YOU ARE READING

General Fiction

Myanmar x Normal (Unicode+Zawgyi) 🌸Owncreation🌸 Total: 44 parts + 7 extra This story is just my imagination. Male Alpha x Female Alpha

Part-35

197 22 0

by HanYuThwin

by HanYuThwin

[Unicode]
သူတို့အိမ်ကထွက်သည့်အချိန်က မနက်4နာရီ။
ဒီအချိန်လောက်ထွက်မှ ည‌ပိုင်းလောက်ရောက်မည် ဖြစ်သည်။

"ဘေဘီ အိပ်ချင်ရင် ပြန်အိပ်လေ"

ရိန်းက ထိုင်ခုံပေါ်တွင် ခေါင်းအုံးချပြီး စောင်ပါးလေး တစ်ထည်ပါ ခြုံလိုက်သည်။

" နေ့လယ်စာ စားချိန်ကျ နှိုးဦး"

"အိုခေဗျာ"

ရိုလန်က ရိန်းကို တစ်ချက်လှမ်းကြည့်ကာ ပြုံးလိုက်သည်။
အိမ်ကလူတွေ သဘောမကျလည်း ဘာအရေးလဲ။
သူ့ဇနီးလေးကို သူသဘောကျရင် ရပြီ။

နေ့လယ်စာစားချိန်ထိ ရိန်းက အိပ်ပြီးလိုက်ပါလာသည်။

"ဘေဘီ ထတော့ နေ့လယ်စာစားမယ်"

"အမ်း အွန်း..."

ရိန်းက မျက်လုံးကိုပွတ်ကာ အိပ်ချင်မူးတူးဖြင့်ထလာ သည်။

"ဘယ်နေရာရောက်နေပြီလဲ"

"အခုက အနောက်ပင်လယ်ကိုဖြတ်နေတာ"

"သြော်..."

ရိန်းက ရိုလန်ကမ်းပေးလာသည့် မုန့်နှင့်အသီးဖျော်ရည်ကိုယူလိုက်သည်။
ရိန်းတို့ယာဥ်ပျံက ပင်လယ်ပြင်ပေါ်တွင် ခပ်နိမ့်နိမ့် ပျံသန်းနေတာဖြစ်သည်။

"ဘေဘီ ဟိုမှာကြည့်"

ရိုလန်ပြသည့်နေရာကို လှမ်းကြည့်လိုက်တော့ ရိန်း အံ့အားသင့်သွားသည်။

"ပင်လယ်ဓားပြတွေလား"

ပင်လယ်ဓားပြသင်္ဘောက အင်ပါယာရေပိုင်နက်နှင့် ဝေးရာဆီသို့ ဦးတည်ကာ တစ်ခုခုထံမှ ရှောင်ပြေးနေသည့်ပုံပင်။

"သူတို့ ပြေးနေကြတာလား"

ပင်လယ်ဓားပြတွေကို တော်ရုံတွေ့ရလေ့ မရှိပေမယ့် အခုက အင်ပါယာ၏ရေပိုင်နက်ထဲ အထိ ကျူးကျော်လာကြခြင်းဖြစ်သည်။

ရိန်းနှင့်ရိုလန်တို့ ကြည့်နေတုန်းမှာပဲ အနီရင့်ရောင် စစ်သင်္ဘောကြီးတစ်စင်းရောက်လာပြီး ပင်လယ်ဓားပြသင်္ဘောအား စတင်ပစ်ခတ်တော့သည်။

"အဲ့ဒါ ငါးမန်းနီပဲ"

ရိုလန်က ပြောလိုက်ခြင်းဖြစ်သည်။
ရိန်းက ခေါင်းငြိမ့်လိုက်ကာ စားလက်စမုန့်ကို ဆက်စားနေသည်။