قلوب سرقهاالحب💔
الحلقه السابعه
:
:
كانت لمه سمحه من وفاة راشد ما التمينا هكي هدرزنا وضحكنا وركبنا وقعدن خديجه وهدى وفدوى يحايلن ع بابا يخلينا نباتو وافق بابا وباتت حتى عمتي سمر طبعا سمر قاعده مع عمي محمد يسكن فوقهم لان جدي وجدتي متوفيين
سمر/يابنات دفعي وفاتحتي الاسبوع الجاي كلنامبارك 💕💕
سمر/الله يبارك فيكن عقبالكن انا دفع وفاتحه وسلفي معاذ فاتحه وثاني يوم زفه فاتحتنا مع بعضنا
انا/كان طلعتوا الفرح بالمره مش خير
سمر/مزال سنه رابعه وخامسه والباقي نكمل عنده غاده/شد حويلك بها الطب واعر انا كان نلقى نبطل انا/بعد قرايتك هذه كلها بتبطلي انت هندسه كمليها بسرعه وخلي شهادتك ع عازة الزمان
سمر/ الهندسه ساهله بس اللغه العربيه لنقانه واعره
انا/بالعكس نموت فيها عشن هك منحسش فيها واعره غاده/دارت تعابير بوجهها بتاع معجبهاش الكلام قعدنا نهدرزو في فراشاتنا وسمر رن عليها عماد وقعدوا يهدرزو خطر عليا راشد لما كنا نحكو مع بعضنا لما جاني هنا مرتين جا بعد الفاتحه بس ذكرياتهن لاتنسى قعدت نبكي ودفنت وجهي في المخده عشن محد يفطنلي ليا 7 شهور ماسمعت صوتك ولاشفتك الصوره راحت جامده متشفيش شوقي لك ياراشد بكيت بكيت لين خذاني النوم.
سمر/فيش كنت حايس امبدري لما رنيت عليك؟.
عماد/نركبوفي دارالنوم بتاع معاذ
سمر/ماشاء الله عقبالنا يارب
عماد/امين
بعدها الباب يدق
عماد/سمرخليك غ الخط نشوف معاذ يدق فتحله باب الدار
معاذ/تي كنه الواي فاي ياعماد
عماد/رصيده كامل وماسكته الضحكه بلعاني فيه مشعالقه كويس عشان معاذ ساكنتله خطيبته بتشوف صور الحوش
معاذ/ياراجل مليش شي معبيله رصيد
عماد/خش شوفه
خش معاذ يبربش فيه واتصل شاف الرصيد لقى فيه رصيد عماد اطربق ع روحه من الضحك قعد معاذ يجري في جرته.... قعديجري في جرته وصكرالخط سمر تضحك...
البنات/كنك؟ حكتلهن
معاذ خو عماد/رن ع خطيبته طوط طوط
هاجر/هلا تي وينك حبيبي نعست ونا نرجى فيك معاذ/حامق هضا عماد الكلب مبربش الواي فاي هاجر/ضحكت بدلع ياحليلي منه هالعصبي نحبك معاذ/ههههه ونا نموت عليك هجورتي دزيتلك الصور ع الوتس تويحملن..فيش تديري؟ شكلك تاكلي
هاجر/نعست ونا نراجي درت نفص طن نسلي بيه روحي معاذ/ماصارشي من خناق العرايس شكله؟
هاجر/خناق عرايس ليش تي انا كان نلقى نجيك توا هههه وبدو يهدرزو ويحكوا
اما عني روحت وخواتي من عمتي الليل وثاني يوم مشينا الجامعه ومشن الايام لين جايوم دفع وفاتحة سمر مشينا من اليوم اللي قبله بتنا حوش جدودي ودرنا جونا وطبعا معاذ خو عماد بعد الفاتحه بيوم اسقدورا طرابلس دارت هاجر ليلتها غادي وطلعت في فندق في طراابلس يومين وبعدها روحوا بنغازي وداروا ليله في بنغازي وعزموا عماتي وماما
سمر/مقهوره خاطري نمشي.
عميمه/كنك مطيوره ليش ماشيه عيب .
انا/عادي يا عميمه مرته محسوبه وهماعزموها
عميمه /عاداتنا وتقاليدنا عندنا عيب عارفتها بتمشي تقيدالاحوال تو نقيدولك نحن الاحوال
كلنا/ههههه
معاذ وهاجر بعد اسبوع عدوتركيا..
