Heart of Leona[completed]

Part-41

[Unicode]
အပြင်၌ ကားသံများကြားသောကြောင့် ရိန်း အကာအကွယ်ပြုကာ အပြင်သို့ ကြည့်လိုက်သည်။ မီးခိုရောင်သံချပ်ကာကားများက Blue Falcon တပ်စခန်းရှေ့အရောက်တွင်ရပ်လိုက်သည်။

ကားထဲမှ မီးခိုးရောင် စစ်ဆင်ရေး ဝတ်စုံနှင့် လူတစ်ယောက်ထွက်လာပြီး ပတ်ဝန်းကျင်ကိုအကဲခတ်နေသည်။
ထိုသူ၏ ရင်ဘတ်တွင် ချိတ်ဆွဲထားသည့် အဖြူရောင် ခြင်္သေ့သင်္ကေတ ခရစ်စတယ်ကြောင့် ရိန်းအံ့သြသွားမိသည်။

ထိုသူက ရိန်းအားတွေ့သွားကာ အနားသို့လျှောက်လာ၏။ မျက်နှာပေါ်မှ မက်စ်အား ချွတ်လိုက်ပြီး ရိန်းကိုပြုံးပြလာသည်။
ထိုသူ၏မျက်နှာအားကြည့်ကာ ရိန်း အံ့သြနေမိပြန်၏။
ထိုသူ့တွင် ပန်းရောင် အနည်းငယ်ရောနေသည့် အနီရောင်ဆံနွယ်များရှိသည်။ မျက်နှာကလည်း ရိန်းနှင့်အတော်လေးဆင်တူ၏။
မတူတာတစ်ခုက ထိုသူ၏မျက်လုံးများက ပယင်းရောင် တောက်နေခြင်းပင်။

"မင်းဘာလို့ငါ့ကို‌ဒီလောက်ကြည့်နေတာလဲ လီယိုနာလော်ရိန်း"

"မင်းကဘယ်သူလဲ"

"ငါ့နာမည်က Leona Lorrinn၊ လေညှင်းတောင်ကြားကို မင်းတစ်ယောက်တည်း ထွက်သွားတယ်ကြားလို့ အဘိုးကငါ့ကိုလွှတ်လိုက်တာ၊ ပြီးတော့... ငါကမင်းရဲ့အမြွှာအစ်ကိုပဲ ညီမလေး"

ရိန်းခေတ္တမျှငြိမ်သက်သွားပြီးမှ အလန့်တကြားထအော်လိုက်၏။

"ဘာ...."

"အံ့သြသွားလား"

ထိုစဥ် အဲလက်စ်က ဝံပုလွေတစ်အုပ်ဖြင့် ရောက်ချလာ၏။
အဲလက်စ်က ရင်းကိုမြင်တော့ ထအော်ပြန်၏။

"Oh Shit!! မင်းတို့ဘာလို့ ဒီလောက်တူနေရတာလဲ"

"သူပြောတာတော့ ငါ့အမြွှာအစ်ကိုတဲ့"

ရင်းကအဲလက်စ်ကိုလက်ပြလိုက်ပြီး။

"ဟယ်လို"

အဲလက်စ်ကတော့ ခွဲမရအောင်တူသည့် ထိုနှစ်ယောက်အားကြည့်ကာ အမြွှာဖြစ်ကြောင်း သံသယဖြစ်ဖွယ်ပင်မရှိတော့ပေ။

ထိုအချိန်မှာပဲ တပ်စခန်းကနေ လှမ်းမြင်နေရသည့် ပင်လယ်ဘက်မှ အနီရင့်ရောင် ရေငုပ်သင်္ဘောတစ်စီးပေါ်လာသည်။
‌လူတစ်ယောက်က ရေငုပ်သင်္ဘောအတွင်းမှ ခုန်ထွက်လာကာ ရိန်းတို့ဆီအပြေးရောက်လာသည်။
ရိန်း ထိုသူအားကြည့်ကာ။