قلوب سرقها الحب💔
الحلقه الثانيه والعشرون
"
"
غاده/نجلا شيلي هالباردين هضوما دارهم يرقدوا قالبين الدنيا يحسابوه صبح بابا وماما يتعاركو تو يطلعوا يكملو عركتهم علينا
بكيت بكيت بكيت وخذاني النوم
ثاني يوم بابا وصل خوتي وخواتي ونوضتني غاده قتلها منبش نمشي..
الساعه 12 بابا اتصل بعمي مفتاح/السلام عليكم
وكان مفتاح جنب معاذ راكبله يشوف فيه لانه من يوم مادواله جده وهو حابس روحه في شقته
مفتاح/وعليكم السلام
بابا/كيف حالك اليوم وكيف حال الحاج والعيله كلها مفتاح/بخيرالحمدلله شن صارعندكم؟
بابا/شاورت البنت ونحن موافقين
مفتاح/ تمام كل شي ع البركه تو نشوف الحاج كمهضا ندفعو نهاية الاسبوع عشن تلحق تجيب دبشها
بابا/باهي يصيروخير هي سلم ع اللي يلاك
معاذ/جاي دروحك تشوف فيا ومتممين كل شي ومالقيتو الا بنت عمي خالد تحرجو فيا مع الراجل وتحرجو في عماد انتو كنكم؟ نهرب منكم انا متحسوش ناقصني هم ع همي..وخبط يده ع الطاوله القزاز كسرها.. باته/تخوف فيا بحسك احترم نفسك يامعاذ انت عارف جدك قرر وبعدين عنده حق لعند امتى بتقعد تبكي وحابس روحك في شقتك..الميت ميردش ..نحسابك عاقل لكن للاسف
معاذ يبكي كر قميصه لبسه/اقعدو فيها وطلع ركب سيارته ومشى
امه حليمه تبكي/باتك مازاد الطين الا بالله
مفتاح/ شن بندير باتي منقدرش نعارضه
ساره/حرام عليكم يابابا كنتو خليتوه تو مصيره مزوج تو يزعل ويحبس روحه كم شهر اخرى بعدها حيرضى بالامر الواقع ويعيش حياته طبيعي
سلمى/صاح حتى مرته مطقتش 4 شهور طبيعي بتكون ردة فعله هكي
مفتاح سيبهم وخش داره
معاذ يبرم بالسياره ويبكي كان تعبان ومصدع وماهوش عارف ميديرولايصرف رن ع صاحبه
هيثم/اوو معاذ كيف حالك؟
معاذ معصب/انت وين
هيثم/خير معاذ شن في انا في العمل تبيني نطلع نجيك توا
معاذ/كانك مشغول نجيك ناخذ مفتاح شقتك تعبان هيثم/باهي تعال نرجى فيك.....
هيثم/كنك شن صاير؟؟
معاذ/هيثم عطيني عطيني المفتاح وبعد تكمل شغلك تعالي تعبان منش قادر ندوي ..عطاه هيثم المفتاح وتوكل معاذ عدا للشقه..
معاذ امه ترن عليه ميبش يرد عليها/ مش هضا قراركم ودروحكم خايفين عليا توا؟
قعد يسترجع في ذكرياته من اول متعرف ع هاجر لين توفت وغصبا عنه رقد
كذلك نفس القصه عندي نانضت ع الظهر صداع عيوني منفخات لقيت قريب 50 رنه من سمر شكلها حكالها عماد درته صامت ومشيت لقيت ماما في المطبخ مادويتش معاهاخديت بندول ورديت داري
♥♥ احبائي♥♥
(هذا هو سبب تسمية روايتي بقلوب سرقها الحب..
معاذ &وشهد هما الاثنين واللي كانوا أبطال روايتنا.. كانو يعانو..كان قلبهم مش معاهم..راشد مات ومات قلب شهد معاه.. وهاجر ماتت ومات قلب معاذ معاها..فهل يستطيع قلبهما النبض والحب من جديد؟ هل ستستعاد القلوب المسروقه لأصحابها؟ هذا ما سنعرفه في الحلقات المقبله..! خلوكم معايا وتوقعاتكم ).
.......
......
....يتبع
#كاتبه_أميمه_اسامة
