قلوب سرقهاالحب💔
الحلقه الواحده والخمسون
"
"
نضت لقيت الحوش مظلم والموعين مغسولات وبنة الوشق فايحه..لقيته لام المطبخ صبيت صليت وبرمت ع روحي وقعدت نبرم كسااد بكل ليا كم يوم ماكلمت هلي قاعده من غير تلفون قعت نبرم وولعت التي في وقعدت نطبق في الدبش
سيف عدا لهل ريان يخطب وشال الخير والخمير ههههه وكاين حتى خوها ناصر قاعد وعجبهم سيف
باتها/عطينا يومين ياوليدي نسألوا وناخذو راي البنت سيف/هضا رقمي ورنو عليا وخذا ضيافته وروح مجرد خش الشقه رن ع فدوى فدوى متبش ترد بس رزرتها غاده ردي شوي ردت سيف/الو حبيبتي كيف حالك اليوم؟
فدوى اتأفف خزي منافق/الحمدلله كويسه
سيف/نجي نروح بيك؟
فدوى بدلع/لاا حبيبي خليني اليوم نبات بكره جايه شهد
سيف/خلاص بكره اليل نجيك مرايف عليك
فدوى مسحت دمعتها/باهي
سيف/ باهي حبيبتي بنصكر بنرقد شويه نعساان
فدوى كانت تبكي ع الكذب بتاعه حطت يدها ع فمها عشن مايسمعش بكاها/باهي تصبح ع خير وصكرت ورمت النقال وقعدت تبكي
خزي كذاب ومنافق دروحه بيرقد يصكر مني ويكلمها..وانهارت وغاده تهدي فيها
قلبي ياغاده يوجع فيا يضحك عليا ويقولي كلمتين سمحات وهو ماشي خاطب كيف ييقدر؟ ماكنتش نتوقع سيف يدير فيا هكي..صعبه تشوفي زوجك حبيبك بات عويلتك يخون فيك..عليش شن ناقصني نا؟ شن الحاجه اللي لقاها فيها مالقاهش فيا حسبي الله ونعم الوكيل فيه وفيها وقعدت تبكي لين خذاها النوم ورقدت
............
نا سمعت صوت معاذ راكب جريت خشيت داري وصكرت علي روحي منبش نشوفه ومنش طايقه وجهه معاذ/السلام عليكم خش يدود عليا ودق عليا في الدار/شهد شهد .. مبيتش نرد نسمع في صوته في المطبخ
بعد شويه قعد يدق عليا اف/نعم
معاذ/حلي يا شهد
انا//خليني بنرقد
معاذ/باهي حلي درت قهوة اشربي وبعدها ارقدي انا/منبش قهوة بنعدي لهلي
معاذ بقلة حيله/باهي حلي تو نشيلك لهلك هيا حلي.. صبيت فتحت ورديت قعمزت ع الفراش
معاذ/خشيت وحطيت سفرة القهوة والبكلاوة ع الكمدينو وجيت قعمزت جنبها وجسمي كهرب من قربها..قعدت نبحت فيها زين كانت تبكي وعيونها وارمات من البكا خدودها حمر فمها حمر..طفله جميله مشعارف كيف ضربتها منش عارف كيف نرضيها../شهد انا آسف سامحيني ومسكت ايديها وحبيتهن
شهد بحمق/معاذ شيلني لهلي ولا ننزل لعمو يشيلني معاذ/حضنتها بالقوة سامحيني اسف متعدش لهلك ارجوك شهد متحرمينش منك عارف روحي غلطان وغلطي مايغتفرش بس عطيني فرصه
انا دافنه وجهي في صدره ونبكي
معاذ/والله مش من عادتي نمد يدي مشعارف كيف درتها..نوعدك اول واخر مره..اسف اسف اسف سامحيني وحولني من ع صدره ورفعلي راسي شهد بالله عليك بالله عليك سامحيني
اناحطيت يدي ع قلبي/قلبي يوجع فيا مجروحه منك والله..مجروحه مضايقه
معاذ خذاني اخرى في حضنه وهو يبكي /خلاص ياشهد معش تبكي والله ماني متحمل بكيتك.. شهد منبش نخسرك..شديت فيه بالقوة ونا نبكي
معاذ/شن اللي يرضيك ادوي شهد اللي ترضيك نديرها..حتى كان بتعدي لهلك نشيلك بس بشرط تروحي
بحتت فيه/معش تشك فيا وكان شن تشوف تعال واجهني
معاذ/والله ماشك يعني بعد شفت الصور معش
حقيت قدامي والله ماني فاطن لروحي والله نادم اسف اسف اسف
انا/بااهي..خلااص سامحتك
معاذ ضمني بالقوة..نحبك ونموت فيك ياشهد يعلم ربي..انا قعدت ماسكه فيه ..قعد يمسحلي في دموعي..تهبلي وانتي تبكي
اناضحكت
معاذ/اضحكي معش بنشوفك تبكي ومدلي كيس حلو افتحيه
فتحته لقيته ايفون 6/شكرا
معاذ/عفوا..هي اشربي قهوتك
انا نشرب وهو يبحت فيا حسيته يفصفص فيا لين تحشمت/تبي نطلعو ندهورو؟
انا/ياريت
باهي كملي قهوتك ووتي روحك..
صبيت فرحانه نلبس ومعاذ فرحان بفرحتي
معاذ/نركبلك شفرتك ترني ع هلك اكيد مشغولين عليك انا/باهي
لبست إسدال رمادي وكويش ابيض وشنطه بيضه وطلعنا ورنيت ع ماما في السياره وهدرزت معاهم كانو مشغولين عليا
ماما/انشغلت عليك يادودي عليش تلفونك مقفل؟
انا/متنشغليش طاح مني ع سراميكة المطبخ شاشته تكسرت كنتي رنيتي ع معاذ
ماما/تجي تفطري معانا بكره؟فدوى عندنا
انا/والله.. وبحتت في معاذ..تونشوف معاذ ونقولك
معاذ/عادي شهد نشيلك
انا/هههه قال باهي
ماما/سلمه ياربي عطيه ليا مديت الفون لمعاذ/السلام عليكم ..خيرات عميمه كيف حالك ومتحشم
انا فرحت اول مره يهدرز مع ماما
ماما/تعال مع شهد بكره
معاذ/ان شاءالله توصي ع شي
ماما/سلامتك
........................
وبالفعل سيف صكر من فدوى وعلقها مكالمه مع ريان للفجر حتى السحور راح عليه ....
ونحن عدينا للسندباد ولعبت في الالعاب واسحرنا وروحنا الحوش ع اذان الفجر
حطني معاذ وعدى يصلي ونا راكبه قابلتني ساره سلمت عليها وجيت بنركب..ساره شدتني من يدي تعالي خشي ع ما جا معاذ حتى سمر قاعده
انا يدي وجعتني/اه بشويه وخشيت
ساره/كنهايدك؟
انا نغسل في الطاسه انحلت في يدي
ساره/لاباس
سلمى/وين كنتو؟
انا/في السندباد
ساره/من ورانا في تطورات في الموضوع
سمر برفعة حاجب وصوت واطي/تراضيتو؟
هزيت راسي
سمر/مبروك
ساره تحسابها شي اخر/واخيرا
وسلمى/تحسابها حمل مبروك مع بعضكم انتي وسمر انا اضبطت سمر ونبكي/مبروك ياروحي فرحتلك سلمى/عليش تبكي
انا/دموع الفرح معقوله متقوليليش
سمر/والله امبدري شوي روحت من العياده بنرن عليك تنزلي شوي عمي قالي طلعو
انا/عمي داير برج مراقبه هعههه يهبل عمي هضا
ساره/عمك يهبل وولده يهبل ولا لا؟
انا عضيت شاربي/اييه يابنات ولده هضا نحبه نا نموت فيه..نموت فييه
سلمى/تضحك في ضحكة طويله
انا/عليش تضحكي
سمر منزله راسها وتضحك
ساره/اوو شكلك ذايبه
وانانرمش في عيوني/بككيل
كنت عاطيه ظهري للباب...خلاص خلني نصلي ياقصقاصات الضي بيطلع ونبرم نلقى معاذ مصبي ع الباب وضحكته من الوذن للوذن ..حطيت يدي ع وجهي من الاحراج وخلاص متحشمه بككل وساره تضحك وعدت تجريي بنصلي انا..جريت في جرتها والله نوريك ياساره..ساره تجري ونا في جرتها بالصلايا نضرب فيها..عدت تجري صكرت باب الحمام سلمى بصوت واطي /ههههه عادي تي كنك راجلك كنك وجهك راح طماطمه.. وبدينا نصلو ..معاذ طلع قعمز يلا باته وامه ..
.كملنا الصلاه خزي عليك ياساره حرجتيني كنك هكي؟سخيفه بكل ودموعي نزلن من الحشمه
ساره/من جدك تبكي والله عادي بصاره وجو..والله نا وين ماسألتك يهبل ولده مكنتش فاطنتله بعد جاوبتي فطنتله شيرلي نسكت ونمشي معاك
سمر/ آه بطني خلاص
سلمى/عادي ياعمري..حسستيني ان ما عمرك قتيله نحبك
ساره/للاسف خويا ومرات خويا فكارين هضا وين اعترفوا بحبهم
سلمى/تخبط في وجهها عليك كاينه عليك كاينه ونا اللي نحسابك حامل
سمر وساره وسلمى/ههههههههههه
انا/عارفات ان ابرد منكن مافي خلني نركب خيرلي ساره حضنتني/شهد ررد بالك تزعلي مني والله بصاره انا/لاو الله مازاعله
قعدت توشوشلي في وذني كيف؟عطيتها الزبده من الاخير
طلعت انا وسمر/ونحن راكبين معاذ يضبط في عماد مبروك مبروك وعيونه مرقرقات احلى خبر والله
عماد/الله يبارك فيك عقبالك يارب
انا وسمر ركبنا جري منحرجات قبل لا يحرجونا العيله الفري هذه
خشيت ندوش حموانه ولبست استرتش اسود وفنيليه بالسوسته لنص الفخد زرعيه مخططه اسود بالعرض ورفعت شعري قلبه وبخيت برفان وجيت بنرقد شهد..شهد..مشيتله صصبيت ع الباب/نعم
معاذ/تعالي ارقدي يلايا
انا استكيت
معاذ وهو ماسك ضحكته /تعالي اهو سرير بروحك ونا بروحي.. ابتسمت وجيت رقدت ع السريرحطيت يدي تحت راسي ووجهي مقابله غمضت عيوني ورقددت..ومعاذ يتأمل فيا لين خذاه النوم
....................................
ثاني يوم نا فطرت عند هلي وهل ريان ردو بالموافقه وتمت خطبه رسميه
وأحمد يسعى ويجري ع البني..سمر بدا معاها الوحم مسكينه متعبها
.............................
*يوم 25 رمضان* كنت في المطبخ نغسل في موعين الفطور..معاذ مسك فيا من لاورا خلي الموعين وتعالي..
......يتبع
#كاتبه_أميمه_اسامة
