قلوب سرقها الحب💔
الحلقه العاشره
:
:
بس را في هذه نصبي معاك بس مره اخرى منقدرش حاولي تطلعي من الجو اللي دايرتيه وتبدي حياة جديده انا/باهي تعال انت خش معايا
عمو /حاضر تو نجي نتغدى عندكم بكره ونقوله خليني نا نخش معاها بس افرديها
انا/ههههه ربي يخليك ليا عمو
عمو/ايوا اضحكي هي نتلاقوا بكره
انا/ان شاء الله وصكرت
عند هاجر و معاذ
طالع مع اصحابه نزلت لعمتها تهدرز وطبعا عمها وعمتها وجد معاذ وجدته فرحانين بيها بيطيروا
حليمه/كيف حالك يابنيتي شن دايره مع الوحم؟ هاجر/اهو ماشي حالي ياعميمه بارك الله فيكم انتو ماقصرتوا ومعاذ كذلك
ساره/مرات خيي العسل كيف حالك؟
هاجر/تسلمي ياسوسو وينك معد ركبتي هدرزتي انتي وسلمى؟
ساره/منبش نقطع عليكم الرومانسيه بتاعكم هاجر/وجهها انحمر خزي عليك يابايخه
ساره/ههههه تخزرطتي
وقعدو يهدرزو لين روح معاذ خش اوو شن الجو ياغاليه وحب ع راس امه وجا حب ع راس باته واحب راس ويد جدته وجده شنو عشاكم؟
امه حطينا ع جاري هاجر تحبه خش عماد اووو معاذ هنا هو ومرته سلم ع هاجر كيف حالك ياهاجر
هاجر/الحمدلله بخير
و قعمزوا يهدرز وتعشو مقطع بالقديد حار وركبوا وروح كل واحد شقته
انا نضت ثاني يوم عديت الجامعه انا وغاده خشت غاده تدور ع علي/صباح الخير
علي/صباح النوركيف حالك؟
غاده/الحمد لله
انا/السلام عليكم
علي وعليكم السلام وعديت
علي/كنها اختك؟
غاده/فوتها مضايقه شويه
علي/غاده بعد تكملي بعدين نبيك في موضوع نتلاقوا في الكفتيريا
غاده/ان شاء الله وعدا كل واحد لمحاضرته
بعد كملنا طلعت غاده للكفتيريا وقعمزت مع علي لقاته طالبلها قهوة
غاده/هلا علي شن في معرفتش نركز نفكر فيش تبيني.
على/خيران شاء الله بنحكي خليني نحكي ومتعصبيش كيف شهد
غاده/نسمع فيك
على/انا عجبني لبسكن وادبكن وعجبني باتك وسالت ع عيلتكم الناس تشكر فيكم نبي نخطب
غاده/والله ياعلي شهد م...
قاطعها علي انا مكنتش نعرف انها مخطوبه كمهضاما حكتش معاها انا بنخطبك انتي&
غاده/ازلطت ووجهي قعد الوان الوان سكتت علي/وامي وباتي الله يرحمهم وعندي 3خوت متزوجين وخواتي الاثنين متزوجين ووحده كبيره قاعده مش متزوجه ونا شريت شقه ونرجى في مبلغ جايني بنصينها انا عارفك مش بتاع علاقات فكري في الموضوع وكانك موافقه حنجي نخطبك دغري هي نا ماشي وصبا طلع وعمتك غاده منستها ومقعمزه حاطه يدهاع خدها لين رن موبايلها ردت
انا/غاده تي وينك ممبدري نحاول معاك بابا يرجى غاده/حي عليا هي جايه وصبت تجري..
ركبت نا السياره ولحقتني غاده السلام عليكم
بابا/وين ياغاده ممبدري ونا نرجى في الشمس وين كنتي؟ فاضي نا ماعندي ماندير واختك تدورفيك ممبدري
غاده/الدكتور يشرح ع المشروع معد وقف والقاعه مفيهش تغطيه مجرد طلعت جتني رنه شهد
بحتت فيها زقتني
بابا/انتي ديما معندكش مواعيد تبيلك سواق ع حسابك اللي في عمري يتريح مش يقعد ماشي جاي شيل الصبح من ال 1لل3 ونا نوصل هده مدرسه هذه جامعه يخطرلكم عشيه طلعه مش عيشه هذ نزلت راسي (في عقلي عنده حق) وصلنا الحوش لقيت عمو عندنا ابتسمت وجيته نجري سلمت عليه وجت غاده عقبيلي شويه لقيت فدوى قاعده قالت مش طولتوا حسيتكم؟ غاده/اسكتي بالله محاظره كانت في السياره ع التطويله ماما/تغذن هي وابرمي ع روحك ياشهد الراجل جاي بعدصلاة العصر
انا/نبش نتغدا بنرقد بعد يذن العصر نوضوني مشيت خشيت دارنا ياربي شن هالعلقه اللي علقوني فيها.
ربي يرحمك ياراشد منش متصوره اني نتزوج..نحاول نجرب نعيش حياتي نجرب نطلعله بلكي يطلع راجل كويس ينسيني راشد.. بس نا منبش ومنش قادره ننساه وقعدت نبكي غميت وجهي بالمخده خذاني النوم الساعه 4 جتني غاده السامطه نوضي شهد وتنش بالبطانيه
انا/خليني نرقدصقع بطلي
غاده/نوضي هيا الراجل شوي ويجي
انا/خليه يجي بنرقد خش بابا شهد صبي ماشي نصلي نروح نلقاك واتيه تو يخش معاك عمك وطلع..
صبيت بتذمر رغم انه صقع لكن خشيت تحت الدش ودموعي ماوقفنش نجلاء تدق هي الراجل جا طلعت وجهي حمر وعيوني حمر وماسكه روحي توندير كيف ماقال عمو وبعدها نقول معجبنيش لبست اسدالي ماما/ليش اسدال البسي عبايه واشرب
انا/ماما خليني هكي نتحشم
ماما/شن بيشوف الراجل شطار معلق عليه جلباب
انا/الاحسن ميشوفش
عمي يضبح ياموسى قول لشهد تطلع
طلعت نرعش مسكت سفرة القهوه وخشيت مديت القهوه قالي قعمزي قعمزت بدا يحكي كيف حالك ياشهد؟
انا/اااالحممد للله
باتك قالي انك تقري لغه عربيه سنة ثالثه هزيت راسي بعدها دموعي قعدوا ينزلوا بروحهم وهو يدوي ونا معش سمعت دموع وخلاص عمي انحرج شهد شهد حطيت يدي ع فمي خفت يعلى صوت بكايا
عمي صبا صباني خشي ياشهد خشيت نجري عزقت روحي ع الفراش وقعدت نبكي
ماما والبنات/شهد كنك شن في بسم الله؟
ماما/نجلاء جيبيلها اميه
عمي انحرج: يا احمد انا اسف البنت انت عارف راجلها توفى قبل فرحها ب 5 ايام شكله خطر عليها الموقف احمد/عادي حصل خير مفش مشكله كسبت معرفتكم وشرب قهوته وطلع
ونسمع في صوت بابا وعمي يتناقشوا و جا بابا خش علينا شن هالدموع والمناحه اللي درتيها فضحتينا قدام الراجل انا نشهق ونبكي... ردي لعند امتى تردي في الخطاب تدلعي
...يتبع
#كاتبه_أميمه_اسامة
