قلوب سرقها الحب💔
الحلقه الثانيه والخمسون
"
"
عطوني رايكم الروايه معش حتطول واجد
يوم 25 رمضان كنت في المطبخ نغسل في موعين الفطور.معاذ مسك فيا من لاورا خلي الموعين وتعالي
انا رعشت وجسمي قشعر..معاااذ خليني نغسل...برمني له ياعيون معاذ انتي نحبك نا تحشمت ..
معاذ/صار تحبيني اها..صار تموتي فيا وذايبه تحشمت.. وبصوت دلع/خلااص عييد
معاذ/امتى نزوجو؟
انا وجهي قعد ألوان ألوان معااذ وقت ع العشاء تو اتأخر
قعد يبوس فيا..وشمرني حطني ع السرير..نطيت قعمزت برعب ودموعي ينزلن/معاذ سيبني معاذ انا مش مهيئه نفسي كنك انت؟
معاذ/اسف حبيبتي خلاص معش تبكي وقعد يمسحلي في دموعي دلوعه
انا نضحك/مش دلوعه
معاذ/الا دلوعه والله .
وباس جبهتي وخش يدوش..ونا قعمزت مستوهه معاذ طلع من الحمام ولاف روحه بالمنشف/جلابيتي السمنيه محدده
انا/اها اهيا وطلعتها له ولبس وعطرته وهو طالع مفش حاجه ليا قبل لا نطلع
اناضحكت وبسته ع خده
معاذ/اخ منك..اسمعي مدخلنش بيك بكره بعد التراويح طالعين برا الحوش كم يوم جهزي شنطة دبش ليا ولك، وبرفعة حاجب جهزيلي نفسك ونزل..
صكرت الباب وقعدت نبرم حي عليا..توترت رنيت ع سمر/الو سمر فاضيه؟
سمر/اها فاضيه تعالي هي دقيقتين وننزلك لبست غطاء الصلاه ونزلت..فتحتلي الباب سلمت عليها
سمر/كنك مش ع بعضك
انا/معاذ قالي وقالي انجديني وحكيتلها
سمر/تزغرت بصوت واطي وعليش مركبه ع روحك انا/خايفه
سمر/تو را نعطيك طريحه ..هي عندي حلوه تو نكلم ساره ونديرولك وبكره من الصبح نحنوك ميجش المغرب الا وانتي فاكتيها
ورنت ع ساره وسلمى وبدو فيا
...............................
فدوى روحت لحوشها بتعليمات من غاده وبيسه انها تنافقه وتكذب عليه كيف ماهو يكذب عليها علي فرحان لان بابا وافق ع الفاتحه وحددوها بعد العيد الصغير باسبوع
.........................
ثاني يوم بعد الظهرعندي نا شهد كان جمعه ونفطروا عند عربي
معاذ/ماتنشغلش عليا عندي شغل واجد اليوم حنروح ع قصاد الفطور ان شاءالله
انا/امباهي حتى نابننزل نطيب لوطا كساد بروحي وانت مش قاعد
معاذ/عادي براحتك بس متنسش موعدنا بعدالتراويح
انا/ان شاءالله
وطلع برمت ع الشقه وجهزت شنطه دبش ليا وله ورنيت ع سمر
ايوا سمر اهلين كيف حالك اليوم؟شكلك كيف واعيه
سمر/اها هذه النوضه اسمعي سكري المرا بتاع الحنه ترن عليا تو نعاودلك ..صكرت
بعد نص ساعه دقت سمر/هي الحنه واللصقه واتيه انزلي عندي حني ساره ترجى
انا/هي هي
سمر/وتيتي شنطتك؟
انا/اها وتيتها
سمر/هو قالك كم يوم معناها حتروحو قبل العيد بيوم ترا وريني شن حطيتي؟
فتحت الشنطه شنو هضا؟ ترا حولي بالله..فتحت الدواليب هضا عليش شاريتيه بالله وهضا ؟وهضا وهضا ونا نشهق ..شنو ياسمر منقدرش نلبسهن
سمر/اسكتي حتلبسيهن انزلي لساره وقت تو نا نجهزلك الشنطه ..اناصبيت
سمر/شهد انزلي البنت مستعجله بتلصقلك وبتساعد امها مانك عارفه العيله ملتمه اليوم
نزلت لساره وسيبتها
وهي حطت دبش عارفه اني مجرد نفتح الشنطه حنصرخ بس مجبره قاعده تحت رحمتها هي وساره ساره بدت تلصق وماشاءالله عليها سريعه وجت سمر كملت معاها الساعه 3 كنت مربطه وسمر ردت عليا الدار وخشت تدير في نوع موالح
................................
معتز درس بعيد من المختبر قبل موعد انتهاء دوام ريان بشويه وبعد طلعت ريان قعد يمشي وراها وفي وسط الزحمه خبط سيارتها ونزل
ريان خافت
معتز نزل/سامحيني يااختي فيكي حاجه
ريان/لا مفيش شي
معتز/اسف تو نصلحك
ريان/لا والله خلاص
معتز/والله ماصارت الخبطه ضرتها واصر عليها مشت وراه
مشت وراه بالسياره يصلحلها
ريان تبحت في ساعتها/تأخرت
معتز/اسمعي عطيني رقمك بكره نجيك بدري ناخذها نصلحها لك كمهضا منسببلكش مشكله
ريان/باهي وعطاته رقمها
معتز/مشعارفه شايفك قبل هكي مشبه عليك
ريان ضحكت/حتى نا
معتزخبط جبهته/اهافي مختبر*****
ريان/صح معرفة خير وروحو
...... .............................
سمر/شهد عطيني طريقة القطايف بنديرها
انا/كملتي البوريك؟!
سمر/مجهزه العجينه والحشوة من امس فردته وحشيته بس
انا/او نا نقول استغربت قبل تتي تتي
سمر عزقت فيا المخده عطيني الطريقه هي
عطيتها الطريقه وعدت تدير فيها ..
معاذ كلم صاحبه طلب منه الشاليه بتاعه حنطوش ونظيف وجديد وعدا بدري نظفه وفرشه ودار فيه اجواء سمحه
.................................
حليمه/هيا ياساره اقلي البطاطا وسلمى عدي كيلي لجدك وجدتك الضغط والسكر قبل لايجو نلهى في الحوسه وننسوهم وابرميلهم ع الحوش عدت سلمى تدير اللي قالت عليه امها
حليمه/طمنيني ياساره ع معاذ وشهد خايفته يظلم البنت
ساره/الحمدلله ياماما جوهم حلو متخمميش عليهم اليوم ماشيين يدهورو مشعارف وين مشرق بلكي والله ماني عارفه المهم مبسوطين
حليمه الحمدلله ربي يهنيهم كنت خايفه معاذ يحرجنا مع العرب يومتها باتك راقيله منه قالي ضاربها ساره/هئ معقوله محتكتلش غريبه
حليمه/خلاص متحكيلهش وتذكريها والله لقيت باتك حامق وركبله تعارك معاه واخرى قالي يدها كاينه ملفلفه
ساره/سألتها قالتلي نغسل في طاسه انحلت في يدي وجرحتني
حليمه/شن بتقولك يعني
ساره/والله ياماما بما انك حكيتي امس ولا اول امس بيش تأقلمو مع بعض والسبب معاذ هي حكتلي
حليمه/هئ عليك فضيحه بيهبلني معاذ
ساره بتغير الموضوع
شن مزال/خلاص الرز والمسير والحلو دايرته مرات عمك
ساره/وسمر قالت بندير بوريك وقطايف
خليمه/مكنتش خليتيها المرا اتوحم واعر عليها
ساره/دويتلها ماباتش قالتلي متجش لا نا لاشهد نديرو
حليمه/نشهد بالله انهن بنات اصول يرحم اللي رباهن ربي يسترنا معاهن
...............................
قبل المغرب بساعه سمر فكتلي الحنه وطلعت سمحه عدي ديري حمام وادهني وغميها بس بسرعه قبل لايجي معاذ منبوش يشوفها
جريت شقتي درته حمام سريع ولبست قفطان شيفون سكري فيه ورد كحلي وعليه جاكه كم كحليه واشرب كحلي ودهنتها ولبست قوانتيات وشخاشير ونزلت لعربي/السلام عليكم
لقيتهم ملتمين كلهم/وعليكم السلام
جدو وجديده/اهلين ببنيتنا كيف حالك
انا/الحمدلله حبيت ع يدهم وراسهم
عميمه/كيف حالك شهد كيف حال هلك؟
نا/الحمدلله
سلمت ع عمي يبحت في عيوني زين/كيف حالك؟ وبصوت واطي كيف حالك انتي ومعاذ/واطيت راسي الحمدلله كويسين ياعمو
ومشيت المطبخ خذيت من ساره توتي في التمر والحليب هاتي تو نا نديره
ساره/خلاص نوتي السفر في الجنان وطلعت
سلمى وعمتي/ترا وريني حنتك نزلت القوانتيات والشخاشير و وريتهم
سلمى/ماشاءالله تهبل سمحه
عميمه/ارقي روحك يابنيه العين حق
انا/نضحك
ووتينا كل شي..وخش عماد وعيال عمهم وامهم وقعمزنا نهدرزو قبل المغرب ب 5دقايق خش معاذ/السلام عليكم
كلنا/وعليكم السلام
وسلم عليهم واذن المغرب وحلينا صيامنا وللي عدا للجامع واللي صلى في الحوش وصلينا الصبايا وبدينا نحطو في الفطور في الجنان ..وطبعا معاذ واحمد الحق ناشطين يدهم بيدنا وقعمزنا طاولات في الجنان نفطروا جو حلو ونسمه سمحه وهداريز ربي مايحرمنا من هاللمه ويرزقكم عيله مترابطه كيفها يارب
......يتبع
#كاتبه_أميمه_اسامة
