လွန်ခဲ့သော နှစ်ပေါင်းများစွာက Endex
ဆိုတဲ့ အပူပိုင်းဒေသတစ်ခုမှာ လူသားမျိုးနွယ်စုနှစ်စုနေထိုင်ခဲ့ကြတယ်။ လွယ်ပြင်ဒေသရဲ့ တောင်ဘက်မှာ Jeon မျိုးနွယ်စုတွေနေထိုင်ကြပြီး လင်းယုန်နက်မျိုးနွယ်စုအဖြစ်ခံယူခဲ့ကြတယ်။ မြောက်ဘက်မှာတော့ Kim မျိုးနွယ်စုတွေ နေထိုင်ခဲ့ကြပြီး လင်းယုန်နီမျိုးနွယ်စု အဖြစ်အမည်တွင်စေခဲ့ကြတယ်။
Endex ဟာ တောင်တန်းနဲ့ ကျောက်ဆောင်၊ ကျောက်လွှာပေါများတဲ့အရပ်ဖြစ်တာကြောင့် စိုက်ပျိုးရေးနဲ့ မွေးမြူရေးအတွက် ကောင်းမွန်တဲ့မြေဆီလွှာရှားပါးတယ်။ တစ်ခုတည်းသော မြေဆီလွှာကောင်းတဲ့အရပ်ဟာ အရှေ့ဘက် Bury မြစ်နဲ့ထိစပ်တဲ့လွင်ပြင်အပိုင်း ဖြစ်တာကြောင့် မျိုးနွယ်စုနှစ်ခုဟာ နယ်မြေလုတိုက်ပွဲတွေမကြာခဏဆင်နွှဲလေ့ရှိကြတယ်။ ဒီလိုမျိုးအသက်ပေါင်းများစွာပေးဆပ်ရတဲ့ တိုက်ပွဲတွေကို အဆုံးသတ်ဖို့ တောင်ဘက်လင်းယုန်နက်မျိုးနွယ်စုရဲ့ သတ္တမမြောက်ဖြစ်တဲ့ ခေါင်းဆောင် Jeon သခင်ကြီးက စတင်ကြိုးပမ်းခဲ့တယ်။ မြောက်ဘက်လင်းယုန်မျိုးနွယ်ခေါင်းဆောင် Kim ကလည်းခေါင်းဆောင် Jeon နဲ့ထပ်တူညီတဲ့ဆန္ဒရှိတာကြောင့် နယ်မြေကို အညီအမျှခွဲဝေပြီး Endex ရဲ့ငြိမ်းချမ်းရေးကိုဖော်ဆောင်နိုင်ခဲ့ကြတယ်။
ဒီလိုနဲ့ပဲ မျိုးနွယ်စုနှစ်ခုဟာ နှစ်ပေါင်းများစွာကြာအောင် ငြိမ်းချမ်းစွာနေထိုင်ခဲ့ကြတယ်။ လင်းယုန်နက်မျိုးနွယ်စုမှာ သခင်ကြီး Jeon
မင်ဂျွန်းခေါင်းဆောင်ဦးဆောင်ပြီး လင်းယုန်နီမျိုးနွယ်မှာ သခင်ကြီး Kim ဂျီဟွန်းဦးဆောင်တဲ့ ဆယ့်သုံးဆက်မြောက်မျိုးဆက်မှာတော့
မမျှော်လင့်ထားတဲ့ အဖြစ်အပျက်တစ်ခုဖြစ်
ပေါ်လာခဲ့ပါတယ်။
"သခင်လေး Taehyung ရောက်လာပါပြီ ခေါင်းဆောင်......."
"အထဲကို လွှတ်လိုက်.....ကျန်တဲ့သူတွေ အကုန်အပြင်ထွက်သွားကြတော့......"
လင်းယုန်နီမျိုးနွယ်ခေါင်းဆောင်ရဲ့ စကားဆုံးတော့ အခန်းတွင်းမှာခစားနေကြတဲ့ အစေခံတွေအကုန်အပြင်ကိုထွက်သွားကြတယ်။
"ကျွန်တော်ရောက်ပါပြီ အဖေ......"
"ဒီမှာ လာထိုင် Taehyung....အဖေ သားကိုတိုင်ပင်စရာရှိတယ်......"
