မနက် 6 နာရီလောက်မှာတော့ Jungkook နဲ့ယူရီက အထုပ်အပိုးတွေပြင်ဆင်ပြီးဖြစ်ကြသလို၊ လေဆိပ်ကိုလိုက်ပို့ပေးမယ့် tour guide ကလည်း ရောက်နေပြီဆိုတော့
သူတို့ကိုရီးယားကိုပြန်ဖို့အဆင်သင့်ဖြစ်နေခဲ့ကြပြီ။ ဒါပေမယ့်လည်း မြေပြင်နဲ့ သစ်ပင်တွေပေါ်မှာ တင်ကျန်နေရစ်နေတဲ့ ဆီးနှင်းတွေ၊ အအေးဓာတ်ကြီးစိုးပေမယ့် အနွေးထည်မဝတ်တဲ့လူတွေ၊ ထူးခြားတဲ့ နှင်းဆီပန်းတွေပွင့်ရာအရပ်ဖြစ်တဲ့ Rose land ကနေပြန်ရမှာကို Jungkookစိတ်ထဲမှာလေးလံနေမိတယ်။"ကျွန်တော်သွားတော့မယ်နော် အစ်ကို Hoseok......အစစအရာရာကူညီပေးတဲ့အတွက် ကျေးဇူးတင်ပါတယ်..."
အစ်ကို Hoseok နဲ့ Taehyung က သူတို့ကိုမြို့ပြင်အထိလိုက်ပို့ပေးကြပြီး နှင်းဆီဝိုင်၊ သစ်သားနဲ့ပြုလုပ်ထားတဲ့လက်မှုပစ္စည်းတွေကို လက်ဆောင်အဖြစ်ပေးကြတယ်။ အစ်ကို Namjoon နဲ့ အစ်ကို Yoongi အတွက်လည်း
လက်ဆောင်အဖြစ် နှင်းဆီဝိုင်ပုလင်းတွေကို အစ်ကို Hoseok ကသတိတရထည့်ပေးတယ်။ Jungkook အတွက်သီးသန့်အနေနဲ့တော့ အစိမ်းရောင်နှင်းဆီအဖူးလေးတွေကို ဖန်လုံးထဲမှာထည့်ထားတဲ့ လက်ရာမြောက်လှတဲ့စားပွဲတင်အမွှေးအိုးလေးကို လက်ဆောင်အဖြစ်လက်ခံရရှိခဲ့တယ်။ ယူရီ့အတွက်ကိုတော့ နတ်ဆရာမကြီး ကလီယာက ချယ်ရီ bonsai ပင်လေးတစ်ပင်ကို လက်ဆောင်အဖြစ်ပေးတယ်။"ရပါတယ်ကွာ...နောက်လည်း ထပ်လာခဲ့ပါဦး..."
"ဟုတ်ကဲ့အစ်ကို...... "
အစ်ကို Hoseok ကိုနှုတ်ဆက်ပြီးတော့ Jungkook ကသူ့ကိုခပ်တည်တည်သာကြည့်နေတဲ့ Taehyung ကိုလှည့်ကြည့်ရင်း....
"ကျွန်တော် ပြန်လိုက်ပါဦးမယ် Taehyung..."
"ဟုတ်ကဲ့ ကောင်းကောင်းသွားပါ...."
Jungkook ကိုဝတ္တရားအရပြန်နှုတ်ဆက်လိုက်ရပေမယ့် Taehyung ရဲ့မျက်လုံးတွေကတော့ ဒီလူ Jiminနဲ့ချစ်ခဲ့တဲ့အကြောင်းတွေ ကိုမေ့သွားတာ တကယ် ဟုတ်၊မဟုတ်ဆိုပြီး အကဲခတ်နေမိတယ်။ ကလီယာပေးလိုက်တဲ့ အဆောင်ကို Jungkook လက်မှာဝတ်ထားတာကိုမြင်ပေမယ့် တစ်ညထဲနဲ့ လူတစ်ယောက် နဲ့ချစ်ခဲ့တာကို လုံးလုံးလျားလျားမေ့သွားတယ်ဆိုတာဖြစ်နိုင်ပါ့မလားလို့ သူသံသယရှိချင်မိတယ်။ ကလီယာ ကတော့
ဒီအစီအရင်ကြောင့် Jungkook ဟာ Jimin ကိုလုံးဝမေ့သွားတာမျိုးမဟုတ်ဘဲ Jimin အပေါ်ချစ်ခဲ့မိတဲ့စိတ်တွေ၊ စိတ်ဝင်စားမိတဲ့ခံစားချက်တွေသာပျောက်ကွယ်သွားမှာလို့ဆိုတယ်။