قلوب سرقها الحب💔
الحلقه الخمسون
"
"
شهد فطنت لروحي /انا راقده هناراجلك وين؟ سامحيني
سمر/هههههه تي عادي عماد مش قاعد في التراويح نوضي خشي ديري حمام خلينا ناكلو عشن تاخذي دواك
انا/معندش نيه والله
سمر/تي غار تنقرشي نقريش ونديرو قهوة كيف بتاع خالد
اناضحكت/يلانا ع البريمس؟رايفت ع قهوة بابا صبيت لفيت يدي ودرت حمام لقيت سمر حاطه السفره دايره شربه وبراك
سمر/نعيما قعمزي هي ومدتلي الكشيك
معندش نيه قعدت نجامل فيها ودرنا قهوة ع البريمس يلانا
الباب يدق ..سمر/هضوما روحو
انا/اسمعي منبش نشوف وجهه
سمر/هههه باهي
صبت فتحت وخشو هما الاثنين
معاذ/استاذن سمر بنخش
سمركشخت عليه/خش
عماد/ههههههه تستاهل
انا سمعته بيخش/سمر متخليش يخش بالله عليك معاذ سمعني رد طلع برا الشقه بكل رد شقته
قعدت نبكي خش عماد/خلاص ياشهد راهو نادم بكل ممبدري وهو يحكيلي مهوش عارف كيف يراضيك
انا/ساكته ونسمع
عماد/الحوش حوشك خوذي راحتك انا طالع مسهري مع اصحابي حنروح ع السحور..كان تبو شي رنو عليا
سمر/يا مينتي وجعني خاشلك بعد سمعك قتيلي متخلش يخش رد لشقته
انا/يامينتي..طيبه كلا انتي
سمر/باهي احكيلي عليش تعاركتو
قعدت نحكيلها. حكيتلها كل حاجه من يوم الزفه لليوم.. سمر باستغراب/هئ طيح سعده طيح سعده خزي ع وجهه..وساكته ماحكيتيلش معقوله ياشهد عليش اسمي عمتك وقريبه منك ..معقوله تدسي عليا؟
انا/في البدايه كنت ع اعصابي مش طايقني بس بعد قعد يعامل فيا كويس قلت خلاص تو يجي للطريق لين كملها اليوم..منبيش نخليك تشيلي الهم معايا..ومنبش علاقتي نا واياه اتأثر ع علاقتك انتي وعماد..وتميت نبكي
سمر/هبله والله الا هبله وهالبرنامج هضا ليش ماحولتيه مش هزباتك عليه غاده
نا/تي نسيته بككل..وسكتت والموبايل ادشدش
سمر/ياخذ سوك ياخذ سوك الموبايل..بس تو شن بتديري؟
انا/مشعارفه منقدرش نسامحه ياسمر
سمر/تلوميه وتعذريه شاف صور مرته مع راجل مهما كان
انا/لا ماتلتمسيلش العذر شك فيا..مااحترمنش ماعطانش فرصه معناها هضا ابسط تعصيبه يضربني.. سمر/عطيه فرصه يحكي معاك وماترضش بس عطيه فرصه
انانبكي/لامنعطيش فرصه.. انا لقيته يتفرج ع صور مراته ويبكي جيت حضنته وقعدت نصبر فيه
سمر/ياشهد افهمي انتي عارفه انها مرته ..بس هو مهوش عارف ان هضا راجلك
انا/معناها مهوش حاط فيا ثقه
سمر/خلاص براحتك يادودي متزعلش روحك
...................................
معتز مشى للمختبر اللي تشتغل فيه ريان
السلام عليكم ومشى طول لريان/نبي نتيجه التحليل ريان/ تفضل
معتز/هي شكرا صحيتي وطلع
...................................
الساعه 2 عماد روح للحوش ..
انا/سمر تصبحي ع خير بنعدي نرقد
سمر/عادي خليك عماد مش شورك
انا/لاخليني نروح لعند امتى بنقعدعندك؟خليني نروح عماد/راهو والله مانك مضايقتيني ياشهد
انا/بارك الله فيك عماد بس خلاص خليني نروح
عماد/باهي براحتك بس حاولي تعطي معاذ فرصه رقرقن دموعي/ان شاءالله خير
سمر وصلتني للباب لين فتحت وخشيت ..قاعده نقول يارب مايقابلنيش جيت بنخش داري وهو طالع من المطبخ سيبته وكملت طريقي ضبحلي
شهد شهد ..خشيت داري وصكرت الباب بالمفتاح .. انا بياخذ في عيني النوم سمعت الباب يدق
معاذ/اهلين ياباتي تفضل تفضل
عمي/امتى جيت؟
معاذ/امبدري شويه
عمي/ويين شهد؟ تعالي ياشهد
نسمع في عمي يضبحلي درت روحي مانسمعش.. يدي مربوطه والكف معلم في وجهي...
عمي/تي وين وليتك
معاذ في الدار تو تجي
ودق عليا وفتح الباب/شهد تعالي باتي يبيك
صبيت نلبس
عمي/انا منقصدش ندخل في خصوصياتكم بس شهد وانت امبدري وجهكم معجبنيش شن في؟
معاذ/لا مافي شي
انا بصوت كئيب وواطي /اهلين ياعمو كيف حالك،؟مقدرتش نمدله يدي نسلم لنها مربطه
عمي/كنه وجهك؟
نزلن دموعي وسكتت..
عمي/معاذ كنها شهد تحسابني مافطنتش امبدري وصبا رفعلي راسي ونا دموعي مانحكيلك.. وبعصبيه/كنها يدك شهد ؟معاذ ضاربك؟ سكتت احكي شهد هزيت راسي عمي شاط و وعطا معاذ كف
انا/انحرجت معش عرفت شن ندير
ومعاذ انصدم وصبى قعد يبرم في مكانه من الصدمه والاحراج
عمي/تحسابها رجوله تمد يدك ع مرا شن تحساب روحك انت..عليش ضربتها.؟عمي شايط ويهزب بعصبيه عليش ضربتها
معاذ/خلاص ياباتي حاجه خاصه بيني وبينها
خفت من باته ماتوقعتش يكون ردة فعله هكي
عمي/وانتي ساكته ليش ماجيتي شكيتيلي
طبست راسي
باته/احكي ترضاها لوحده من خواتك
معاذ/خلاص ياباتي انا غلطت وقدامك اول واخر مره..معد تتكرر
عمي/لاحول ولا قوة الا بالله
والله يامعاذ تجي شورها ولاتزعلها الفيلا معد تقصها تفهم ولالا؟
معاذ بقهر/حاضر ياباتي
وانتي يديرلك حاجه تعالي اشكيلي كيف باتك نا وتبش تقعدي هنا تعالي انزلي مع ساره وسلمى
انا/لاياعمي خلاص تو نقعد في شقتي
عمي/السلام عليكم وطلع وطبق الباب . ...
معاذ خش داره وصكر الباب بالقوه .
انا رغم اني راقيتلي منه بس وجعني بعد باته ضربه قدامي ونفس الوقت الكف مسحلي كبدي..
خشيت برمت ع المطبخ وحطيت الاكل في الثلاجه ومسكت مصحف لين اذن الفجر مطلعتش من داري سمعت صوت معاذ برا وبعدها طلع . .صليت الفجر ورقدت
..................................
سيف/اهلين حبيبتي
ريان/اهلين وسهلين كيف حالك
سيف/الحمدلله كويس انت شن دايره
ريان/الحمدلله
سيف/عندي لك خبر قولي شنو؟
ريان شنو؟
سيف/اليوم بعد التراويح بنجي لباتك نخطبك
ريان/والله؟نجك ليا ياوسيفه نحبك
سيف/ههههه وونجك ليا نموت فيك
وكملو هدريزهم...بلقيس ماتت من القهر اتصلت بمعتز/الووو معتز تي شن صارمعاك؟
معتز/في شنو؟
بلقيس/يعني في شنو في الحقيره ريان معتز/هههه لنقانها طرف من الاخير نبيك تخطببيها ليا
بلقيس/معتز ماتزتفزنش ترا
معتز/هههههه شفتها ومشيتلها مرتين في المختبر
بلقيس/الكلب ماشي اليوم يخطبها
معتز/دبنه كلب خليه للكلبه عليش نجرو في جرته بلقيس/معتززز
معتز/نبصر نبصر هههههه انتي غار خليه يخطبها وبعدها ندير الخطوة الثانيه متشيلش هم ..وفكينا من العصبيه تي نوعدك نديرلك لها ملف كامل
..................................
نضت صليت الظهر وبرمت في الحوش ملقيتش قاعد مسكت مصحفي قريت ورديت رقدت لاني منبش نحكي معاه
معاذ يمشي في الوقت برا الحوش مهوش عارف كيف يقابلني وكيف يرضيني
.................................
فدوى/مارنش عليا ولا دز رساله حتى نا بنفوته
بلقيس مبتش تدزلها الصوتيه لانها عارفه ان فدوى حتخرب الخطه وتواجهه/غار حايس مانك غابيه العيد قرب ماكلمهش من يومتها ..انتي غار كلميه جاملي متخليهش تاخذه منك بالساهل
فدوى/يملح تشبع بيع هالخاين وقعدت تبكي
غاده سمعتها/فدوى شن في كنه سيف؟
فدوى/مفشي شي
غاده/احكي را نقول لماما
فدوى/مبردك وحكتلها
غاده/عندها حق بيسه صاح كلامها
فدوى/منش مكلمته خلاص هي كلمه قلتها
غاده/خذت تلفونها ودزتله/اهلين حبيبي كيفك ياعمري استاحشتك كنك مارنيت عليا ..ومدتلها التلفون ..كان رن عليك مثلي الكذبه ياغبيه
فدوى/كنك انتي متفهمش
منكش حاسه بيا اصلا
غاده/بنساعدوك ياهبله..تستسلمي بسرعه؟في جرتك 3 عويله حرام عليك..بعدين سيف بالمجمل كويس تخلي وحده ساقطه تضحك عليه وتاخذه قدام عينك
فدوى/اسكتي ياغاده بالله عليك راسي مصدع
هاجر/ياماما جيعانه
غاده/تعالي حبيبتي نعطيك مما وطلعت وسيبتها
...............................
انا مشيت يومي كله في الدار منبش نتقابل مع معاذ..نسمع فيه يقربج في المطبخ شكله يطيب في الفطور..خشيت ندوش
لبست جونه أمريكيه بالحمالات فوق الركبه ودرت شعري ذيل حصان طلعت من الحمام لقيته فاتح الفرندا بتاع دار النوم ويجهز في الطاوله مبحتش فيه..
معاذ/نعيما
انا/.......مبتش نرد
مكسده بكل ومبيتش نخشله في المطبخ قعمزت في الصاله وحطيت كراع ع كراع وولعت التي في!!
انا اطيب مني مافي ولو احترمتيني تاخذ عيوني وزياده..لكن..لو حطيت شي في راسي نديره نديره..ونا حطيت في راسي اني نستكرد معاذ اذن المغرب طلع الجامع صلى وجهز السفره وجاني كنت نسلح في دبش الصلاة/شهد السفره واتيه تعالي افطري..
أنا/ معندش نيه
معاذ/الله يربحك تعالي كولي فمين عشن تاخذي دواك بدن دموعي ينزلن ومشيت للفرندا لقيته مجهز السفره بطريقه سمحه حاط اللميه والعصير الطبيعي والقزوزه..وشربه امس وداير كبده وبطاطا مقليه..وطريقة ترتيب السفره سمحه بكل كريت الكرسي وقعمزت ناكل..واعتبرته مش موجود بكل..ولكن دموعي ما وقفنش بككل
معاذ مد يده مسك يدي وقرب مني وقعد يمسحلي في دموعي/ سامحيني شهد زدت نبكي وصبيت نجري خشيت داري وصكرت داري بالمفتاح بكيت وخذيت دوايا وخذاني النوم ورقدت لان الدوا فيه نسبة منوم
يتبع.......
#كاتبه_أميمه_اسامة
