Heart of Leona[completed]

Part-20

[Unicode]
အချိန်အနည်းငယ်ကြာပြီးနောက် Blue Falcon ယာဥ်ပျံဆိုက်ရောက်လာခဲ့သည်။
တစ်ယောက်တည်းအလုပ်များနေတဲ့ ရိန်းရဲ့ ဘေးကို လူတစ်ယောက်လာရပ်၏။

ပြင်းရှသည့် စတော်ဘယ်ရီစီးကရက်အနံ့ကြောင့် ရိန်း မျက်မှောင်ကြုံ့ကာ ထိုလူအားမော့ကြည့်လိုက် သည်။
ခေါင်းမော့လိုက်သည်နှင့် သူ့အားစိုက်ကြည့်နေသည့် ခဲရောင်မျက်ဝန်းတစ်စုံနှင့် အကြည့်ချင်းဆုံလေ၏။

ထိုသူ့မျက်လုံးတွေက အဖြူလည်းမဟုတ် အနက်လည်းမဟုတ် ခဲရောင်သာ ဖြစ်သည်။
ထိုသူ့တွင် နဖူးအထက်ဝဲကျနေသည့် ငွေရောင်ဆံနွယ်များ ရှိသည်။

ရိန်း ကတော့ မျက်မှောင်ကြုံ့အားထိုသူ့အား စိုက်ကြည့်နေဆဲ။
'ဒီလူကဘာကိစ္စပြုံးနေတာလဲ'

ရင်ဘတ်ပေါ်က အပြာရောင်ခရစ်စတယ် သိမ်းငှက်သင်္ကေတတံဆိပ်အား တစ်ချက်ကြည့်လိုက်သည်။

"ကိုယ့်နာမည်က Vincent Roland ၊ ရိုလန် လို့ခေါ်လို့ရတယ်"

"Leona Lorraine"

ရိန်းမှာ လိုရင်းတိုရှင်းသာပြောပြီး အပိုစကား မဆိုပေ။

"ကိုယ်သိသလောက်တော့ Leonaတွေက ဆံပင်အနီရောင်ရှိတာပါ၊ မင်းကျဘာလို့ အပန်းရောင်လဲ"

တွေ့တွေ့ချင်းသိပ်အချိုးမပြေလှသည့် ထိုသူအား ရိန်းစိတ်ထဲ အမှတ်လျှော့လိုက်သည်။

"ငါကLeonaမစစ်ဘူးလို့ပြောချင်တာလား"

"အာ အဲ့လိုမဟုတ်ပါဘူး မင်းဆံပင်က အရမ်းလှတယ်"

ရိန်း ကြောင်အ သွားသည်။
'ဒီလူက ဘာစကားတွေလာပြောနေတာလဲ'

"သွားရအောင် မင်းတို့ကိုစောင့်နေတာနဲ့ နောက်ကျနေပြီ"

"အင်း သွားကြတာပေါ့"

ရိန်း၏ စကားဆုံးသည်နှင့် Black Wolfရော Blue Falconပါ ယာဥ်ပျံပေါ်တွင် နေရာယူလိုက် ကာ အသူရာချောက်ဆီသို့ ဦးတည်သွားတော့သည်။

ယာဥ်ပျံပေါ်ရောက်‌တော့ အယ်လ်ဗင်မှာ သူနှင့်ရွယ်တူ ကောင်လေးတစ်ယောက်နှင့် စကားပြောနေသည်။

"ဟေ့ ရိန်း"

လက်ပြကာ ခေါ်နေသည့် အယ်လ်ဗင် အနားသို့ သွားလိုက်သည်။