It Started With A Lie

35

Nagising ako na may humahaplos sa pisngi ko at dahan-dahan ko ng dinidilat ang mga mata ko. Alam kong si Vixen lang iyon at saka nagpapanggap lang na tulog baka iniisip niyang magagalit ako sa kanya sa nangyari kagabi.

Napabangon siya pagkakita niya sa akin. "Whoa! Ano nangyari? Ano ang ginagawa mo dito?"

"Don't pretend that you don't know what happened last night." Sabi ko at bumangon na rin ako.

"Ugh." Napakamot siya ng ulo niya. "Alam kong galit ka sa akin, Thea at pumapayag na ko sa kagustuhan mo."

"Talagang iniisip mo na itutuloy ko iyon?"

Humarap siya sa akin. "Hindi mo na gagawin?"

Imbes na sagutin ko pa siya ay sinunggaban ko siya ng halik at tumugon siya agad sa akin. Pinahiga niya ulit ako sa kama kaya nasa ibabaw ko na siya.

Humiwalay na ko sa kanya. "Hindi ko na nga gagawin iyon dahil 'di ko kaya mawala ka sa akin. Basta huwag mong sirain ang pinangako mo sa akin kagabi."

Hinalikan niya ako sa noo. "Thank you, Thea. I love you."

Ngumiti ako sa kanya pero napatingin ako sa sugat niya sa kamao. "Pwede bang umalis ka na diyan sa ibabaw ko? Para magamot ko yung sugat mo sa kamao mo."

Tiningnan niya ang kamao niya. "Oh, this is nothing."

"Huwag na matigas ang ulo, Vixen. Gagamutin ko iyan baka ma-impeksyon pa." Bumangon na ulit ako pagkaalis niya sa ibabaw ko pero doon ko naalala naiwan ko nga pala yung mga damit ko sa banyo. Lumingon ako sa kanya. "Um, p-pwede bang makahiram ng damit mo?"

"Sure. Kumuha ka na lang sa cabinet."

Pagkatapos kong magbihis ay humarap ulit ako sa kanya dahil hindi ko alam kung nasaan ang first aid kit nila.

"Saan yung first aid kit niyo dito?"

"Hindi ko alam kung nasaan. Tanungin mo na lang si manang Ada kung nasaan yung first aid kit."

No choice na ako kaya lumabas na ko ng kwarto niya para tanungin si manang Ada kung nasaan ang first aid kit nila.

Nakita ko si manang Ada nasa kusina habang nagluluto ng agahan nila kaya nilapitan ko na ang matanda.

"Um, manang..."

Lumingon sa akin ang matanda. "Oh, Thea, may kailangan ka ba?"

"Gusto ko po itanong sa inyo kung nasaan yung first aid kit? Gagamutin ko po yung sugat ni Vixen."

"Teka, kukunin ko lang yung first aid." Inabot niya sa akin ang hawak niyang spatula.

Binabantayan ko ang niluluto ni manang Ada habang kinukuha niya ang first aid kit.

"Manang, what's for breakfast?" Rinig ko ang boses ni Dale kaya lumingon ako sa kanya at nagulat siya pagkakita sa akin. "Tita Thea? Nasaan po si manang Ada?"

"Kinukuha yung first aid kit."

"Ahh... Hindi ko po alam na dito kayo natulog kagabi."

Ngumiti ako sa kanya. "Hindi ko kasi magawang iwanan ang daddy mo kagabi."

"Mabuti naman po okay na kayo ni dad ngayon."

"Paano mo nalaman na hindi kami okay?" Tanong ko. Di naman siguro sinabi ni Vixen sa kanila na galit ako sa kanya kahapon, 'no?"

"Hindi po kasi uuwing lasing si dad kahit may problema siya. First time rin pong magwala si dad at umuwing lasing. Kaya po naisip kong hindi kayo okay."

Hindi na ko sumagot ng bumalik na si manang Ada na dala ang first aid kit kaya bumalik na ulit ako sa kwarto ni Vixen at nakita kong nakasuot na rin siya ng damit.

Inalis ko na yung bandage sa kamao niya at sinimulan ko ng gamutin ang sugat niya.

"Ipapalaba ko na muna kaya sa susunod na pagkikita natin doon ko ibabalik ang damit mo." Sabi niya.

Tumingala ako sa kanya saglit. "Di mo naman kailangan gawin iyan. Pwede ko namang ipalaba ang damit ko sa mga maids namin sa bahay pagkauwi ko."

"Huwag na matigas ang ulo, Thea. Ipapalaba ko yung damit ko at saka iyan na lang ang ipalaba mo sa mga maids niyo. Hindi naman ako papayag na umuwi ka sa inyo na–" Diniin ko ang bulak sa sugat niya dahilan napasigaw siya. "Ang sakit! Bakit mo iyon ginawa?"

"Ang bastos mo kasi." Nilagyan ko nang bagong bandage ang kamao niya at tumayo na rin ako saka tumalikod na ko sa kanya. "Ayan, tapos ko ng gamutin ang sugat mo."

"Thank you." Nakangiti niyang sabi sa akin. "Nga pala, may isa pa ko hindi nasabi sayo."

Tumingin ako sa kanya. "Ano 'yon?"

"Noong isang araw nagkita kami ni Alicia."

Hindi na ko nagsalita pang muli at kinagat ko ang ibabang labi ko dahil ito na ang kinakatakutan ko dati pa. Ang bumalik ang ex wife niya.

"I told you that I have no reason to go back to her. You are the only woman I love. The woman I want to be with for the rest of my life. Be the mother of my future children."

Humarap ako sa kanya habang pumapatak ang traydor kong luha. "Naiinis talaga ako sayo dahil palagi mo kong pinapakilig."

"Halika nga dito." Tawag niya sa akin kaya lumapit na ko sa kanya at niyakap. "You are the only one I want be with, because you are my present and my future."

"Tumigil ka na nga. Ang aga-aga grabe ka magpakilig sa akin." Hinawakan ko ang magkabilaang pisngi niya at binigyan ko siya ng mabilis na halik sa labi. "Baba na tayo baka hinihintay na tayo nina manang Ada at Dale."

Hindi nga binibitawan ni Vixen ang kamay ko para mawawala ako sa kanya hanggang sa makarating kami kusina.

"Good morning, dad." Bati ni Dale sa kanya.

"Morning, son." Bati niya rin kay Dale at pinagtulak niya ko ng upuan.

Pagkatapos kumain ng agahan ay naligo na si Vixen dahil hahatid pa niya ako sa amin at sumabay na rin si Dale sa amin sa pagpasok.

"Ano ang pinagusapan niyo ni Alicia?" Tanong ko pagkababa ni Dale sa kotse.

"Kinamusta niya lang si Dale at sinabi ko rin sa kanya na lumaking mabuti at matalinong bata ang anak niya."

"Nothing else?"

"Ano ba ang gusto mong pagusapan namin? Gusto mo bang marinig... Um, Vixen, kung pwede nga lang ibalik ang dati kasi mahal pa rin kita."

"Hindi ba?"

"Silly. Nabanggit ko rin sa kanya na may mahal na kong iba kaya hindi na ko pwedeng bumalik sa kanya kung iyon ang gusto niyang gawin kaya siya nagparamdam ulit sa akin."

Nakahinga na ko ng maluwag at ngumiti sa kanya. "Hindi na ko matatakot sa pwedeng mangyari dahil alam ko na ako talaga ang mahal mo."

"Of course, you are the only woman I love."