قلوب سرقها الحب💔
الحلقه الخامسه
:
:
راشد/حبيبتي صكري توا بعدنفضى نكلمك
انا/باهي سلام وصكرت
ثاني يوم مع الظهر خشيت ع برنامج التنبيه وحطيت صور الفاتحه انا واياه ولماجاء تعشى عندي يومتها ودرته عرض الصور وعدت البرنامج ع تاريخ سنة بمناسبة الفاتحه بحيث لما يطق سنه الساعه 12ظهر ايدير تنبيه بصوت راشد وهو يقولي نحبك يادودي ويبدا عرض الصور وحطيت التلفون وخشيت لماما في المطبخ نساعد فيها..
اليوم الثلاث نرن ع راشد ميردش قعدت ساكنه وببعدها اذكرت كلامه انا في حرب مش فاضي بعد نحصل فرصه نردعليك الاربعاء بطوله مرنش عليا ونرن ميردش نار في قلبي وندعي ياربي امتى يرن
يوم الخميس ميردش دزيتله رساله راشد وعدتني الخميس تروح رد عليا حرام عليك خايفه عليك ورنيت مفش رد الجمعه صليت الفجر معش قدرت نرقد قعدت نرن رن رن بعدها مقفل خلاص قعمزت نبكي لا اكيد في شي شكله منصاب ياربي احميه يارب يحفظه
الساعه 10رنيت ع لميس
انا/الووو
لميس/الو شهد كيف حالك
انا/الحمدلله نسالك لميس راشد روح؟
لميس/لا مروحش وتلفونه مقفل مشغولين عليه ياشهد ماما من امس تبكي
انا/نهرت بالبكا حي عليا في شي حاسه ان في شي لميس/شخصيتها قويه شهد ادعيله ماتتفاولش عليه انا/يارب يكون كويس وصكرت ونهارت بكا.
بابا خش عليا شهدكنك تبكي
انا/بابا راشد له 3 ايام ميردش ع تلفونه ومن امس مقفل وتوكلمت اخته حتى هم مش محصلينه
بابا/خير ان شاء الله صبي نوضي خواتك وامسكي مصحف وادعيله اليوم جمعه تو يرن صدقيني امس في اشتباكات وحايسه عندهم مش فاضي اكيد..
صبيت ونا خلاص مسكت مصحف وقريت قران حطو الغدا قعمزت مسكت الكاشيك ودموعي قعدو شلال العشيه خشت فدوى بساكواتها خلاص مزال اقل من اسبوع ع الفرح جايه بايته..صاح نحن دايرينه ليله وحده بس لازم من الحوسه مانكم غابيين.
بعدها جن عماتي خشن يزغرتن ودرنا قهوة وقعمزنا نهدرزو ولفينا بتاتي وحطو الدبش في الشناطي وغلفنا الباكوات
ماما/عقبالكن يابنات
عميمه سمر رفعت ايديها/ان شاء من بقك لباب السما ههههههه
ماما/مزال فرحك؟
عميمه(سمر)/مزال حل غاية اللي تمشي تمشي قبل الفرح الطب واعر
فدوى(خيتي الكبيره)/حتى خوه خطب صاح؟زعما يطلعوا العرس مع بعضهم؟
سمر/اها معاذ خوه خطب بس منظنش يطلعوا الفرح مع بعضهم عماد قالي شقتنا مزالت تبي.
غاده/عيت من مرات معاذ؟
عميمه سمر/والله ماني عارفه طرابلسيه مش بنغازيه ماما/سبحان الله ع النصيب شن طببه لطرابلس؟
عميمه سمر/علاقه 5 سنين يبيها قبل الثوره عدا طرابلس شغله شور الكهرباء مشعارف كيف تعرف عليها وخطبها
كلنا/ربي يهنيهم
عميمه فريحه/اللي كانت تزلط في الحمص معانابحتت فيا لقتني مستوهه ونخمم حبت تغيرلي جوي صبت قالت نطلق كرعيا تعقدن من القعميز وعدت جابت طاجين وجت تزغرت وبدت تغني/وهضا فرح شهودا قالو والعقبه للي مازالو
صبت بنتها خديجه ترقص وسيبن البنات كلهن اللي في ايديهن وقعدن يصفقن ويغنن معاها
عميمه عبير/هلي ترقص فرحانه يامولاي العقبى لها مااما/ياسلم بوشنه حمرا مانديروا شي الا بامره نجلاء/حوش كبير وفيه ثريا مادابين المينا حيه سمر/طرشق يازيتونا دودي نور عيونا
هدى بنت عمتي فريحه/ياخيمة الافراح دوري لين نتم عقاب فروحي
وكملوها رقيص وغنا وكملنا الحمص وحطينا نتعشو شاي وحليب وسندوتشات
ماما/ترا ياشهد شيلي سندوتشات باتك
عميمه فريحه/لا متشيليلش كلميه يجي يتعشى معانا صبيت لبابا في المربوعه بابا قالتلك عميمه تعال تعشى كان يحكي في التلفون سكتت وصبيت نرجى في يكمل مكالمته عشن ندويله هو كان عاطي الباب بظهره
بابا/كيف حاله يا اشرف؟
اشرف/........
بابا/ياراجل شن تقول؟ تي ششن تقول مات ؟ اشرف.................
بابا/انا لله وانا اليه راجعون وخبط بيده ع الطاوله اناقلبي وقف اشرف سلفي ..من مات؟
بابا/ انا لله وانا اليه راجعون هي اناجاي توا صبر باتك وخوتك انت الكبير وصكر وقعد بابا الله يرحمك ياراشد الله يرحمك ربي يتقبلك شهيد
طبعا اناكنت متسمره في مكاني ومصدومه ومشرعه عيوني وحاطه يدي بكل قوتي ع فمي ومتشنجه منش قادره ندوي صبا بابا بيطلع من المربوعه لقاني وجت عينه في عيني كانو عيونه حمرودموعه يصبن بعد شافني معش مسك روحه وخاف عليا جاني يجري شهد عظم الله اجرك وجا ضمني وظلمت قدامي معش فطنت غبت ع الوعي
بابا/بعد طاحت شهد بين ايديا قعدت نضبح بصوت عالي يا امال ياامال جت امال وخواتي يجرن كنك ياخالد خير ان شاء الله
فريحه/كنها شهد ياخالد
خالد/ راجلها توفى وسمعت خوه وهو يخبر فيا بالوفاه ماما/يانا عليا بنيتي عروس لها كم يوم تبكي تقول حاسه
غاده/ نوضي ياشهد شهد هاتي العطر يانجلاء نجلاء/تبكي هاكي مفش فايده مبتش تنوض سمر/ هضا انهيار عصبي لازم تشيلوها المستشفى بابا/هي لبسنها ع ماولعت السياره
وشمروني وركبت ماما وعماتي والبنات يبكن ولمن الحوسه
بابا/كلم عمي محمد/الوو
عمي/خير ياخالد كيف حالكم هي جاي بايت معاكم بنجو ممبدري غار فاطمه خشن عليها صبايا
بابا/لايامحمد تعالي في ال1200خليك مع شهد وعبير وانا ناخذ فريحه وامال راشد توفى
يتبع..
..#كاتبه_أميمه_اسامة
