قلوب سرقها الحب💔
الحلقه الرابعه والاربعون
"
"
معاذ شد ع يدي زين وركبنا السياره
معاذ برم المسجل حط أغاني ويعدل فيه حطيت يدي ع يده/معاذ ممكن تطفي منحبهنش؟!
معاذ استغرب! متحبش الاغاني؟
انا/منحبهنش نحب الاشعار
معاذ/امالا نزار قباني
انا/اها نسمع لكاظم الساهر ونكتم في الموسيقى معاذ/مقدمك كاظم الساهر
انا/والله صوته سمح واشعاره حلوات
معاذ/ تعرفي مره وحده سمعتله مكلط
انا/حراام عليك
معاذ حسيته تنرفز/كنه هضا حي زعمه يغار
ووصلنا نزلنا قابلنا احمد ولد عمه /اوو معاذ وين مش باين
معاذ/كنت عند انساباتي
احمدويضحك وحط يده ع كتفه تي تعال شوف جدي وهو يركب ع باتي فاتك نص عمرك
معاذ/هههههه تعاي شهد شوفي نوادر جدي
خشينا نا السلام عليكم
كلهم وعليكم السلام وقعدت نسلم
جديده/كيف حالك شهد كيف حالهم هلك عميمه/شخبارك رايفت عليك تعالي جنبي سلم بنيتي سلمى/ماما نا بنقعمز جنبك
نا/ههههه تو ممبدري قاعده جمبك عميمه تو خطرلك وقعمزت جنب عميمه
ساره/ههههههه نغاره سلمى سملا عليا نا محد يقولي تعالي جنبي؟
معاذ/فتح يديه تعالي ساره جنبي متزعلش ساره تضحك وجاته ححطت يدها ع راسه /حرارتك عاليه
معاذ/اام لسان قعد وكتفها من اللي حرارته عاليه اه ويضحك
احمد يبحت في ساره بحب ويضحك حتى هو ساره/معاذ اطلقني
معاذ يضغضغ فيها/ معاذ يابارد تي حول خربتلي محرمتي
معاذ/محرمت شن تي مشعارفه شن مغطي ها الاشرب غار نا داير روحي حول
ساره/ياجدي قوله
جدو يضحك خليه تستاهلي لسانك طويل
نحن/هههههههههه
ساره قريب تبكي/معاذ لنقانك سمطتها اطلقني
معاذ/ قولي قدامهم معش نطول لساني
ساره/ﻷ
معاذ/ جنيتي ع نفسك وشد ع ايديها بالقوه قولي معش نطول لساني
انا/مفطنتش لروحي/معااد حراام عليك اطلقهاا عشااني المره هذاهي
معاذ في نفسه/نعن جدها صوتها يقتل
انا فطنت لروحي خدودي انحمرن وكلهم يضحكو معاذ مش فاطن طلقها/طلقتك ع خاطر شهد ويضحك مع خشة عماد وسمر/السلام عليكم
كلنا/وعليكم السلام
ساره منحرجه منهم ومن احمد اكثر/سخيف طلقتك ع خاطر شهد وتعايب عليه ودمووعها ينزلن معاذ/اس را نجيك ام لسان
ساره ماشيه لدارها منحرجه وتبكي وقفها عماد خذاها في حضنه/ ساره كنك تبكي يبصر معاك الغليظ هظ ساره زادت تبكي
عماد/خزي عليك يا سامط
معاذ يضحك وساره سيبت عمااد وماشيه لدارها صبا معاذ في جرتها بيرضيها شوي طربقت ع وجهه الباب بالمفتاح
عماد يضحك/تستاهلها
جدو/تي قوليلي شن دايره معاه ها السامط هضا انا نضحك
جدو/غار احكي مااتحشميش من جدك شن دايره معاه انا متخزرطه ونضحك
معاذ/باهي ياجدي برمت عليا توا
عماد يدق ع ساره/ياسوسو اطلعي شوفي جدك ياخذلك في حقك
جده/تضحك اها ياطحان نهارك تزعلها اه رد بالك معاذ مطربق ضحك
حليمه/كنك ياعمي مع وليدي معاذ مفش منه
معاذ يطلع في لسانه لعماد
سمر ونا نضحكو
عماد/ماعندي مانقول عد معاذ الكبيده
مفتاح/لنقاانه الكبيده ولا لا ياباتي؟؟
جدو/اييه هابا منه هالكبيده سميي حتى هو
معاذ/قعد يتنطر اووو اووو قهره فيكم قهره في الحساد ويسحن فينا بايديه
عمي وعمتيي يضحكو
جده/هههههه تحشم ياولد اعقل ارزن
جدته/ربي يخليكم كلكم غلاكم مقسم را تزعلو ياعويلتي
عماد جاها حب راسها/لنقاانك صقع يالحنونه
جدته تضحك
احمد/مسكين ناقص حنان دلعه ياجدي حتى هو عماد/يضحك والله نوريك ياأحمد وصبا
احمد يجري وعماد يجري في جرته
مفتاح/الله اكبر الفجر همدو شويه ياعيال ..وصبو كل واحد توضا وعدو الجامع
ساره نست وطلعت بتصلي . انا بنركب منصلش سمر/صار خساره اللبسه..بهدلني دادي شن درت في روحي بس
ساره تضحك/وين كنتي ياشهد؟
شهد/عدينا المول شرينا شويه واسحرنا
ساره/اوووه باهي المهم انطلق
سمر/عد كنه ما ينطلق شهر لكم متزوجين مش شرط تاخذيه ع علاقه(سمر تعقدت متبينش نحكي ع معاذ لاخته تحفظ يعني متندرش ع حياتي نا ومعاذ)
عماد/سمر سموورتي وينك؟
ساره/اطلعيلي الغلا المطرطش هضا سحنتوني بالحب بتاعكم راعو شعوري وتدوي بايديها
سمر/ههههههه يامينتي عليك عدي اضبطي مخده وارقدي
ساره/بايخه خزي
سمر/هههههه حي عندنا جامعه را
نا/حي عليا امتى بنرقد وامتى بنطيب وامتى بنمشي عماد يضبح من روشن دار النوم/تي اركبي اركبي معش قدرت نحل عيوني ياهمي
باته/عماد ياغبي حسك ع الجيران
سمر/هههههه ركبت تجري
ساره/باهي احكيلي بسرعه شن صار؟
قعدت نحكيلها..بعدها خش معاذ/ لوكلك لوك مبطلتنش قرمه في من تقرمن؟
انا/حي عليا را يكون سمعني وجهي تغير
ساره برمت وجهها عليه/عدي ارقد نحن بنهدرزو
معاذ/حي حي متقوليش مزلتي زعلانه مني؟
ساره فاتاته جا اضبطها/اسف ياسوسو والله نبصر تزعليش مني
ساره/حول
معاذ/تي وين تلقيها خيك يضبطك ويتأسفلك؟ تي عليك تكبر وااو
ساره ضحكت
معاذ/تي باهي اللي ضحكتي حب راسها خيتي الدلوعه غاليه عليا يا ام لسان
سلمى خشت عليهم/حايسين فيها تضبيط من ورايا نحن نضحكو
معاذ/تزعلش اضبطها وحب ع راسها
باته خش/تي اركب ارقد هيا..بحت لقاه مضبط سلمى/حفلة تضبيط شكلها الصبح طلع
معاذ/تزعلش ياباتي حتى انت نضبطك واضبطه باته/هههههه هبل عدي خوذ مرتك واركب بعدها محوتك تمشو لشغلكم
معاذ/تي باهي ياباتي
نحن/ههههههه
معاذ/محدش يقول مضبطتش ها وتما يبرم وفاتح ايديه
ساره تضحك/وكنها شهد بنت البطه السودا كلنا اضبطتنا الا هي؟
معاذ/هيا شهوده مفطنتش لروحي الا ونا في حضنه وهما يضحكو
انا/منحرجه متخزرطه ودايخه من بنة عطره وهو طويل عريض ومضبطني بقوة واستحلاها انا لحظة سكون سلمى/خلاص فطست البنت ساره مطربقه ضحك ونا نسب فيها
امه/تي مش ناويين ترقدو انتو وتضحك ..
طلقني ونا وجهي ميتفسرش نحس في الوطا تنشق وبنطيح ومغبشه قدامي ظلام واللي حواليا كيف الضوايا كيف تصوير الرسوم نسمع في ضحكهم
معاذ/متزعلش ياامي تو نضبطك واضبطها
باته/تي انت شن فاطر اليوم
معاذ/اسال شهد فطرت عند هلها
باته/انا بنرقد مع السلامه
امه/تحب فيه ع راسه سلم وليدي ربي يخليك ليا ساره/اسملا ع عماد مسيكين ضبح لمراته حصل هزيبه نحن/ههههههه
معاذ/هياشهد خلينا نركبو ساره ناويه تطرشقني بعين مسكني من يدي هيا؟
ساره ترقصلي في حواجبها ونا متخزرطه ونتوعد فيها وركبنا
خشينا الشقه
معاذ/اه نعسااان
انا/بككل اشر منك
معاذ/اتكى في داره وعيونه يغمضن بروحهن نوضيني ع الظهر باهي ورقد..قعدت مصبيه حاجه 5 دقايق ونبحت فيه حبيته تعلقت بيه بشكل مشعارفه نوصف احاسيسي وبعدها غطيته ببطانية المكيف وطفيت الضي وطلعت خشيت داري غيرت اللبسه الفضيعه ورقدت
....
....
يتبع
#كاتبه_أميمه_اسامة
