قلوب سرقهاالحب💔
الحلقه السادسه والستون
"
"
ريان بعدطلعت من عزلتها قالت لبوها انها فسخة خطبتها من سيف
باتها/لاحول ولاقوة الابالله..عليش؟
ريان/خلاص يابابا مفش نصيب وتفاهمت معاه
بوها شاط/كيف تتخذي قرار كيف هضا بدون ماتشاوريني.. العتب ع امك مدلعتك وطالقتك طولك طول عصاتك ليش ماشاورتيني قبل
ريان/معش نبيه وهو كذلك خلاص خلوني في حالي معش بنزوج
بوها/تعلمي كيف تدوي بأدب معايا تو نوريك نكلملك ناصر يعرف دواك وحطي مفاتيح السياره هن معش في سواقه كنتي مطلقه وتوا انخطبتي وفسختي شن يقولو علينا الناس
ريان خشت دارها تبكي
...........
أنا قعدت نشهق ونبكي والبنات ساكتات، بعدها رن عليا مسحت دموعي ورديت/الوو
معاذ وهو يهزب/ وين قميصي الكحلي؟
نا/محدد ومعلق في دولاب دار المعيشه
معاذ بنفهم كنك معايا؟
معاذ/خاطيني انا اكره ما ع دين امي الكذب
انا/فيش كذبت عليك؟
معاذ/كذابه ومنافقه
انا نشهق..
راقده معايا وع فراشي وتلخبطي في اسمي
نا/معاذ حرام عليك والله ماهكي
معاذ/صكري فمك معش تحلفي وصكر عليا
أنا مصدومه ونرعش خايفه من معاذ بعد يعصب ينجن نتوقعه يخش يضربني قدامهم بعد الللي داره اليوم عزقت الفون ع طول يدي لين انحل من بعضه ستر ربي ان ماادششش
وقعمزت في الوطا ضميت كرعيا لصدري وقعدت نبكي بهستيريا
سمر تبكي..ساره/معاذ انجن
سمر قعمزت جنبي/دودي خلاص الله يربحك متديرش في روحك هكي تو يفطن لروحه بعد يهدا..
انا/خلوني نركب سيبيني بالله عليكن
ساره/شهد ردي بالك تركبي وهو حامق..تي منكلب هضا
سمر/احكي شن صاير بينكم شكله موضوع
نا/والله مجنون مفش شي كنت نحلم براشد
سلمى/من راشد؟
نا/خطيبي وكان قاري فاتحتي توفى الله يرحمه ..في الحلم قعدت نبكي ومدلي مفتاح ونا كنت نضبحلها ونبي نشيله هوا اختفى كنت نضبحله ونبكي وهو نوضني ونا مزلت ندوي سمع راشد يحسابني ملخبطه في اسمه
ساره/مجنوون
سمر مازلن عوايدك تحلمي وتحكي بالصوت العالي
نا/شن ندير حلمه مش بيدي
نا نبكي ومسكت راسي/ اه صدااع
سمر/من البكا راسك تو نعطيك بندول
عمتي دقت وفتحت الباب..نا قعدت نمسح في دموعي
عمتي/سلمى تعالي حطي العشاء معايا
طلعت سلمى
عميمه/هي تعالو تعشو وطلعت
نا/يا بنات بالله عليكن اطلقني نركب منبش انكد عليكم ..عارفات دموعي مش حيوقفن مفش داعي عمي وعمتي يعرفو
ساره/تحسابي امي مش فاطنه هيا اللي دزتنا وراك بعد جيتي بتركبي
نا/عليك فضيحه و(في عقلي:مقدرتش تكتم في قلبك يامعاذ لين نبقو بروحنا)قعدت نمسح في دموعي وصقمت اشربي
وطلعت مع البنات وحطو العشاء وجاملتهم بفمين عميمه/كولي ياشهد
نا/شبعانه ياعميمه سلم يديك
عمتي مبتش تزر عليا/ سلمك
خشينا نغسلو في الموعين والبنات يهدرزن ونا نمسح في الموعين ومستوهه
سمر/الجو سمح يابنات خلونا نشربوا نسكافي في الارتداد.. وقعمزنا ع أحواض الزرع نشربو والبنات يحاولن يغيرنلي جوي معاذ روح وركب الشقه ملقانش قعد يبرم وبعدها سمع صوت هدريزنا فتح الروشن/ متبوش ترقدو..خلوني نرقد؟
نا صبيت خذيت السفره وخشيت بيها للمطبخ
وقعد نغسل في الفناجين
ساره/هيا خاشين تو نهدرزو في دارنا بس خليلنا شهد نبوها تسهر معانا..
مع خشت عمتي للمطبخ جايبه سفرة الشاهي
معاذ/خوذوها تديرو فيا خير
عمتي حمقت/معاااذ خزي عليك يامعفن شهد بايته عندي رد بالك تنزللها ولاتجي شورها.. معاذ سكر باب الروشن بالقوة وخش
أنا انحرجت ع الاخر حسيت روحي مانسوى شي عنده رديت نبكي
ساره/فوتيه ياشهد هضا معاذ بعد ترقاله من حد يكرهه في روحه
انا حضنت ساره وقعدت نبكي منش قادره نمسك روحي مهزلني قدام هله بما فيه الكفايه
عمتي/اطلعن يابنات نبي شهد بروحها
طلعن البنات وعمتي سكرت الباب وجتني صكرت الشيشمه /تعالي قعمزي شهد
قعمزت ونا نشهق ونمسح في دموعي وهنا يصبن ميبنش يوقفن
عمتي/كنه معاذ؟شن صاير بينكم
بحتت في عمتي ومحوتك ندوي من البكا والله ياعميمه شي تافه حلمه ونا بعد نحلم ندوي بالصوت العالي وكاين يلايا وينوض فيا سمع اسم غير اسمه..يحسابني لخبطت في اسمه..وزدت نبكي شك فيا..
والله ياعميمه كنت نحلم مش كيف مافهمها اني حاطه حد في بالي لين نلخبط في اسمه والله صدقيني
عمتي تمسحلي في دموعي/مصدقتك بنيتي متعدلش عليه غبي ولدي هضا..خساره عمره..كلا عقله صغير
فوتيه وباتي هنا خلي عشن يعرف يوزن كلامه مره اخرى
نا/عميمه عمي شن يقول؟
عميمه/انا وعمك عندنا معاه كلام
نا/عميمه مفش داعي عمو يعرف نتحشم منه
عمتي/انا اللي منحبهش لبناتي منحبهش لبنات الناس
نا سكتت
عمتي اغسلي وجهك وغيري جوك خشي غيري دبشك ألبسي من البنات
.............
خشيت غيرت دبشي وخشيت سرير ساره وتغطيت بالبطانيه
ساره كاينه في الروشن تراقب في احمد كاين برا وخاش للحوش/يهبل ستايله اليوم انظر وين كان؟
سلمى/ترا نشوفه
احمد فطنلهن ضحك
ساره تحشمت وخشت/ فطنلي ياسخيفه وانتي ترهمسي
سلمى/عادي خطيبي سمر مقعمزة يلايا و تمسحلي ع شعري ونا دموعي يصبن
عماد برا/ سمر يا سمر
سمرصبت فتحت الباب/ نعم.
عماد/هيا نركبو
سمر/هي شويه
خشت سمر مسحتلي دموعي وحبت ع راسي/دودي انا بنركب توا نرن عليك شويه اخرى..نا هزيت راسي وطلعت سمر
...
ساره ماسكه التلفون وتبحت فيه/حي عليا يرن
نا قفزت/من هو؟
ساره/احمد
نا/ردي عليه شن فيها
سلمى/مو ديما يرن عليك لما يبي حاجه
ساره/هضا قبل الخطبه ...كملت الرنه. وعاود رن اخرى
ساره/ألوو
أحمد/هلا بحبيبتي كيف حالك سوسو
ساره/.....
أحمد/ساره وينك
ساره/اي..وه قاعده
احمد/قاعده في قلبي.. نحبك ياسوسو
ساره وجهها تلون بجميع الالوان والاحراجات
احمد/ههه تحشمتي معلش مرايف ع صوتك محمطتيني بش رديتي عليا
ساره اطربقت ضحك
أحمد/دوم الضحك ياعمري
ساره متحشمه/أحمد بنصكر ماما تدق ع الباب
احمد/باهي سوسو صكري تصبحي ع خير
ساره/وانت من اهله وصكرت
وحطت ايديها ع خدوده ساخنات وحمر/اوووه عليا نا.. عسسل يقطر
سلمى/كنه وجههه
انا ضحكت غصبا عني
ساره/رومانسيه قاتله ذبت نا
نا وسلمى/ههههههه
نا صبيت/عطيني فراش ساره
ساره/خليكي شهد سريري كبير نرقد نا واياك مع بعضننا عادي؟
نا/عادي باه
خشت ساره جنبي شوي عطيتها بالظهر وفي دقايق رقدت
..............
معاذ كاين تقول محطوط ع فرنيلو و شايط
معصب واجعه ان هو حب شهد من قلبه وهي مزالت متعلقه براشد
(غبي..الواحد المفروض بعد يعصب مايدوش ويهدي نفسه وبعدين يبدا يتفهم ويوزن الامور لكن للاسف معاذ عصبي بعد ترقاله يشيط ويقول كلام يهدن جبال و ميعرفش يهدي الابعد ايش وايش)
يسمع في الباب يدق بحت في الساعه لقاها 12/من اللي يدق توا.. يارب ماتكون شهد منبش ندير شي نندم عليه..ومشى فتح الباب/أمي!
امه خشت وصكرت الباب /شن التصرفات الصبيانيه اللي تدير فيهن يامعاذ
معاذ/امي كنك؟
تستعبطش عليا يامعاذ انت فاهم نا عليش ندوي
معاذ/تستاهل
-أسمع يامعاذ اللي منحبش لبناتي منحبش لبنات الناس..ترى اختك راجلها يعاملها هكي
معاذ/.......
-ترضى يهينها قدام هله؟
معاذ/انتي منكش فاهمه الاسباب ياامي
-فاهمه حكتلي شهد
معاذ/حكتلك
-مفش شي يستدعي انها تدس..للاسف مكنتش نتوقع عقلك هكي ..
هذه اسمها غيره مذمومه البنت كانت تحلم حتى كان غرت مش هكي يكون تصرفك
معاذ/ياامي مهيش قادره تنساه شن اتوقعي مني؟
-من هو قصدك راجلها قبل
معاذ رقتله وعرف ان شهد ماحكتش التفاصيل وهو اللي زلق
-راجلها يكون انك قلتها مش راجل غريب وميت عليش تكبير الشطحه؟
معاذ......
-شوف يامعاذ لو مانكش متقبلها خلاص 9شهور لكم مع بعضكم كافيات ردها لهلها بكرامتها متهينهش ومتقللش من قدرها..
هضا مش اول موقف تديره..المره اللي فاتت ضربتها حكالي باتك واليوم مسحت بكرامتها الارض
معاذ/ياامي قهرتني
-امه بعصبيه معااذ هنا كلمتين كان متبيهش مش متقبلها بنلملها دبشها كله توا ونشيلها بكره الصبح لهلها
معاذ......
-رد نلملها دبشها؟
معاذ مسح ع وجهه بيده وقعمز/نحبها ياامي من غيرتي والله
-تنهدت بارتياح.. هضا اسمه غباء مش غيره
ضيعت القدر والاحترام اللي بينكم
معاذ موطي راسه
-شهد حتبقى عندي لين ترضى هيا رد بالك تضايقها بكلمه ولانظره..
معاذ/امي لا
-بعد تحترمها تركب شقتها وعطيني دبشها بتاع الجامعه وشنطتها عشن باتك يشيلها بكره
معاذ/متكبريهش ياامي
-بعصبيه انت اللي كبرتها وخليت الحوش كله يشهد عليكم مش عاجبك تصرفي عدي تفاهم مع باتك
هات حاجتها
معاذ كيف العيل الطيب طلع دبش الجامعه والشنطه وكم لبسه لشهد
امه خذتهن ونزلت
..............
سمر تبكي/معقوله اللي داره خوك اليوم
انا نصدمت متوقعتهش منه
عماد/غبي معاذ هضا والله نوريه عليها خلاص حبيبتي مترعشش روحك
سمر/بنت خويا منتحملش نشوفها هكي
عماد/حبيبتي خلاص تريحي معش تبكي مش كويس عليك الزعل..
ورقدها في حضنه
............
نسيتو بلقيس ووعدها لمعتز؟؟
بلقيس/اهلين معتز شن الجو؟
معتز/100% وينك معش جيتينا؟
بلقيس/أيمن(راجلها)مسافر تونجي نقعد عندكم.. اسمع بنديرلك عزومه ع الشغله اللي درتها لم اصحابك
معتز/من جدك بلقيس ؟
بلقيس/والله..ع شن بتعزمهم
معت /ع حسب ميزانيتي
بلقيس/يالهبل العزومه مني نا..قولي شن رايك؟ نعطيك حق حولي ونديرلك سلاطات وتمشي تزرد
معتز/لا واجد عليك يابيسه كنك انتي
بيسه مشت طلعتله ظرف/امسك هضا حق الحولي ومشروب وعصاير..نسق امتى بتمشي وقولي عشن وقت الزرده تجي تاخذهم مني وانت طالع
معتز/سلم خيتي اجعني مانفقدك
بلقيس/ولانفقدك
معتز/باهي تروحي معايا توا؟
بلقيس/لاعندي حوسه في الحوش تعالي في اليل
معتز/تم متوصيش ع شي
بلقيس/سلامتك
..............
سيف جاب مصروف للعيال وشالهم لفدوى و فضا الحوش كله في دار وحده ووصى تامر ع الزواق واسقد تركيا
...............
ساره/شهد نوضي وتي روحك هيا باتي يحطك الجامعه وهو شايلنا
نا قفزت ونسيت اللي صار امس/وين معاذ؟
ساره تضحك..قعدت نضحك/نسيت اني بتت هنا
لبسنا وطلعنا بعد وصلت
عمي/شهد امتى تروحي؟
-ال 1وونص
عمي/تمام رني عليا
نا/تمام ونزلت
ومشى اليوم روحت وقعدت يلا البنات كنا نتغدو في المطبخ خش معاذ/السلام عليكم وكر كرسي وجا
بيقعمز
عمي/معاذ تغذا في شقتك..وصبت عمتي غرفتله
معاذ/لاشكرا معش نبي وركب
انا واطيت راسي وقعدت نجامل لين صبى عمي وعمتي
ساره/هههههه والله خذولك حقك
سلمى/تزليطه
نا بصوت واطي/يستاهل بعد خش عمي قيل ونحن غسلنا الموعين وخشينا سلمى رقدت وساره رن عليها احمد ونا قعمزت مستوهه ونفكر في معاذ ساره/اللي واخذ عقلك يتهنى بيه
بحتت فيها وضحكت/بنرقد نعسانه واتكيت
..............
علي/ها شن قلتي ع الفرح؟
غاده/معندش مشكله دير يوم تعال تفاهم مع بابا
علي/واخيرا..تو بكره لنجي ندوي لعمي بس لازم نشوفك
غاده/باهي تعال اكيده حتشوفني
علي/لانشوفك قبل لايطلعلي عمي بعدها ناخذش راحتي
غاده/باهي ان شاء الله
..............
العشيه نا/وين عميمه؟
ساره/ماشيه لجارتنا نعيمه
نا/باهي راسي بنصبي ندير قهوة
ساره وهي تحكي مع احمد/اطلعي ديري شهد ونا ديريلي نسكافي
نا/تعالي يلايا في المطبخ وانتي تهدرزي
ساره/ياسلام وكان نتلاقى مع باتي
نا/اييه منك وكنت لابسه سروال وقميص ع الركبه من ساره طلعت للمطبخ وحطيت القهوه وبرمت ع الثلاجه نطلع في الحليب خش معاذ
.....
.....
.....
يتبع
#كاتبه_أميمه_اسامة
