြောလိုက်တာဆိုပေမယ့် ဂျီဝူးရဲ့ စကားသံဟာ Radioကလွှင့်နေတဲ့ တယောသံရယ်၊ ချိန်သီးနာရီရဲ့ လက်တံရွေ့လျားနေတဲ့အသံရယ်ပဲထွက်ပေါ်နေတဲ့
ဧည့်ခန်းထဲမှာ ဟိန်းထွက်လာတာကြောင့် သူတို့အားလုံးမတိုင်ပင်ပဲ ပန်းချီဆွဲနေတဲ့ ဂျီဝူးကို လှမ်းကြည့်လိုက်ကြတယ်။
