قلوب كسرها الحب💔
الحلقه التاسعه عشر
"
"
سمر تجهز ع فرحها مزال عليه شهر ونص ونحن نمشو ونجو عليها ونباتو معاها خميس وجمعه..
معاذ بدا يشتغل بس مستوه ومعش يرقد في شقته لانه ينوض في اليل يضبح لهاجر وبعد ينوضوه يخش في نوبة بكا.. معاذ ناض الصبح نوض عماد/هي نطلعوا نفطرو مع بعضنا في كافي وبعدها كل واحد يمشي لشغله وطلعوا خشو لكافي
معاذ/عماد شن مزالك في الشقه؟
عماد/خلاص عاجبتني دار نوم من تركيا الايام الجايه منذر (صاحبهم) ماشي بنخليه يشحنها ليا من غادي معاذ/را تطول بس
عماد/ع كلامه اسبوعين توصل يعني مش ح يروح الا بيها
معاذ/تمام معناها اليوم نطلع نا واياك تختار الغساله والمكيف والثلاجه عشن نسلكهن
عماد/الله يوسع عليك عمي قالي مصرف الرمي مني رغم اني والله كنت بنأجل الفرح
معاذ/عليش تأجله ناقصك فلوس متخممش
عماد/لا نشوف فيك مش رايق
معاذ/عيب ياخيي نا نروق لروقتك ونضايق لضيقتك.. عماد/الله يوسع عليك شن رايك الخميس بنزرد انا واصحابي وتكلم اصحابك حتى انت نديروها زرده كبيره؟
معاذ/لا خلييني معندش نيه جوي شين انكد عليكم وخلاص ونزلن دموعه
عماد /براحتك متضايقش روحك
معاذ/بحت في ساعته هي نتوكلوا
عندي&
بابا روح بينا من الجامعه وخش فرحان/ ياامال جاكي حفيد وحد اخر
ماما/فدوى جابت؟
بابا/اها جابت وليد تو كلمني سيف قالها ليا..ساعتين اخرى ويطلعوها
موسى ويوسف/الله نلعبوا معاه
نا/كبرتو تحسابو روحكم صغار قصدكم تلعبوه
ماما/معناها نعدولها اول متروح
بابا اها وتو روحكم
نجلاء/الله اكيد يهببل
وتينا روحنا وطلعت حوشها وجيناها وكانن صبياتها و سلفاتها ملتمات وبنة الحلبه والفاسوخ والعصيده قالبات الحوش خشينا سلمنا
ماما/الحمدلله ع السلامه يتربى في عزك معقوله متقوليلش لين تجيبي؟
فدوى/ طلعت المستشفى مع ال9 قلت تو ماما تقعد مشغوله وبابا مسكين من الصبح يوصل مبيتش نتعبه وعميمه قاعده وصبياتي قاعدات بارك الله فيهن ماما/بارك الله فيكن نصبولكم في الافراح
عمتها/ولومرت الغالي كيف بنتي فرحتلها
كلنا/تسلمي فرحك بصحيحتك
عمتها/امين
انا مسكته الله يهبل عسل ونبوس فيه طشوونه بككل/شن بتسموه؟
فدوى/بنسموه عبدالله ع عمي
انا/حلووو ومسكته ونبوس غالي عليا البيبيهات غاده/شهد عطيني شويه
نا/الله بنته تجنن ومديته لها
وبدينا عد عصير قهوه وحلويات عصيده وخشن الجارات ومافضت لين ال 9 اليل روح بينا بابا وماما باتت معاها..ثاني يوم جينا العشيه
ام سيف/شوفي ياامال نا عربي واجدين والجارات مايبطلن شنرايك يوم الاسبوع نديروها لمه كبيره للجارات وهلكم وهلها و عربي يعني نحن ذابحين ذابحين وهو مش عازم رجاله رجالة العيله بس ماما/باهي احسن
عمتها/خلاص ناصالتي كبيره والمربوعه مفتوحه عليها ودار الضيوف حتى هي مفتوحه عليها ياماتشيل الرجاله يحطهم في شقة خوه ووسع في وين تطبخ الطباخه ماما/باهي صح فكره حلوه
ثاني يوم عدينا الجامعه وبعدالمحاظره جانا
علي/ السلام عليكم
غاده/وعليكم السلام نا رديت عليه بصوت واطي وطبست راسي منحرجه منه
علي/تفضلو عازمكم ع الفطور
نا/بارك الله فيك علي بس نا صحباتي جايات ورايا افطر انت وغاده ونا وصاحباتي تو نخشو نفطروا.
على/باهي براحتك..وقعمز هو وغاده يفطروا على/مرايف عليك معقوله نقعدو بالاسبوعين سلام من بعيد وخلاص يعني نا خطيبك توا
غاده/من البداية قتلك ياعلي لامكالمات لا هدريز والله نا مقعمزه معاك توا وخايفه يشوفني حد تي بابا كان يسمع بس ع قعميزتنا هذه يذبحني
علي/بعيد السو عليك جو دواعش امالا ههههههه غاده/هههههه
على/نا هذه اخر سنه جامعه وكملت صيانة الشقه نحاول نسقد روحي بالفرح كلا هكي جفاف
غاده/صدقت ههههههه
على/دوم الضحك ياعمري
غاده/تحشمت
علي بيغير الموضوع/مزال فرح شهد كمهضا نتفق نا و خطيبها نطلعوا الفرح مع بعضنا
غاده/اي شهد قصتها قصه
علي/كنها؟ مشعارف ليش نحس فيها حزينه؟ غاده/شهد كانت مقريه فاتحتها وقبل فرحها ب 5 ايام توفى راجلها في الجبهه من يومها حزينه وترفض في الخطاب
علي/ربي يفرج عليها باين عليها الحزن
غاده/امين وقعدو يهدرزوا
بعدها روحنا ع عمي محمد وعمتي سمر لان اليوم خميس وماما مع فدوى.. بابا تغدى وقعد للمغرب وجا بيطلع
عمي/خالد بكره نرجو فيك ع الغدا
بابا/ان شاءالله هي ننحس في روحي دايخ من الصبح نلج.. موسى يوسف فكوني من الهرجه باهي
عمي/ربي يعينك والله يارب تفرح بيهم
بابا/ان شاءالله وطلع وعمي خش دوش وطلع لقانا دايرين قهوه شرب معانا
عمي/تبش شي يافاطمه نا طالع مسهري مع اصحابي مرات نطول..
فاطمه/سلامتك دير بالك ع روحك وصبت وراه عمي/حبها ع خدهاخلي سندس تبات لوطا مع البنات وغمزلها
يتبع
#كاتبه_أميمه_اسامة
