قلوب سرقها الحب 💔
حلقه11
:
:
ردي لعند امتى تردي في الخطاب تدلعي شن تحسابي روحك اها ومسكني من كتوفي ويخض فيا راشد مات لعند امتى بتقعدي ع ذكراه؟
انا زدت نبكي بصوت عالي خش عمي يجري امال الطريق ترا خش يجري
عمي/تي لا خالد وسع بالك سيبها سيبها واطلع خلاص مفش نصيب وقعد يكر فيه.عزقني ع الوطا والله ثم والله ثم والله ياشهد تجيك دار مصقمه حنعطيك وبدون مقابله لاشي حطي هالكلام في راسك وطلع
عمي/اطلعوا ترا خلونا بروحنا وصكر الباب رفعني قعمزني ع السرير معقوله ياشهد هكي حرجتيني هك دموعك منظرك يقطع القلب عيني عينك مجبوره انا/والله غصبا عني مقدرتش نمسك دموعي مش بيدي بابا يحسابني بلعاني عشن نفركسها حضني خلاص باتك خايف عليك يبي مصلحتك وعنده الحق يشوف فيك كيف ذابله بينسيك همك
انا/نبكي وخلاص
عمي/خلاص اسكتي تقول بطمه دموعك شن هضا انا/ضحكت من وسط دموعي
عمي/خلاص شهد حرام عليك تعبتينا بدموعك وقلة وكالك رايحه جلد ع عظم شن هضا باتك حيركبه المرض بسباك مسحلي دموعي خلاص صبي اغسلي وجهك فتح الباب وطلع خشنلي ماما والبنات
عمي خش لباتي يقنع فيه وسع بالك را البنت غصبا عنها متقساش عليها ويبينله في وجهة نظري كلا هو مفش منه عمي ياعوين فاطمه بيه .
البنات وماما متنكدات مقعمزات يلايا
نجلاء/هي شههد عطك حبه شن هضا
بحتت فيها كنك؟
ان شاء الله هضا شكلك كنتي تبكي هكي قدام الراجل يامينتي مسكين اكيد يقول شن هالطفله اللي طيحوني فيها
انا/اطربقت ع روحي من الضحك ضحكو كلهم
غاده/تي بالله نجلاء جيبيلنا الباستي والقهوه حصلنا باستي من وراه مسيكين وبدن يضحكن ويشفطن وبابا قعد يتحاشا فيا ومادوالش اخرى
عند عماد يهدرز
ع باته وامه/ياباتي نبي نطلع الفرح بعد 6شهور يعني في شهر 6 ان شاء الله
امه/باهي براحتك.
ساره /احسن حاجه الجو لا هوحمو ولاهوصقع
عماد/خلاص ان شاء الله 20/6 قبل رمضان باسبوعين باته/خلاص باهي تمام ربي يهنيك ونتريحوا عليك معاذ ماسك طاسة الشاهي في يده سلم ايديك ياامي طاسه سمحه اسمع يا عماد الثلاجه والغاز والغساله هديه مني تشريهنش
عماد/لنقانك مافي منك احسن اخ في الدنيا
معاذ/تسلم ياخيي هي تصبحو ع خير وركب لقى هاجر تبكي كنها حبيبتي من مزعلها؟
هاجر تبكي معاذ حضنهامتخوفينش عليك هاجر شن في؟
هاجر/مضايقه ومرايفه ع ماما
معاذ/ نجازفوا و نمشوا عادي؟
هاجر/ايه
معاذ/اكيد محد يحملني المسؤليه؟
هاجر/اني نتحمل المسؤليه
معاذ/خلاص دلوعة معاذ بكره نحجزوا
هاجر/باساته نحبك والله انت كل شئ عندي اوعدني تبقى ديماهك حنين عليا
معاذ/اكيد لين ربي ياخذ امانته
هاجر/لانموت قبلك نقدرش ع فراقك نا
معاذ/بعيد السو ع غلاتي من الموت تعالي مرايف عليك ......
ثاني يوم عدا معاذ حجز تذكرتين وبعد يومين اسقدوا هاجر بتطير من الفرحه قعدت اسبوع مع هلها وبعدها خوها عنده جناح في حوش هلها عطاه لهم ادهورروا زردوا وغيروا جوهم خصوصا هاجراللي كانت مرايفه ع هلها والوحم مضايقلها خلقها
