قلوب سرقها الحب💔
الحلقه الخامسه والسبعون و ماقبل الاخيره
"
"
...درتها لكن طويييله تبطلن وانتن تقرن معاذ خش لقى عماد حامق/مبرد وجهه شن يحساب روحه مزوج بعياله جاي يخطب في مواليد ال2000 مهوش واخذها
مفتاح/خلاص انت عليش معصب من قال بنعطوها نحن هدي اعصابك
معاذ/الشاب اللي كان هنا جاي يخطب؟
عماد/انا ماشي نتريح وطلع
معاذ/جاي يخطب سلمى؟
باته/والله الشاب صغير وعجبني بس متزوج ومرته متوفيه
معاذ/شن المشكله عليش معصب عماد نحسابه مراته ع ذمته وجاي بيعدد
سالم/عنده وليد وبنيه
معاذ/اها
وقعدو يهدرزو
حليمه سيبت البنات نعدي نمتد شويه لين يجي باتك ونفهم منه وطلعت وسيبتهن
سلمى/شهد وسمر بالله عليكن ديرنلي جو مع عماد ومعاذ
اوس توا قالي هلك مش موافقين زعلان
ساره/قتلك هلي مش حيوافقو
سلمى/نحبه ياساره حرام عليك
مراته مش ع ذمته ميته شن المشكله وصغير ما ناقصه شي
نا/وسعي بالك تو نديرلك جو
سلمى/اهو يرن شن نقوله
مع خشت عماد..غبي كني نا نعطي سلمى دلوعة الحوش لراجل متزوج..عليك ثقه عنده؟ ويسمع كلامنا
وخش كيف الثور الهايج سلمااا..سلمى من الخوف قفلت التلفون وحطاته في صدرها
وخش علينا..تكلمي فيه صار ونا نقول منين جايبها الثقه وكرها مع شعرها
سلمى/اي ياعماد منكلمش فيه كنك انت
ويجيها كف تكذبي عليا سمعتك بوذني وزاط فيها
سمر/سيبها ياعماد وجت قدام سلمى..خلاص سيبها
عماد اول مرة نشوفه شايط بالشكل هضا
سمرر حوولي
سمر/خلاص ياعماد حرام عليك
عماد بعياط/سمر حولي را نضربك معاها
حليمه تسمع في الحس جت
سمر/كنك ياعماد جا خطبها ميضحكش عليها وبعدين سلمى مادارت شي هو يبيها قالتله تعال اخطب مهيش دايره علاقه
عماد كر سمر بكل قوته وحولهاومن قدام سلمى لين سمر طاحت..وكمل ضرب سلمى
سمروقعمزت تبكي
وسلمى تعيط/خلاص سيبني اه اي ياعماد
امه جت تحول فيه سيبها ياعماد خلاص ساد ضرب
عماد/منش مسيبها يا امي..معقوله الثقه اللي حطيتها فيك..هكي ياسلمى..مش حاسبه الرجاله اللي قدامك
امه صبت تسد عليه في الطريق
عماد/هاتي التلفون هنا تو نشوف شن نوع العلاقه اللي بينكم
سلمى خلاص من الضرب
عماد/قتلاااك هااتي موباايلك
حليمه/عماد خلاص اطلع ياعماد تو يجي باتك حسك عالي
عماد/خليه يجي هاتي الموبايل
نحنا نبكو..
عماد/وقسما بالله كماتهاتي الموبايل نكرك من ورا أمي ونركب بيك لشقتي
سلمى/خلاص ياعماد والله نكسره قدامك سيبني..والله ومعد نكلمه
عماد يضرب فيها من ورا امه
معاذ خش الحوش سمع الصوت خش علينا
نا حقيت معاذ..حي كملت
حليمه/يامعاذ كره قتل اخته
معاذ/خليه يقتلها ان شاء الله تموت
ساره طلعت تسكر باب الحوش
عماد كرها من شعرها/هاتي ياحقيره طلعيه
معاذ صبى قدامها اطلع ياعماد خلاص سيبها
عماد/لين ناخذ الموبايل معاذ يدف فيه اطلع قتلك خلاص
معاذ فنص في سلمى/هاتي الموبايل ياسلمى بلاش عناد
سلمى مداته لمعاذ وقعمزت تبكي
معاذ حذفه بقوته ع الساس طاح دشاديش
عماد/ينعن شكلك ليش هكي
معاذ/شن بدير بعد تشوفه يعني بتشوف قهرتك
عماد عطاه بوني ومعاذ رده له
حليمه/لا ياعويلتي متعاركوش في بعضكم كله منك ياكلبه اطلعي منبش نشوف وجهك
معاذ اطلع برا ياعماد اطلع اطلع نحكو برا امي راعشه
عمتي قعمزت تبكي نا صبيت بنشوفها معش فطنت طحت دخت
معاذ جا يجري/شهد شهد
عماد جايشوف فيا/ ضغطها هابط ورعشت
معاذ رفعني ع السرير
عمتي/اجرو شيلوها للمستشفى
عماد/اجري جيبي اميه وملح وسكر
سمر جابت شيشة العطر وقعدت تشمم فيا
بديت نوعى
معاذ يمسح في دموعي/ شهد شن تحسي نانبحت فيه ونبكي
عميمه/شربها
معاذ سندني عليه ويشرب فيا
عماد/ترا جيبي جهاز الضغط ياساره
عماد/ضغطها هابط واجد تبيلها تغذيه هي نشيلوها
شمرني معاذ ومشينا العياده علقولي تغذيه معاذ معايا وعماد برا
معاذ مطبس عليا/دودي كويسه توا
نا نبكي/حبيبي بالله عليك سلمى معش تقربوها خلاص سيبوها
معاذ/شهد تريحي معش جايين شورهاحبيبتي خفت عليك نا
قعدت نبحت في عيونه مرقرقات
نحبك معاذ والله نحبك
معاذ حضني/ربي يخليك ليا ومايحرمني منك
............
عمتي وساره ركبو عند سمر وسلمى عدت لجدتي
بنبات عندك ياجديده
جدتها/كنك وجهك من ضاربك..؟
سلمى/بعد يرقد جدي تو نحكيلك ياجديده تو منبش يشوفني هكي
جدتها/باهي خشي الدار تو نرقده ونجيك
............
روحنا..ورقدت طول
سمر ماحكتش مع عماد بكل عطاته بالظهرو قعدت ترضع في مصطفى
سلمى معرفتش كيف اتواصل مع اوس
واوس يرن عليها يلقى فيها مقفل
استمر الحال هضا اسبوع
سلمى حكت لجدتها وجدتها حكت لجدها/كان الراجل كويس عليش ترفضو فيه
جدها/تو مغير نسألو عليه قبل
جدتها/اسألو كانهو الراجل كويس البنت تبيه
جدي جالمعاذ الصبح وهو طالع للعمل :شن صار سألتو ع الراجل اللي جا يخطب في سلمى؟
معاذ/لا ياجدي فوته
جدي/معاذ عليش رافضينه انتو؟ انا الراجل عجبني جرب اسالي سلم وليدي
معاذ/انا مش رافضه ياجدي بس سلمى صغيرة وهو عنده عيال مسؤليه متقدرش عليها
جدي/بس هيا موافقه عدي اسأل عليه
عماد/جدي لالافكنا منه
جدي/انت اسكت انا ندوي لمعاذ مندويلكش
معاذ/حاضر ياجدي تو نسأل عليه..عماد تعال نمشو مع بعضنا ركبو سياره وحده ومشو
............
إسماعيل دارشفره جديده ورن ع زهراء كم رنه ماردتش دزلها رساله(انااسماعيل ال**** نتلاقو في الكفتيريا اليوم)
.............
معاذ/ياعماد بنسأل ع الراجل كانهو كويس حنوافقو عليه
عماد/حتى كانهو كويس لا خلاها تخون ثقة هلها
معاذ/عماد خليك واقعي انت خذيت سمرةبعلاقه ونا خذيت هاجر بعلاقه وجربت الحب..ترا لوصار الموقف هضا لك وسمر كبسوها هلها ورفضوك عناد شن حالك وقتها؟
خلاص هي غلطت وانضربت بس الراجل كان كويس عليش نكسرولهم في قلبهم عماد ساكت
متخسرش اختك تمام عاقبها كشخ عليها مترضش عليها بالساهل راقبها لكن لو رفضته بدون سبب حتخسرها والبنت لماتضيق عليها تلجأ للشي الغلط متخسرهش
عماد/بس اكبر منها ب12سنه
معاذ/عادي انا شهد بيني وبينها 10سنين مش مأثر فينا العمر.. وتسنيم بينها وبين راجلها 13سنه
عماد/والعيال؟
معاذ/شن المشكله عويله قزازين تكسب فيهم اجر وبعدين سلمى محوتك تقرا بالسيف يعني مفش في جرتها لاقرايه لاشي
عماد سكت
معاذ/ما نسبقوش الاحداث اليوم انت اسال ونا نسأل وبعدها نقرروا
..............
إسماعيل قعمز في الكفتيريا ورن ع زهراء
إسماعيل/انا في الكفتيريا
زهراء/هي نا جايه هي وصكرت
وجاته..سلمت عليه/كيف حالك اسماعيل
اسماعيل/كويس بشوفتك
زهراء مع ابتسامه/تسلم
إسماعيل/رايفت عليك
زهراء/حتى نا
إسماعيل/الشفره وكسرناها وبنات ومعش نكلمو هي وحده بس نكلم فيها ونحبها هاراضيه؟
زهراء منحرجه/راضيه
إسماعيل/نحبك زهراء انتي البنت الوحيده اللي طيحتي قلبي
زهراء وجهها ألوان ألوان/إسماعيل وقت ع المحاضره
إسماعيل يضحك/عارفك تحبيني بنسمعها
زهراء/نحبك
إسماعيل/يوم عليا قالتها قالتها وبدا في عيطة الشلتت
زهراء تحشمت وحطت يدها ع فمها/اسماعيل يامجنون الناس تبحت
إسماعيل/جننتيني اصلك
زهراء/يعني انت مكنتش مجنون من قبل؟
إسماعيل/كان في شويه عقل بس انتي طيرتيه بكل
زهراء/هههه وقعدوا يهدرزو
............
اسلام يرن ع اسيل متردش بعدها دزتله كملت هدريزك مع نور؟
اسلام/نور من فيش تفترش هذه؟
قعد يرن عليها متردش
دزلها(والله كان ماتردي عليا نجي لحوشكم واللي يصير يصير)
اسيل/مجنون يديرها
رنت عليه/نعم شن تبي؟
اسلام/تي شن قصتك انتي ممبدري نرن متردش عليا وتوا تردي عليا باسلوب شين
اسيل/من نور؟
اسلام/تي اش عرفني نا من وين جبتي الاسم
اسيل/متستعبطش عليا انت امس تراسل في نور ولخبطت جت المحادثه عندي
اسلام/مانعرفش وحده اسماها نور
اسيل/والرساله اللي جتني
اسلام/منكش مصدقتيني صكري باهي مع السلامه وصكر
خش في الرسايل قعد يدور وبعدها خش ع الماسنجر لقاها رساله (تو نتلاقو بكره يانور) تي امتى كتبتها هذه؟
داخ
اسماعيل لعب كوره ومروح مبسوط ويغني/كنك حامق
اسلام/ماكني شي
اسماعيل/شكلك محصل استيكة هزايب
اسلام/ماتديرها الا انت
اسماعيل برفعة حاجب/ شنو؟
اسلام/انت داز رساله لأسيل من تلفوني؟
اسماعيل/يرقص في حواجبه اتهزبت يامهزب اسلام جا في جرته وبدو يضاربو
سالمه/تي بطلو هضا لعب ولا عركه؟
اسلام يضرب في اسماعيل..واسماعيل مش قادر يوقف ضحك
سالمه/تعاللهم ياسالم
سالم/هاي تحشم انت وهو اتعاركو قدام امكم اسماعيل يرد في الضربات
سالم/اسمااعييل..اسلاام
..شوي صبو ووقفو ضرب
سالم/اطلع انت واياه برا اسماعيل/ياباتي بندير حمام لاعب كوره
سالم/برا انت واياه
قعدو مصبيين في الجنان
اسلام عطاه كارشو وطلع برا الحوش واسماعيل عدا دار دش عند جده
............
عماد/سمورتي مازلتي زعلانه مني
سمر بحتت فيه زين ومشت سيباته خشت ترضع في مصطفى
عماد لحقها/سمر خلاص حبيبتي كنت معصب بكل وانتي تدافعي عليها
سمر/نخليك تقتلها
وحطت مضطفى في سريره ومشت للمطبخ تحط في بخور
عماد/حط بكرج القهوة ع النار..خلاص سامحيني حبيبتي
سمر دايره روحها طرشه
عماد قرب منها ومسكها من لاورا خلاص حبيبي
سمر/حوول
عماد طفى ع القهوة نعرف كيف نراضيك وشمرها ومشى بيها للدار
............
ثاني يوم أسيل طلعت من المعهد لقت اسلام قدامها
أسيل لوت وجهها وجت بتمشي
اسلام مسكها من يدها/تي مغير تعالي هنا
اسيل/اسلاام في الشارع نحن
اسلام/باهي اسمعيني
أسيل خايفه يشوفها حد/ اسلام الله يربحك تو يشوفنا حد من الجيران حوشنا قريب من هنا..اول مانروح نديرلك رنه
اسلام/متردش تلقيني عند باب حوشكم
أسيل ترعش/باهي غير روح بس والله نرن عليك
اسلام/عدي
مجرد وصلت رنت عليه/ معقوله يااسلام هكي تصبيلي في الشارع والله يوصل الكلام لخوتي يذبحوني
اسلام/شن نديرلك متردش عليا اصلك
اسيل/شن تبي؟
اسلام/والله مانااللي دزيتلك الرساله هضا اسماعيل داير فيا مقلب
أسيل مش مصدقه قعدت ساكته
اسلام/والله الله انا خذاني النوم ونا نحكي معاك وكنت متعارك معاه دار فيا المقلب هضا والله تعاركت معاه امبدري بعد قالها ليا صدقيني مانكذب
اسيل/باهي خلاص صدقتك حبيبي
اسلام/باهي معقوله نشفتي ريقي في جرتك
اسيل بدلع/شن ندير نغير عليك ياعمري مانرضش تحكي مع غيري انت ليا نابس
اسلام/اووه عليا من الدلع انا شن ندير نجيك توا
اسيل شدت صوتها/لا ارحم بيك ماتجي
اسلام/هههههههههههههه
..............
سلمى/ساره عطيني نكلم اوس من عندك نطمنه
ساره/الله يربحك بعد مايقعدش في مخلوق في الحوش را اليوم يخلص عليك عماد
سلمى/طلعو والله خوتي مش قاعدين عطيني الله يربحك
ساره عطتها التلفون وطلعت..سلمى صكرت بالمفتاح ورنت لين فصل عاودت اخرى
اوس/الو من معايا
سلمى/اناسلمى
اوس/سومه حبيبتي وينك معقوله اسبوعين مانسمعش صوتك
وفي المعهد غايبه
سلمى قعدت تبكي/ مو عماد فطنلي
اوس/حي عليك شن دارو فيك
سلمى تبكي/قتلني ومعاذ كسرلي التلفون
اوس يمسح ع وجهه/عرفو ان نعرفو بعضنا
سلمى/اها مشعارفه شن يصير من يومتها معش شفتهم ومعش مشيت المعهد
اوس/خلاص حبيبتي متبكش
سلمى/نحبك اوسي خايفتهم مايوافقوش
اوس/لا مش حنخليهم يحرموني منك حندير المستحيل حبيبتي خلاص امسحي دموعك
ريما/بابا عطيني جديده
اوس/مش جديده حبيبتي عدي ألعبي مع خيك تو ننزلو لجديده
سلمى/عطيها ليا
اوس/تلقيها في الجزيره بعدها
سلمى/هههههه
اوس/ايوا اضحكي
.........
معاذ وعماد يهدرزو مع باتهم وجدهم
معاذ/رانا سألنا ع أوس والناس كلها تشكر فيه ياباتي
مفتاح/ حتى نا تريحتله خلاص تو امك تحكي مع سلمى كان قالت باهي نردو عليه
معاذ خش ع هله لقى تسنيم قاعده
اووه تسنيم كيف حالك .تسنيم صبت
معاذ/كيف حالك وين البيبي
تسنيم/راقد..وين شهد رنينا عليها متردش قوللها تنزل
معاذ/اكيد راقده تو نركبلها..
وبحت في سلمى/تعالي نبيك فوق وركب
انا كنت راقده
معاذ/كسولتي نوضي المغرب قريب يذن
انا/ميدو خليني
معاذ/ماقريتيش شي يادودي اليوم هيا صبي
نا محوتك نفتح في عيوني
معاذ/نوضي تسنيم جايه انزلي اشربي معاهم قهوة وبعدها اقري
صبيت بالسيف للحمام
دق الباب
معاذ فتح لسلمى/خشي سلمى خشت وقعدت مصبيه
معاذ صكر الباب/قعمزي
قعمزت وخايفه
معاذ/سلمى سألنا ع أوس والناس تشكر فيه ديري استخاره عشن نردو عليه
سلمى تبحت فيه وهي مش مستوعبه الدموع في عيونها
معاذ/شن قلتي؟
نرجى ردك بكره حتجي امي تسألك باتي حيدوي معاها
سلمى تبكي من الفرحه ومش مصدقه
معاذ/حطي في بالك ان عياله هما عيالك
ومفش مقابله وردي بالك تكلميه من ورانا أنا حذرتك
سلمى ساكته وتسمع
انا كنت طالعه من الحمام وسمعتهم فرحت لسلمى وجيت صبيت
معاذ/خلاص نرجى فيك عشن نرد عليه
سمعتي انا نرد عليه مش انتي تعطيه الرد
وسيبها وطلع
جيت حضنت سلمى
سلمى تبكي/مش مصدقه
انا/اس خلينا ننزلو
ونزلنا..سلمى ردت فيها الروح وثاني يوم عطو الرد لاوس
وجو هله شافوها وكانو ناس طيبين وحبوبين وعويلته يهبلو عنده اخت وحده مش متزوجه عمرها اكبر من أوس وخوين متزوجين وخو خاطب
وهو لانه قريب يكمل البني بتاعه..اتفقو ان الفرح يطلع في شهر 11 مع خوه يعني بعد7شهور بعد طلعوا العرب
عماد ومعاذ خشوا يضبطوا في سلمى/ مبروك يا دلوعتنا سلمى بطير من الفرحه
جدي/امالا نطلعو فرح ابراهيم وأحمد معاهم بالمره
سالم/ياباتي ابراهيم مازال مش واتي واحمد عابي يطلع الفرح في7
جدي/معلش احمد يصبر هالثلاث شهور وابراهيم نساعدوه كلنا يبدا يبني
هي عيله وحده نطلعوه مره وحده خلينا نفرحو بيهم
سالم/باهي ياباتي ان شاء الله اللي تقوله ماشي
...........
ومشن الايام وجن الايام ومشن الشهور.. انا في بداية الشهر الثامن توا وفرح غاده مازال عليه اسبوعين
معاذ يكلم فيا بالتلفون وهو في السياره مروح من العمل/قريب نوصل فيك يادودي حجزتلك عند دكتورة نساء وحده ثانيه لازم نشوفو جنس البيبي معقوله لعند توا مش باين
نا/يتغلا علينا..حتى نا متشوقه نبي نشريه دبش
معاذ/مش منك ماتاكلش البيبي ضعيف عشن هك مش باين
نا/شن ندير عد معندش نيه بككل . قتلك..حبيبي بالمره دبنا طلعنا نشري لبسه ع فرح غاده
معاذ/اها باهي اللي وقضتيني خوذي فلوس معاك في الشنطه خوذي من الدرج
نا/باهي سلام نوتي روحي وصكرت
خشيت ع الدكتوره وكانت دكتوره كبيره بعد ركيت ع السرير متأكده في الثامن انتي؟ تي وين البطن؟
نا نضحك..
معاذ لاصق بيعرف جنس الجنين هههههه
الدكتوره قعدت تزر في الجهاز وبعد حوتك مبروك بنوته
معاذ عيونه يلمعن/مش قتلك بنيه احساسي انها بنت
د/ربي يكمل عليكم فرحتكم وتحل عيونها ع خير
معاذ صباني وحضني وحب راسي/مبروك حبيبتي
نا نضحك/معااذ في الحوش
الدكتوره مطربقه علينا معاذ وجهه حمر
د/هضا ثاني اسبوع في الثامن حنكتبلك ع فيتامينات وحد خرات
نا/شكرا يادكتوره وطلعنا ركبناالسياره..مسك يدي مش قتلك بنيه
نا/هههههه المره هذه احساسك هو اللي صح
معاذ/انتخايل فيها دلوعه كيفك
انا/ميدو شن نسموها؟
معاذ/الاسم شورك انتي لما ربي يعطينا وليد نسميه انا
نا/ان شاءالله..خاطري نجيب عرم عويله
معاذ/مسك يدي وحبها ربي يحفظك ليا ياعسل ونجيبو عشره انا فتحت عيوني زيين..10
معاذ يضحك
تكينا ع المحلات وشريت فستان بودري حلو ومستور للزفه وفستان عسلي ليوم الحنه وخذينا للبنوته كم لبسه معاذ يعرم في الدبش
نا/ميدو واجد هضا فيسع ماتكبر راهو كبر المقاس حرام هكي تكبر ومالبساته
كملنا فليساتنا وروحنا خصوصا ان دبش البنات مغري
نا/والله تدبيشه سمحه لحلومه
معاذ بحت فيا/امي قالت متسموش حليمه
نا/عليش؟
معاذ/قالت شين
نا/ انسموها هاجر
معاذ بحت فيا زين وسكت.. انا سكتت
وصلنا
مسكتنا عمتي ونحن راكبين/تعشو معانا واركبو
خشينا
سلمى ورينا شن شريتو قعدت نوري فيهم
حي مش قالولي بنوته
سلمى/ياخيتي محلاها وحطت يدها ع بطني
عميمه مبروك البنيه
سمر تجري في جرت مصطفى/يابوفه حرام عليك..
نا نضحك/خليه يزيط
سمر/بدا يصبي مع الحاجه بحتي بالله الرضاعه دار بيها طريق
عميمه/خليه حبيب جديده يلبز عادي حوش جدوده
تعشينا وركبنا خلاص فرح غاده مزال عليه اقل من اسبوع كنت بابته عند هلي نديروا في الموالح
فدوى/ياساره ألعبي بعيد مفش لعب الا في المطبخ؟
عبير/سميه لمي الفروخ في الدار احبسيهم في الدار وولعيلهم رسوم وانتي كيف قلتك
سميه دروحها تمسك في العيال وداقتها غراميات مع حبيب القلب
خديجه بنت عمتي/ والله نوريك يا سميه وغسلت ايديها طلعت لقت عمتك سميه حاطه كراع ع كراع وعمك موسى يتغزل فيها
سلحت السباط وشلط شلط صبي يابارده عابيك عليك والله
موسى/هي انتي ياجالطه
خديجه/تي خاطا وجهي وقت غرامياتكم عدي للمربوعه را والله نحرش فيك خالتي انت واياها
وانتي غيري لبوفه(ولد سمر) وعبوده(ولد فدوى)
سميه تعقدت وصبت تغيرلهم كملنا حوستنا ونظفنا الحوش
ماما/شهد انتي تاعبه روحي اليوم باتي في شقتك وتريحي وتعالي بعد بكره الصبح جيبي دبشك كله وباتي
نا/خلاص ليل باطله نبي نرقد
فريحه/غار رني عليه تو يجيك حرام وجهك بكل نا مسكت التلفون مجرد درت رنه
معاذ/ ها ياشهد نجي نروح بيك
نا نضحك/اها بنروح
معاذ/هي وتي روحك جايك تو
معاذ يهدرز معايا وهو طالع
ساره ضبحتله/معاذ معاذ بتروح بشهد
معاذ/اها تبي حاجه؟
ساره/جيبلنا بوفه يبات معانا
معاذ/باهي تو نقوللها
وطلع...اسمعي قولي لسمر قالتلك ساره خلي بوفه يروحك يبات عندي
نا/باهي وصبيت نلبس
سمر قالتلك ساره عطينا بوفه يبات معانا
سمر ماصدقت/الله يربحها وصبت تلمله في دبشه
يوسف/شهد معاذ جا
نا خذيت مصطفى في غمري وطلعت
ماما/ثقيل عليا يابنيه
نا/تو يشيله معاذ
روحنا..حطيت بوفه عند ساره وركبت شقتي
اه تعباانه مش قادره
معاذ/هي تو نعبيلك البانيو اميه خشي تو اتريحي درت حمام دافي وع سريري دغري
معاذ/استني خوذي عصير منجا قبل لاترقدي
جاملته شربت ورقدت
رقدت مافطنت الا ثاني يوم مع الساعه2 القايله معاذ ينوض فيا وهو مروح من العمل
دودي مازلتي راقده.. نوضي صلي فات عليك الصبح والظهر
نا/اي نحس في ظهري خلاص صبيت صليت معاذ جاب سفرة الغدا لعندي تغدي هي حبيبتي
قربت بسته/شكرا حبيبي بعدك جيعانه
معاذ يوكل فيا
نا/تصدق بنرقد اخرى
معاذ/خير واجد نوم مرايف عليك
صبيت شلت السفره و غسلت ايديا وصبيت نغسل الموعين معاذ يلايا في المطبخ وينابش
معاذ/نصبلك عصير عنب ولا جوافه
نا/عنب
صبا قدامي لين شربت
انا/كنك؟
معاذ/مرايف وشمرني وخش بيا
...........
أوس/سومه عندي لك خبر
سلمى/شنو أوسي
أوس/الحوش كمل كله
سلمى/والله؟
أوس/الاسبوع الجاي نبدا في الزواق
سلمى فرحانه/نجك ليا..يااوسي
اوس/وليا نجك
...........
رانيا/ياهومي انت عارف من يومي هضا لبسي
ابراهيم/روني نغير عليك حاولي حبيبتي
رانيا/اسدال مره وحده نقدرش
ابراهيم/بس ع خاطر حبيبك تقدري
رانيا/...نوعدك نحاول
.............
أحمد/سوسو انا في حوش جدي تعالي غادي
ساره/عطيني 5 دقايق بس ونكون عندك
ساره لبست سروال امريكي وقميص سكري طويل شويه واشرب ودارت شوي رتوش بسيطه في وجهها وطلعت
جت بتخش حوش جدها لقت أحمد مصبي يرجى فيها ومأنتك ع الاخروطالع صقع/حموودي كيف حالك ومدتله يدها
أحمد حصنها/اه مرايف عليك ياسوسو
ساره فكت روحها منه/ خش خش معش تديرها
احمد يضحك وخشو حوش جدهم
جديده/مرجبتين بعويلتي ساره تبوس في جدتها
وجدها
جدي/كيف حالك بنيتي ليا كم يوم ماشفتك
ساره/قراية ياجدو
جدو/واليوم جاية تشوفينا ولا دايرين ملتقى العشاق
ساره انحرجت
احمد/ديما كابسنا ياجدي
جديده/حرجت البنت
جدي فتح يديه/تعالي يا سوسو في حضن جدك
احسن حاجه درتها يا احمد خطبتك لساره تقدو ديما جنبي
احمد حب يد جده وجدته ربي يخليكم لنا
............
انا/بنخش ندوش حبيبي تبي شي؟
معاذ/خشي حبيبتي انا ندير في شغل ع النت في المربوعه بعد تكملي ديري قهوة وتعالي يلايا
نا/باهي
طلعت من الحمام ونا لابسه قفطان حوش بتاع حوامل رمادي كت وفي نص الركبه
قعمزت ع المرايا نمكيج بروق ..بخيت برفاني وطلعت للمطبخ وتيت القهوة وخشيت بالسفره ع معاذ/حبيبي القهوة وا... وانصدمت وتيبست في مكاني معش قدرت نتحرك
معاذ/......
.......
........
......
يتبع
توقعاتكن شن صار ؟
وجهزو روحكم ع فرح غاده كلكن معزومات انتظروني غدا في الحلقه الاخيره
#كاتبه_أميمه_اسامة
